(vovworld) –  ກອງ​ປະ​ຊຸມ​ສຳ​ມະ​ນາ “ສົ່ງ​ເສີມ​ການ​ທ່ອງ​ທ່ຽວ ໂຕ​ກຽວ ຢູ່ ຮ່າ​ໂນ້ຍ” ຖືກ​ດຳ​ເນີນ​ໄປ​ໃນ​ວັນ​ທີ 26/1 ຢູ່​ນະ​ຄອນ ໂຮ່​ຈີ​ມິນ, ໂດຍ​ກົມ​ອຸດ​ສາ​ຫະ​ກຳ ແລະ ແຮງ​ງານ​ນະ​ຄອນ ໂຕ​ກຽວ (ຍີ່​ປຸ່ນ) ສົມ​ທົບ​ກັບ​ນະ​ຄອນ ຮ່າ​ໂນ້ຍ ຈັດ​ຕັ້ງ. ນີ້​ແມ່ນ​ເຫດ​ການ​ຂອງ​ນະ​ຄອນ ໂຕ​ກຽວ ເພື່ອ​ແນ​ໃສ່​ຊຸກຍ​ູ້​ຈຳ​ນວນ​ແຂກ​ທ່ອງ​ທ່ຽວ ຫວຽດ​ນາມ ໄປ​ທ່ອງ​ທ່ຽວ ຍີ່​ປຸ່ນ ໃນ​ອະ​ນາ​ຄົດ.

        ທີ່ກອງ​ປະ​ຊຸມ​ສຳ​ມະ​ນາ, ຝ່າຍ ຍີ່​ປຸ່ນ ໄດ້​ຍົກ​ອອກຫຼາຍ​ເຫດ​ການ​ທ່ອງ​ທ່ຽວ​ທີ່ດູດ​ດື່ມ​ໃນ​ປີ, ແບ່ງ​ເປັນ 4 ລະ​ດູ​ຄື: ລະ​ດູ​ບານ​ໃໝ່, ລະ​ດູ​ຮ້ອນ​, ລະ​ດູ​ໃບ​ໄມ້​ຫຼົ່ນ, ລະ​ດູ​ໜາວ. ໃນ​ນັ້ນ​ມີ​ບັນ​ດາ​ງານ​ບຸນ​ຢູ່​ຕາມ​ຖະ​ໜົນ, ສັບ​ປະ​ດາ​ອາ​ພອນ​ສະ​ໄໝ, ງານ​ບຸນ​ຊົມ​ດອກ​ຊະ​ກຸ​ຣະ… ຝ່າຍ ຍີ່​ປຸ່ນ ກໍ່​ໃຫ້​ຮູ້​ວ່າ: ໜຶ່ງ​ໃນ​ບັນ​ດາ​​ສິ່ງ​ດຶງ​ດູດ​ແຂກ​ທ່ອງ​ທ່ຽວ​ສາ​ກົນ​ເມື່ອ​ໄປ​ຢ້ຽມ​ຢາມ ໂຕ​ກຽວ ນັ້ນ​ແມ່ນ​ການ​ຊື​້​ເຄື່ອງ​ຂອງ. ຕາມ​ການ​ສະ​ຖິ​ິ​ຕິ​ແລ​້ວ, ແຕ່​ລະ​ປີ​ມີ​ແຂກ​ທ່ອງ​ທ່ຽວ​ສາ​ກົນ​ປະ​ມານ 10 ລ້ານ​ເທື່ອ​ຄົນ ໃນ​ນັ້​ນ​ເຄິ່ງ​ໜຶ່ງ​ໃນ​ຈ​ຳ​ນວນນີ້​​ແມ່ນ​ມັກ​ໄປ​ຊື້​ເຄື່ອງ​ຢູ່​ສູນ Don Quijote. ນີ້​ໄດ້​ຮັບ​ຖື​ວ່າ​ແມ່ນ​ເຂດ​ດຶງ​ດູດ​ແຂກ​ທ່ອງ​ທ່ຽວ​ສາ​ກົນ​ຫຼາຍທີ່​ສຸດ​ຢູ່ ຍີ່​ປຸ່ນ ດ້ວຍຫຼາຍ​ປະ​ເພດ​ສິນ​ຄ້າ ແລະ ລາ​ຄາ​ກໍ່​ເໝາະ​ສົມ.