(VOVWORLD) -ຕອນເຊົ້າວັນທີ 23 ພະຈິກ, ກອງປະຊຸມລັດຖະມົນຕີກະຊວງປ້ອງກັນປະເທດບັນດາປະເທດ ອາຊຽນ ເປີດກວ້າງ (ADMM+) ຄັ້ງທີ 9 ໄດ້ໄຂຂຶ້ນຢູ່ Siem Reap, ປະເທດ ກຳປູເຈຍ.
 ທ່ານນາຍົກລັດຖະມົນຕີ ກຳປູເຈຍ Samdech Techo Hun Sen (ພາບ: VOV) |
ເຂົ້າຮ່ວມກອງປະຊຸມມີ ລັດຖະມົນຕີກະຊວງປ້ອງກັນປະເທດ, ການນຳກະຊວງປ້ອງກັນປະເທດບັນດາປະເທດ ອາຊຽນ ແລະ ລັດຖະມົນຕີກະຊວງປ້ອງກັນປະເທດ, ຜູ້ຕາງໜ້າ ກະຊວງປ້ອງກັນບັນດາປະເທດຄູ່ຮ່ວມມືລວມມີ: ອົດສະຕາລີ, ຈີນ, ອິນເດຍ, ຍີ່ປຸ່ນ, ສ.ເກົາຫຼີ, ນິວຊີແລນ, ສະຫະພັນ ລັດເຊຍ ແລະ ອາເມລິກາ, ຄະນະຜູ້ແທນການທະຫານ ຂັ້ນສູງ ຫວຽດນາມໂດຍແມ່ນທ່ານພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດ ເປັນຫົວໜ້າຄະນະ, ເຂົ້າຮ່ວມກອງປະຊຸມ.
ກ່າວຄຳເຫັນກ່ອນວາລະໄຂ ADMM+, ທ່ານນາຍົກລັດຖະມົນຕີ ກຳປູເຈຍ Samdech Techo Hun Sen ເນັ້ນໜັກວ່າ ຢ່າງໜ້ອຍສຸດແມ່ນຕ້ອງການ 5 ປັດໄຈເພື່ອປະຕິບັດ “ການຫັນພື້ນຖານຄວາມໝັ້ນຄົງໃຫ້ມີຄວາມປອງດອງ” ໃນພາກພື້ນ. ນັ້ນແມ່ນ: ຊຸກຍູ້ບົດບາດໃຈກາງຂອງອາຊຽນ; ຊຸກຍູ້ໂຄງສ້າງຄວາມໝັ້ນຄົງພາກພື້ນເປີດ, ກວມລວມ ແລະ ອີງໃສ່ລະບຽບກົດໝາຍ; ເພີ່ມທະວີການຮ່ວມມືປ້ອງກັນຊາດ ແລະ ປ້ອງກັນຄວາມສະຫງົບ ຖືປະຊາຊົນເປັນໃຈກາງ ແລະ ອີງໃສ່ຄວາມໄວ້ເນື້ອເຊື່ອໃຈ; ຊຸກຍູ້ຄວາມໝັ້ນຄົງຢ່າງຮອບດ້ານ; ຊຸກຍູ້ຄວາມໝັ້ນຄົງເພື່ອຮ່ວມມື.