(vovworld) - ກອງ​ປະຊຸມ​ສຸດ​ຍອດສຳພັນ​ທະ​ມິດ ​ໂບສີ​ເວ​ຍ ​ໃຫ້​ແກ່​ທະວີບອາ​ເມ​ລິ​ກາ (ALBA) ຄັ້ງ​ທີ 14 ​ໄດ້​ໄຂ​ຂຶ້ນ​ໃນ​ວັນ​ທີ 05/03 ຢູ່​ນະຄອນຫລວງ Caracas ປະ​ເທດ ​ເວ​ເນ​ຊູ​ເອລາ. ​ເຂົ້າ​ຮ່ວມ​ກອງ​ປະຊຸມ​ມີ​ທ່ານ​ປະທານາທິບໍດີ ​ເວ​ເນ​ຊູ​ເອລາ Nicolas Maduro, ທ່ານ​ປະທານ​ ກູ​ບາ Raul Castro ​ແລະ ການ​ນຳ​ລັດ, ລັດຖະບານ​ຂອງ​ບັນດາ​ປະ​ເທດ​ໃນ​ພາກ​ພື້ນ​ທະວີບອາ​ເມ​ລິ​ກາ​ລາຕີ​ນ ​ແລະ ກາຣີ​ເບ, ພ້ອມ​ດ້ວຍ​ນັກ​ການ​ທູດຫລາຍ​ຄົນ. ກອງ​ປະຊຸມ​ແມ່ນ​ກາລະ​ໂອກາດ ​ເພື່ອ​ໃຫ້ການ​ນຳ​ບັນດາ​ປະ​ເທດ​ສະມາຊິກ​ປຶ​ກສາ​ຫາລື ຍົກ​ອອກ​ບັນດາ​ຈຸດໝາຍ, ມາດ​ຕະການ​ໃໝ່ ​ເພື່ອຊຸກຍູ້​ຄວາມ​ສາມັກຄີ, ​ເປັນ​ເອກະ​ພາບ ​ແລະ ​ການເຊື່ອ​ມ​ໂຍງ​ເຂົ້າ​ກັບພາກ​ພື້ນ, ຄຽງ​ຂ້າງ​ເລື່ອງ​ເປີດ​ກ້ວາງ​ບັນດາ​ໂຄງການ​ເສດຖະກິດ, ການ​ຄ້າ ​ແລະ ກາ​ນຮ່ວມ​ມືທີ່ ນຳ​ມ​າ​ເຊິ່ງຜົນ​ປະ​ໂຫຍ​ດລວມ​ໃຫ້​ທຸກ​ປະ​ເທດ​ສະມາຊິກ. ALBA ​​ໂດຍ ກູ​ບາ ​ແລະ ​ເວ​ເນ​ຊູ​ເອລາ ສ້າງ​ຕັ້ງຢ່າງ​ເປັນ​ທາງ​ການ​ໃນ​ວັນ​ທີ 14/12/2004 ຜ່ານສົນທິສັນຍາ​ສະບັບ​ໜຶ່ງ​ໂດຍ​ຜູ້ນຳ Fidel Castro ​ແລະ ອະດີດ​ປະທາ​ນາ​ທິບໍດີ Hugo Chavez ​ລົງ​ນາມ, ​ແມ່ນ​ກົນ​ໄກ​ເຊື່ອ​ມ​ໂຍງ​ບົນນ້ຳໃຈ​ສາມັກຄີ, ​ຊ່ວຍ​ເຫຼືອ​ເຊິ່ງກັນ ​ແລະ ກັນ​ລະຫວ່າງ​ບັນດາ​ປະ​ເທດ​ອາ​ເມ​ລິ​ກາ​ລາຕີ​ນ.