(vovworld) -  ວັນ​ທີ 6/3, ພິທີ​ສົ່ງ​ສາກ​ສົບ​ອະ​ດີດ​ປະທານາທິບໍດີ Hugo Chavez ຈາກ​ໂຮງໝໍ​ກອງທັບ​​ເຖິງວິທະຍາຄານ​ການ​ທະຫານ Boliva ຊື່​ງ​ແມ່ນ​​ແຫ່ງ​ດຳ​ເນີນ​ພິທີ​ໄຫວ້​ອາ​ໄລ​ຢ່າງ​ເປັນ​ທາງ​ການຈັດ​ຂຶ້ນ​ຢູ່​ນະຄອນຫລວງ Caracas. ປະຊາຊົນ Venezuela ນັບ​ໝື່ນໆ​ຄົນ​ນຸ່ງ​ຊຸດສີ​ແດງ​ປະຕິວັດ ຊຶ່ງ​ແມ່ນ​ສັນຍາ​ລັກ​ຂອງ​ຍຸກ​ສະ​ໄຫມ Chavez ​ໄດ້​ລົງ​ຖະຫນົນ​ໃຫຍ່​ສາຍ​ຕ່າງໆ​ຢູ່​ນະຄອນຫລວງ​ເພື່ອສັ່ງ​ລາທ່ານ Hugo Chavez ​ແລະ ສະ​ແດງການ​ສະຫນັບສະຫນູນ​ຕໍ່ການນຳ​ຜູ້​ລິ​ເລີ່​ມການ​ປະຕິວັດ  Boliva ຢູ່ Venezuela.

ປະຊາ​ຄົມ​ໂລກ​ສືບ​ຕໍ່​ສະ​ແດງ​ຄວາມ​ເສົ້າ​ສະຫລົດ​ໃຈ​ຕໍ່ Venezuela ພາຍຫລັງ​ປະທານາທິບໍດີ Hugo Chavez ລ່ວງ​ລັບ​ໄປ ພ້ອມ​ທັງ​ຢືນຢັນ​ຄຳ​ໝັ້ນ​ສັນຍາສືບ​ຕໍ່​ເພີ່ມ​ທະວີການ​ພົວພັນ​ສອງ​ຝ່າຍ​ກັບ Venezuela. ​ໃນ​ສານ​ສະ​ແດງ​ຄວາມ​ເສົ້າ​ສະຫລົດ​ໃຈ​ສົ່ງ​ເຖິງ​ຮອງ​ປະທານາທິບໍດີ Venezuela, Nicolas Maduro, ທ່ານ​ປະທານາທິບໍດີ ອີຣານ Mahmoud Ahmadinejad ຊີ້​ແຈງ​ວ່າ: ຜູ້ນຳ Venezuela, Hugo Chavez ​ໄດ້​ອຸທິດ​ສ່ວນ​ຕະຫລອດ​ຊີວິດ​ຂອງ​ຕົນ​ໃຫ້​ແກ່​ພາລະກິດ​ຂອງ​ປະ​ເທດ​ຊາດ ​ແລະ ຄວາມ​ເສ​ລິ​ພາບ​ໃຫ້​ແກ່​ປະຊາຊົນ”, Venezuela ​ໄດ້​ສູນ​ເສຍ​ລູກສິດ​ທີ່​ຍິ່ງ​ໃຫຍ່ ​ແລະ ​ໂລກ​ກໍ​ສູນ​ເສຍ​ການ​ນຳ​ປະຕິວັດ​ຜູ້​ຫນຶ່ງ​ທີ່​ປີ​ຊາ​ສາມາດ. ລັດຖະບານ ອີຣານ ຖະ​ແຫລ​ງຈະ​ໄວ້​ທຸກ

ປະຊາຊົນ Venezuela ສັ່ງ​ລາທ່ານ Hugo Chavez ພາບ:btv.org.vn

​ທ່ານ Hugo Chavez ໃນ​ວັນ​ທີ 6/3. ​ໃນ​ສານ​ສົ່ງ​ເຖິງ​ຄູ່​ຕຳ​ແຫນ່​ງ Venezuela, Diosdado Cabello, ທ່ານປະທານ​ປະ​ເທດ​ຈີນ ອູ​ປາງ​ກົ້ວ ສະ​ແດງ​ຄວາມ​ເສົ້າ​ສະຫລົດ​ໃຈ​ຕໍ່​ການ​ລ່ວງ​ລັບ​ໄປ​ຂອງ​ປະທານາທິບໍດີ Hugo Chavez ​ພ້ອມ​ທັງ​ຢືນຢັນ​ວ່າ: ຈີນ​ພ້ອມ​ແລ້ວ​ທີ່​ຈະສືບ​ຕໍ່​ປັບປຸງ ​ແລະ ພັດທະນາ​ສາຍ​ພົວພັນ​ນີ້. ປະທານາທິບໍດີ ຝລັ່ງ Francois Hollander, ນາຍົກລັດຖະມົນຕີ ອິນ​ເດຍ Manmohan Singh, ປະທານສະຫະພາບ​ເອີ​ລົບ Herman Van Rompuy ​ແລະ ປະທານ​ຄະນະ​ກຳມະການ​ເອີ​ລົບ Jose Manuel Barroso ​ໄດ້​ສົ່ງ​ສານສະ​ແດງ​ຄວາມ​ເສົ້າ​ສະຫລົດ​ໃຈ​ຕໍ່ Venezuela ພ້ອມ​ທັງ​ຢືນຢັນ​ເພີ່ມ​ທະວີ​ສາຍ​ພົວພັນ​ກັບ Venezuela.