ໂຮງຮຽນແຫ່ງທີ 2 ຢູ່ໝູ່ເກາະເຈື່ອງຊາ ໄດ້ຮັບການກໍ່ສ້າງສຳເລັດ
ນັກຮົບແລະ ເດັກນ້ອຍໃນເກາະ ຊິງຕົນ, ໝູ່ເກາະ ເຈື່ອງຊາ
(ພາບ: baomoi.com)
(vovworld) – ໃນພິທີສະຫຼຸບລາຍການ ”ເພື່ອນັກຮຽນເຈື່ອງຊາ ທີ່ຮັກແພງ” ໄລຍະ 2, ເຊິ່ງຈັດຂຶ້ນຢູ່ນະຄອນໂຮ່ຈີມິນ ໃນຕອນເຊົ້າວັນທີ 12/4. ຄະນະຊີ້ນຳລາຍການໃຫ້ຮູ້ວ່າ ໂຮງຮຽນແຫ່ງທີ 2 ຢູ່ໝູ່ເກາະເຈື່ອງຊາ ໄດ້ຮັບການກໍ່ສ້າງສຳເລັດ. ລາຍການໂດຍກອງທຶນສຶກສາ ວື່ອາຢີ໋ນ, ໜັງສືພິມກົດໝາຍນະຄອນ ໂຮ່ຈີມິນ ແລະ ໂທລະພາບນະຄອນໂຮ່ຈີມິນ ສົມທົບກັນຈັດຕັ້ງຂຶ້ນ. ໄລຍະທີ 1 ຂອງລາຍການໄດ້ສຳເລັດ ດ້ວຍການກໍ່ສ້າງໂຮງຮຽນໃນເກາະເຈື່ອງຊາໃຫຍ່ ແລະ ໄດ້ເລີ່ມນຳໃຊ້ແຕ່ເດືອນ 4/2013 ແລ້ວ. ໄລຍະທີ 2 ຂອງລາຍການນີ້, ເລີ່ມລົງມືກໍ່ສ້າງແຕ່ວັນທີ 30/8/2013. ລາຍການ ”ເພື່ອນັກຮຽນເຈື່ອງຊາ ທີ່ຮັກແພງ” ໄດ້ຮັບການສະໜັບສະໜູນຈາກໝູ່ຄະນະ ແລະ ສ່ວນບຸກຄົນທັງຢູ່ພາຍໃນ ແລະ ຕ່າງປະເທດດ້ວຍຈຳນວນເງິນກວ່າ 23 ຕື້ດົ່ງ. ໂຮງຮຽນໃນເກາະຊິງໂຕ່ນໄດ້ຮັບການກໍ່ສ້າງດ້ວຍມູນຄ່າ 12 ຕຶ້ດົ່ງ, ຈະຖືກນຳເຂົ້າໃຊ້ການໃນວັນທີ 19/4. ທ່ານນາງ ເຈືອງມີ້ຮວາ, ອະດີດຮອງປະທານປະເທດຫວຽດນາມ, ປະທານກອງທຶນສຶກສາ ວື່ອາຢີ່ນ, ໃຫ້ຮູ້ວ່າ:
”ເພື່ອເຮັດໃຫ້ພໍ່ແມ່ນັກຮຽນອູ່ນອ່ຽນໃຈ, ພ້ອມກັບທະຫານຕິດພັນກັບໝູ່ເກາະ, ທະເລ, ແມ່ນຕ້ອງມີໂຮງຮຽນເພື່ອໃຫ້ພວກນ້ອງຮຳ່ຮຽນ, ເບິ່ງແຍງດູແລໃຫ້ພວກນ້ອງ ເພື່ອໃຫ້ປະຊາຊົນອຸ່ນອ່ຽນໃຈ, ປະກອບສ່ວນເຂົ້າໃນການສ້າງສາ ແລະ ຮັກສາສະຖຽນລະພາບ, ຄວາມສະຫງົບປອດໄພ, ຄວາມເປັນລະບຽບຮຽບຮ້ອຍໃນທະເລເກາະຂອງ ພວກເຮົາ”