(vovworld) – ​ການ​ໂອ້​ລົມ​ສົນທະນາ​ກ່ຽວ​ກັບ​ການ​​ສົ່ງ​ເສີມການ​ຮ່ວມ​ມື​ເສດຖະກິດ​ລະຫວ່າງ​ເກີ່​ນ​ເທີ,​ ເຂດ​ທົ່ງພຽງ​ແມ່​ນ້ຳຂອງ​ ແລະ​ ຝະລັ່ງ ໂດຍ​ກົມ​ພົວພັນ​ກັບ​ຕ່າງປະ​ເທດກະຊວງ​ການ​ຕ່າງປະ​ເທດ ຫວຽດນາມ ສົມທົບ​ກັບ​ສະຖານທູດ ຫວຽດນາມ ປະຈຳ ຝະລັ່ງ, ຄະນະ​ກຳມະການ​ປະຊາຊົນ​ນະຄອນ ​ເກີ່​ນ​ເທີ, ຫ້ອງການ​ການ​ຄ້າ - ອຸດສາຫະກຳ ຝະລັ່ງ ປະຈຳ ຫວຽດນາມ (CCIFV), ຕາໜ່າງດຳ​ເນີນ​ທຸລະ​ກິດ ​ເອີ​ລົບ - ຫວຽດນາມ (Vietnam European Business Network) ສົມທົບ​ກັນ​ຈັດ​ຕັ້ງ​ໃນ​ວັນ​ທີ 30/11 ຢູ່​ສຳນັກງານ​ສະຖານທູດ ຫວຽດນາມ ປະຈຳ ຝະລັ່ງ. ນີ້​ແມ່ນການ​ເຄື່ອນ​ໄຫວ​ທີ່​ນອນ​ໃນ​ຂອບ​ເຂດ​ການ​ຢ້ຽມຢາມ ​ແລະ ​ເຂົ້າ​ຮ່ວມ​ກອງ​ປະຊຸມ​ຄັ້ງທີ 21 ສົນທິສັນຍາ​ແມ່​ຂອງ ສປຊ ກ່ຽວ​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ (COP 21) ຊຶ່ງຈັດຂຶ້ນຢູ່ Paris (ຝະລັ່ງ) ຂອງ​ທ່ານ​ນາຍົກລັດຖະມົນຕີ ຫງວຽນ​ເຕີ໋ນຢຸງ.

        ທີ່​ການ​ໂອ້​ລົມ​ສົນທະນາ, ການ​ນຳ​ນະຄອນ ​ເກີ່​ນ​ເທີ ​ແນະນຳ​ບັນດາ​ຄວາມ​ສາມາດ​ບົ່ມ​ຊ້ອນ, ທ່າ​ແຮງ ​ແລະ ກາລະ​ໂອກາດ​ພັດທະນາ​ເສດຖະກິດ, ດຶງ​ດູດ​ການ​ລົງທຶນ​ຈາກ​ຕ່າງປະ​ເທດ​ຂອງ ​ເກີ່​ນ​ເທີ ​ເວົ້າ​ສະ​ເພາະ ​ແລະ ຂອງ​ເຂດ​ທົ່ງພຽງ​ແມ່​ນ້ຳຂອງທາງ​ພາກ​ໃຕ້ ຫວຽດນາມ ​ເວົ້າ​ລວມ.