ຜູ້ໂດຍສານຢູ່ສະໜາມບິນ Heathrow, ລອນດອນ, ປະເທດອັງກິດ (ພາບ: TTXVN)

ຕໍ່ໜ້າສະພາບການໂລກລະບາດ Covid – 19 ເກີດຂຶ້ນຢ່າງແຮງຄືນໃໝ່ຢູ່ເອີລົບພາຍຫຼັງການຜ່ອນຜັນການເດີນທາງໄປມາລະຫວ່າງ ບັນດາປະເທດໃນກຸ່ມມາເປັນເວລາ 1 ເດືອນ, ຕາມແຫຼ່ງຂ່າວຈາກອັງກິດໃນວັນທີ 26 ກໍລະກົດໃຫ້ຮູ້ວ່າ: ລອນດອນອາດຈະນຳໃຊ້ຂໍ້ກຳນົດແຍກຕົວແບບບັງຄັບສຳລັບຜູ້ເຂົ້າເມືອງອັງກິດທີ່ມາຈາກບາງປະເທດ, ນັບທັງພົນລະເມືອງອັງກິດ ແລະ ຊາວຕ່າງປະເທດຄືນໃໝ່.

        ກ່ອນໜ້ານັ້ນໃນຕອນບ່າຍວັນທີ 24 ກໍລະກົດ, ລັດຖະບານ ອັງກິດໄດ້ປະກາດນຳໃຊ້ການຮຽກຮ້ອງຕ້ອງ ແຍກຕົວແບບບັງຄັບ 14 ມື້ສຳລັບບັນດາຜູ້ຄົນທີ່ມາຈາກແອັດສະປາຍນັບແຕ່ ເວລາ 23 ໂມງຂອງວັນທີ 25 ກໍລະກົດ ເປັນຕົ້ນມາ.

        ປັດຈຸບັນ, ລັດຖະບານ ເຢຍລະມັນ ແລະ ຝລັ່ງກໍ່ພວມຊັ່ງຊານຳໃຊ້ຄຳສັ່ງແຍກຕົວທີ່ຄ້າຍຄືກັນຂອງອັງກິດ ສຳລັບຜູ້ເຂົ້າເມືອງທີ່ມາຈາກປະເທດ ແອັດສະປາຍ. ບັນດາປະເທດເອີລົບໄດ້ສະແດງຄວາມວິຕົກກັງວົນຕໍ່ການແຜ່ລະບາດເຊື້ອພະຍາດເຊິ່ງອາດຈະເກີດຂຶ້ນເປັນຄັ້ງທີ 2ຍ້ອນວ່າຊາວເອີລົບໄດ້ເດີນທາງໄປມາຢ່າງຫຼວງຫຼາຍໃນລະດູການທ່ອງທ່ຽວນີ້.