ທ່ານ ເລືອງເກື່ອງ ຮັບດຳລົງຕຳແໜ່ງປະທານປະເທດ (ພາບ: VGP)

        ເນື່ອງໃນໂອກາດສະພາແຫ່ງຊາດຊຸດທີ 15 ເລືອກຕັ້ງທ່ານ ເລືອງເກື່ອງ ດຳລົງຕຳແໜ່ງປະທານປະເທດແຫ່ງ ສສ.ຫວຽດນາມ, ການນຳຫຼາຍປະເທດໄດ້ສົ່ງໂທລະເລກ, ຈົດໝາຍ, ສານມາຊົມເຊີຍ.

        ການນຳ ສປປ.ເກົາຫຼີ Kim Jong Un ສະແດງຄວາມເຫັນວ່າ, ທ່ານ ເລືອງເກື່ອງ ຮັບດຳລົງຕຳແໜ່ງປະທານປະເທດ ໄດ້ສະແດງໃຫ້ເຫັນອິດທິພົນຊື່ສຽງ ແລະ ຄວາມຕັ້ງຫວັງຂອງພັກກອມມູນິດ ຫວຽດນາມ; ທ່ານເຊື່ອໝັ້ນຢ່າງແນວແນ່ວ່າ, ການພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອລະຫວ່າງ 2 ພັກ ແລະ 2 ລັດ ຫວຽດນາມ - ສປປ.ເກົາຫຼີ ຈະໄດ້ຮັບການເພີ່ມທະວີ ແລະ ພັດທະນາ.

        ທ່ານປະທານາທິບໍດີ ສ.ເກົາຫຼີ Yoon Suk Yeol ຢືນຢັນວ່າ, ຈະສືບຕໍ່ແລກປ່ຽນ ແລະ ຮ່ວມມືກັນຢ່າງແໜ້ນແຟ້ນ ເພື່ອນຳການພົວພັນຄູ່ຮ່ວມມືຮອບດ້ານ ຫວຽດນາມ - ສ.ເກົາຫຼີ ໃຫ້ພັດທະນາຂຶ້ນສູ່ລະດັບສູງໃໝ່, ປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະ ຄວາມວັດທະນາຖາວອນຂອງພາກພື້ນ.

        ທ່ານນາຍົກລັດຖະມົນຕີ ຍີ່ປຸ່ນ Ishiba Shigeru ສະແດງຄວາມປາດຖະໜາຢາກເຮັດໃຫ້ການພົວພັນຮ່ວມມືກັບ ຫວຽດນາມ ເລິກເຊິ່ງຂຶ້ນຕື່ມ ແລະ ປາດຖະໜາຢາກໄດ້ມີການພົບປະກັບທ່ານປະທານປະເທດ ເລືອງເກື່ອງ ໂດຍໄວ.

        ໃນຈຳນວນໂທລະເລກສົ່ງມາຊົມເຊີຍ, ຍັງມີທ່ານປະທານາທິບໍດີ ມົງໂກນ, ທ່ານປະທານາທິບໍດີ ສ.ເບລາຣຸດ, ທ່ານປະທານາທິບໍດີ ສ.ນີກາຣາກວາ…