ພາບປະກອບ: IRNA/TTXVN

ຕອນບ່າຍວັນທີ 22 ຕຸລາ, ທ່ານ ປະທານາທິບໍດີ ປະເທດເຈົ້າພາບ ສະຫະພັນ ລັດເຊຍ Vladimir Putin ໄດ້ໄຂກອງປະຊຸມສຸດຍອດບັນດາກຸ່ມພື້ນຖານເສດຖະກິດຫາກໍ່ພົ້ນເດັ່ນຂຶ້ນ ແລະ ພວມພັດທະນາ (BRICS) ຄັ້ງທີ 16 ຢູ່ນະຄອນ Kazan, ເມືອງເອກຂອງສ. Tatarstan ຂຶ້ນກັບສະຫະພັນ ລັດເຊຍ. ກອງປະຊຸມປີນີ້ມີການເຂົ້າຮວ່ມຂອງຜູ້ແທນ ປະມານ 20.000 ຄົນທີ່ມາຈາກ 36 ປະເທດ ແລະ ເຂດແຄ້ວນ, ໃນນັ້ນປະມຸກລັດ 22 ຄົນ, ພ້ອມກັບການນຳຂອງ 6 ອົງການຈັດຕັ້ງສາກົນ, ໃນນັ້ນມີທ່ານເລຂາທິການໃຫຍ່ ສປຊ Antonio Guterres.

ດ້ວຍຫົວຂໍ້ “ເພີ່ມທະວີລັດທິຫຼາຍຝ່າຍ ເພື່ອການພັດທະນາ ແລະ ຄວາມໝັ້ນຄົງທົ່ວໂລກຢ່າງມີຄວາມສະເໝີພາບ”, ປະຊາຄົມໂລກ ພວມມີຄວາມສົນໃຈຕໍ່ Kazan ເພື່ອຕິດຕາມແງ່ຫວັງໃນການເພີ່ມທະວີຮ່ວມມືໃຫ້ຫຼາຍກ່ວາອີກ ລະຫວ່າງບັນດາປະເທດໃຫຍ່ຄື: ລັດເຊຍ, ຈີນ, ອິນເດຍ, ອາບຟຼິກກາໃຕ້, ບຣາຊິນ ແລະ ບັນດາປະເທດໃນສະພາບການໂລກພວກຖືກແບ່ງແຍກ ຫຼືມີການປ່ຽນແປງຢ່າງວ່ອງໄວ ຍ້ອນການປະທະກັນປະກອບອາວຸດທີ່ພວມເກີດຂຶ້ນຢູ່ ຢູແກຼນ ແລະ ພາກພື້ນຕາເວັນອອກກາງ.