(VOVWORLD) - ການລົງທຶນກໍ່ສ້າງໂຮງລະຄອນ ໂຮ່ເກືອມ ເປັນການສະແດງໃຫ້ເຫັນຄວາມເອົາໃຈໃສ່ພິເສດຂອງຄະນະພັກຕຳຫຼວດສູນກາງ, ການນຳກະຊວງຕຳຫຼວດ, ຄະນະກຳມະການປະຊາຊົນນະຄອນ ຮ່າໂນ້ຍ ຕໍ່ວຽກງານວັດທະນະທຳ, ປະກອບສ່ວນປະຕິບັດແຜນນະໂຍບາຍ, ແນວທາງຂອງພັກ, ລັດກ່ຽວກັບວັດທະນະທຳ, ສິລະປະ ແລະ ສ້າງນະຄອນຫຼວງ ຮ່າໂນ້ຍ ແຫ່ງ “ອະລິຍາທຳ - ສິວິໄລ - ທັນສະໄໝ”.
 ໂຮງລະຄອນໂຮ່ເກືອມ (ພາບ: TTXVN) |
ຕອນເຊົ້າວັນທີ 9 ກໍລະກົດ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າຮ່ວມພິທີເປີດນຳໃຊ້ໂຮງລະຄອນ ໂຮ່ເກືອມ ໂດຍກະຊວງຕຳຫຼວດ ສົມທົບກັບນະຄອນຮ່າໂນ້ຍ ຈັດຕັ້ງ.
ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຟ້າມມິງຈິງ ໄດ້ເນັ້ນໜັກວ່າ: ການລົງທຶນກໍ່ສ້າງໂຮງລະຄອນ ໂຮ່ເກືອມ ເປັນການສະແດງໃຫ້ເຫັນຄວາມເອົາໃຈໃສ່ພິເສດຂອງຄະນະພັກຕຳຫຼວດສູນກາງ, ການນຳກະຊວງຕຳຫຼວດ, ຄະນະກຳມະການປະຊາຊົນນະຄອນ ຮ່າໂນ້ຍ ຕໍ່ວຽກງານວັດທະນະທຳ, ປະກອບສ່ວນປະຕິບັດແຜນນະໂຍບາຍ, ແນວທາງຂອງພັກ, ລັດກ່ຽວກັບວັດທະນະທຳ, ສິລະປະ ແລະ ສ້າງນະຄອນຫຼວງ ຮ່າໂນ້ຍ ແຫ່ງ “ອະລິຍາທຳ - ສິວິໄລ - ທັນສະໄໝ”.
ໂດຍຕັ້ງຢູ່ເຮືອນເລກທີ 40-40A ຖະໜົນ ຮ່າງບາຍ, ເມືອງ ຮວ່ານກຽມ, ຮ່າໂນ້ຍ, ດ້ວຍພື້ນຖານດ້ານວັດຖຸທີ່ຄົບຊຸດ, ທັນສະໄໝ, ບັນລຸມາດຖານສາກົນ, ມີລະບົບການບໍລິການທີ່ຫຼາຍຮູບຫຼາຍແບບ, ໂຮງລະຄອນ ໂຮ່ເກືອມ ແມ່ນສະຖານທີ່ຈັດບັນດາເຫດການດ້ານການເມືອງ, ວັດທະນະທຳ, ສິລະປະຂອງ ພັກ, ລັດ, ກະຊວງຕຳຫຼວດ, ນະຄອນ ຮ່າໂນ້ຍ ດ້ວຍບົດບາດເປັນຄືຫໍປະຊຸມສາກົນ. ໂຮງລະຄອນດັ່ງກ່າວ ກໍເປັນສະຖານທີ່ທີ່ຈັບໃຈ ເພື່ອຮັບຊົມບັນດາລາຍການສະແດງສິລະປະຂອງປະຊາຊົນນະຄອນຫຼວງ ແລະ ປະຊາຊົນໃນທົ່ວປະເທດ, ເປັນບ່ອນເຊື່ອມຕໍ່ກັບບັນດາກິດຈະກຳວັດທະນະທຳສິລະປະ, ປະຫວັດສາດຢູ່ອ້ອມແອ້ມໜອງ ຮວ່ານກຽມ, ສ້າງເປັນສູນລວມວັດທະນະທຳຂອງນະຄອນຫຼວງ ຮ່າໂນ້ຍ.