​(vovworld) - ​Festival ຫວຽດນາມ​ - ຍີ່ປຸ່ນ ປີ 2015 ຖືກ​ໄຂ​ຂຶ້ນ​ໃນ​ຕອນບ່າຍ​ວັນ​ທີ 13/06, ຢູ່​ສວນສາທາລະນະ Yoyoghi, ນະຄອນຫຼວງ​ໂຕກ​ຽວ. ຢູ່​ທີ່​ນີ້, ທ່ານ​ Matsuda Iwao, ອະ​ດີດ​ສະມາຊິກ​ສະພາ​ສູງ, ລັດຖະມົນຕີວ່າການ​ກະຊວງ​ການ​ຕ່າງປະ​ເທດ, ທັງ​ເປັນ​ປະທານ​ຮ່ວມຄະນະ​ຈັດ​ຕັ້ງ​ ໄດ້​ເນັ້ນ​ໜັກ​ວ່າ, Festival ຫວຽດນາມ​ - ຍີ່ປຸ່ນ ​ແມ່ນຂົວ​ເຊື່ອມ​ຕໍ່​ພົບ​ປະ​ແລກປ່ຽນ​ປະຊາຊົນ 2 ປະ​ເທດ ​ແລະ ​ພວມກາຍ​ເປັນ​ໜຶ່ງ​ໃນ​ບັນດາ​ງານ​ບຸນ​ສຳຄັນ ​ເຊິ່ງ​ຖືກ​ຈັດ​ຂຶ້ນ​ຢູ່​ຍີ່​ປຸ່ນ, ສະ​ແດງ​ໃຫ້​ເຫັນ​ການ​ພົວພັນ​ອັນ​ດີງາມ​ລະຫວ່າງ​ປະຊາຊົນ ​ແລະ ລັດຖະບານ 2 ປະ​ເທດ.

      ດ້ວຍ​ຖາ​ນະ​ເປັນ​ປະທານ​ຮ່ວມຄະນະ​ຈັດ​ຕັ້ງ​ງານ​ບຸນ, ທ່ານ​ເອກ​ອັກຄະ​ລັດຖະທູດ​ຫວຽດນາມ ປະຈຳ​ຍີ່ປຸ່ນ ດວ່າ​ນຊວນ​ຮື​ງ ສະ​ແດງ​ຄວາມ​ເຊື່ອ​ໝັ້ນວ່າ, ງານ​ບຸນ​ຈະ​ບັນລຸ​ຜົນ​ສຳ​ເລັດ, ປະກອບສ່ວນ​ຊ່ວຍ​ໃຫ້​ປະຊາຊົນ 2 ປະ​ເທດ​ເຂົ້າ​ໃຈ​ເຊິ່ງກັນ​ແລະ​ກັນ​ຕື່ມ​ອີກ.

      Festival ຫວຽດນາມ​ - ຍີ່ປຸ່ນ 2015 ຖືກ​ດຳ​ເນີນ​​ໄປ​ໃນ​ວັນ​ທີ 13 - 14/06, ດ້ວຍ​ບັນ​ດາລາ​ຍສະ​ແດງທີ່​ເປັນ​ເອ​ກະ​ລັກ​ສະ​ເພາະ, ​ເຂັ້ມຂົນ​ໄປ​ດ້ວຍ​ສີສັນວັດທະນະທຳ​ຂອງ​ຫວຽດນາມ ​ແລະ ຍີ່ປຸ່ນ.