(vovworld) - ໃນລະຫວ່າງວັນທີ 10/01 - 16/02, ເລີ່ມຕົ້ນອາຍຸການປະຕິບັດງານຢູ່ໂຮນລັງ, ທ່ານນາງເອກອັກຄະລັດຖະທູດຫວຽດນາມ ປະຈຳໂຮນລັງ ໂງທິ້ຮ່ວາ, ໄດ້ຍື່ນສານຕາຕັ້ງຕໍ່ເຈົ້າຊີວິດໂຮນລັງ Wilem Alexander, ເຂົ້າຢ້ຽມຂ່ຳນັບທ່ານນາງເລຂາທິການໃຫຍ່ກະຊວງການຕ່າງປະເທດໂຮນລັງ J.M.G.Brandt ພ້ອມກັບການນຳບັນດາຫົວໜ່ວຍຂຶ້ນກັບກະຊວງການຕ່າງປະເທດໂຮນລັງ ຕາມພິທີການທູດ. ທີ່ບັນດາການພົບປະ, ທ່ານນາງເອກອັກຄະລັດຖະທູດ ໂງທິ້ຮ່ວາ ໄດ້ສະແດງຄວາມປິຕິຊົມຊື່ນເມື່ອເຫັນວ່າ, ການພົວພັນລະຫວ່າງ 2 ປະເທດມີບາດກ້າວພັດທະນາຢ່າງດີງາມໃນຫຼາຍຂົງເຂດ, ປາດຖະໜາວ່າຈະເຮັດຈົນສຸດຄວາມສາມາດຂອງຕົນເພື່ອຊຸກຍູ້ການພົວພັນໃຫ້ສືບຕໍ່ພັດທະນາ.
ການນຳກະຊວງການຕ່າງປະເທດໂຮນລັງ ແລະ ບັນດາກົມໃນກະຊວງໄດ້ເນັ້ນໜັກວ່າ, ໂຮນລັງ ຖືເປັນສຳຄັນການພັດທະນາການພົວພັນກັບຫວຽດນາມ, ຍາມໃດ 2 ປະເທດກໍ່ສະໜັບສະໜູນເຊິ່ງກັນ ແລະ ກັນໃນບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ. ການນຳກະຊວງການຕ່າງປະເທດໂຮນລັງ ຢືນຢັນວ່າ ຈະສືບຕໍ່ສະໜັບສະໜູນ ແລະ ຊຸກຍູ້ລາຊະວົງ, ລັດຖະບານ, ບັນດາກະຊວງ, ຂະແໜງການ ແລະ ວິສາຫະກິດໂຮນລັງ ເພີ່ມທະວີການພົວພັນຮ່ວມມືກັບຫວຽດນາມ.