ໄຂກອງປະຊຸມສົ່ງເສີມ ການລົງທຶນ,ການຄ້າ ກະສິກຳຊົນນະບົດ ເຂດທົ່ງພຽງແມ່ນ້ຳຂອງ
Thạch Hồng-Hải Phong -
(ພາບ: baomoi.com)
(vovworld) –ຕອນເຊົ້າວັນທີ 6/11, ຢູ່ແຂວງຊອກຈັງ, ໄດ້ໄຂກອງປະຊຸມສົ່ງເສີມການລົງທຶນ, ການຄ້າກະສິກຳຊົນນະບົດເຂດທົ່ງພຽງແມ່ນ້ຳຂອງ, ນີ້ແມ່ນເຫດການສຳຄັນ ແລະ ແມ່ນຈຸດສຸມຂອງເວທີປາໄສຮ່ວມມືເສດຖະກິດເຂດທົ່ງພຽງແມ່ນ້ຳ ຂອງ. ກອງປະຊຸມສ້າງກາລະໂອກາດເພື່ອແນະນຳ, ໂຄສະນາຄວາມສາມາດບົ່ມຊ້ອນໃນຂົງເຂດກະສິກຳ, ຊົນນະບົດ ເຂດທົ່ງພຽງແມ່ນ້ຳຂອງ.
ທີ່ກອງປະຊຸມ, ບັນດາຜູ້ແທນສຸມໃສ່ປຶກສາຫາລືເພື່ອຊອກຫາບັນດາຂໍ້ລິເລີ່ມ, ມາດຕະການ, ບັນດາກົນໄກນະໂຍບາຍເໝາະສົມກັບຈຸດພິເສດສະເພາະຂອງເຂດທົ່ງພຽງແມ່ນ້ຳຂອງ ແນໃສ່ພັດທະ ນາພື້ນຖານການຜະລິດກະສິກຳແບບຍືນຍົງ. ທ່ານຫງວຽນຟອງກວາງ, ຮອງຫົວໜ້າຜູ້ປະຈຳຄະນະຊີ້ນຳເຂດຕາເວັນຕົກທາງພາກໃຕ້ໃຫ້ຮູ້ວ່າ:
“ກອງປະຊຸມສົ່ງເສີມການລົງທຶນສຸມໃສ່ຮຽກຮ້ອງບັນດາໂຄງການ, ກິດຈະກຳເຂົ້າໃນຂົງເຂດທີ່ເປັນທ່າແຮງຂອງເຂດ. ນັ້ນແມ່ນພັດທະນາກະສິກຳຊົນນະບົດຕາມທິດຮ່ວມສຳພັນເຂດ; ນຳໃຊ້ວິທະຍາສາດເຕັກນິກ, ເຕັກໂນໂລຊີສູງເຂົ້າໃນການຜະລິດກະສິກຳ; ປົວແປງລາຍຮັບຂອງຊາວກະສິກອນ, ປະກອບສ່ວນຍົກສູງຊີວິດການເປັນຢູ່ຂອງ ປຊຊ, ຍູ້ແຮງແຜນນະໂຍບາຍສ້າງໂຄງປະກອບຂະແໜງກະສິກຳຄືນໃໝ່ຕາມທິດຮ່ວມສຳພັນເຂດຍົກສູງຄຸນຄ່າເພີ່ມ“./.
Thạch Hồng-Hải Phong