(vovworld) – ໃນໂອກາດບຸນປີໃໝ່, ປີມະເສງ, ບັນດາພະນັກງານ, ນັກວິສາວະກອນ, ກຳມະກອນຂອງໂຮງງານຢູງກວົດ, ແຂວງກວາງຫງາຍ ໄດ້ຕ້ອນຮັບບຸນປີໃໝ່ຢູ່ໂຮງງານ, ເພື່ອຮັບປະກັນດ້ານພະລັງງານໃຫ້ແກ່ປະເທດຊາດ. ນັກວິສາວະກອນໜຸ່ມ ດ່ວານຢາຟອງ, ບ້ານເກີດຢູ່ຫາຍຝ່ອງ, ໃຫ້ຮູ້ວ່າ:
”ຄວາມຮູ້ສຶກເມື່ອເຮັດວຽກໃນໂອກາດບຸນເຕັດນັ້ນແມ່ນຄິດຮອດບ້ານ, ຄິດຮອດຄອບຄົວ, ແຕ່ເມື່ອທຽບໃສ່ບັນດານັກຮົບຢູ່ເກາະທີ່ຫາງໄກ, ກໍ່ເຫັນວ່າຕົນເອງຍັງໂຊກດີຫຼາຍ, ດັ່ງນັ້ນຂ້າພະເຈົ້າຈະພະຍາຍາມເຮັດຫຼ້ອນໜ້າທີ່ຂອງຕົນ”.
ສ່ວນທ່ານ ດິງວັນງອກ, ຜູ້ອຳນວຍການໃຫຍ່ບໍລິສັດກັ່ນນ້ຳມັນ ບິ່ນເຊີນ, ທີ່ຂຶ້ນກັບໂຮງງານກັ່ນນ້ຳມັນ ຢຸງກວົດ, ໃຫ້ຮູ້ວ່າ:
”ສຳລັບພະນັກງານທີ່ໄດ້ກັບເມືອບ້ານ, ທາງບໍລິສັດກໍ່ໄດ້ສ້າງເງື່ອນໄຂໃນການໄປມາຢ່າງສະດວກສະບາຍ. ດ້ວຍແຜນການ ແລະ ການກະກຽມຢ່າງລະອຽດຂອງຕົນ, ທາງບໍລິສັດກັ່ນນ້ຳມັນບິ່ນເຊີນ ຈະຮັບປະກັນຄວາມປອດໄພ ທັງຢູ່ພາຍໃນ ແລະ ອ້ອມໂຮງງານ”