ກອງ​ປະ​ຊຸມ​ໂຕະ​ມົນປະ​ທານ​ສານ​ບັນ​ດາ​ປະ​ເທດ​ອາ​ຊຽນ​ກ່ຽວ​ກັບ​ສິ່ງ​ແວດ​ລ້ອມ​ຄັ້ງ​ທີ 4

(vovworld)- ວັນ​ທີ 13/12 ຢູ່​ຮ່າ​ໂນ​້ຍ, ໄດ້​ໄຂກອງ​ປະ​ຊຸມ​ໂຕະ​ມົນປະ​ທານ​ສານ​ບັນ​ດາ​ປະ​ເທດ​ອາ​ຊຽນ​ກ່ຽວ​ກັບ​ສິ່ງ​ແວດ​ລ້ອມ​ຄັ້ງ​ທີ 4. ກອງ​ປະ​ຊຸມ​ມີ​ຫົວ​ຂໍ້​ວ່າ “ ສິ່ງ​ທ້າ​ທາຍ​ດ້ານ​ສິ່ງ​ແວດ​ລ​ອ້ມ ແລະ ບົດ​ບາດ​ຂອງ​ສານ”. ນີ້​ແມ່ນ​ໂອ​ກາດ​ເພື່ອ​ໃຫ້​ບັນ​ດາ​ປະ​ທານ​ສານ, ຜູ້​ພິ​ພາກ​ສາ​ແບ່ງ​ປັນ​ບົດ​ຮຽນ​ໃນ​ການ​ດຳ​ເນີນ​ຄະ​ດີ, ກົດ​ໝາຍ​ຂອງ​ບັນ​ດາ​ປະ​ເທດ ແລະ ສາ​ກົນ​ໃນ​ຂົງ​ເຂດ​ປ​ົກ​ປັກ​ຮັກ​ສາ​ສິ່ງ​ແວດ​ລ້ອມ ກໍ​ຄື​ບັນ​ດາ​ມາດ​ຕະ​ການ​ແກ້​ໄຂ​ເພື່ອ​ຄວບ​ຄຸມ​ສິ່ງ​ທ້າ​ທາຍ​ທີີ່​ມີ​ຕໍ່​ສິ່ງ​ແວດ​ລ້ອມ. ທ່ານ ເຈືອງ​ຮ່​ວາ​ບິງ ປະ​ທານ​ສານ​ປະ​ຊາ​ຊົນ​ສູງ​ສຸດ​ຫວຽດ​ນາມ​ໃຫ້​ຮູ້​ວ່າ :

   “  ຂ້າ​ພະ​ເຈົ້າ​ປາ​ຖະ​ໜາ​ວາ່ ການ​ແລກ​ປ່ຽນ ແລະ ແບ່ງ​ປັນ​ບົດ​ຮຽນ​ຂອງ​ແຕ່​ລະ​ປະ​ເທດ​ທີ່​ກ່ຽວ​ຂ້ອງ​ເຖິງ​ຫົວ​ເລື່ອງ​ດັ່ງ​ກ່​າວ ຈະ​ຊ່ວຍ​ໃຫ້​ບັນ​ດາ​ສານ​ພວກ​ເຮົາ​ເພີ່ມ​ຄວາມ​ເຂົ້າ​ໃຈ​ກ່​ວາກ່ຽວ​ກັບ ບົດ​ຮຽນ​ໃນ​ການ​ດຳ​ເນີນ​ຄະ​ດີ, ການ​ນຳ​ໃຊ້​ກົດ​ໝາຍ…ການ​ຮ່​ມື​ລະ​ຫວ່າງ​ສານ​ຂອງ​ປະ​ເທດ​ຕ່າງໆ​ກໍ​ຄື​ຄວາມ​ມາ​ນະ​ພະ​ຍາ​ຍາມ​ຂອງ​ບັນ​ດາ​ປະ​ເທດ​ໃນ​ພາກ​ພື້ນ​ໃນ​ການ​ຂະ​ຫຍາຍ​ລະ​ບົບ​ຕຸ​ລາ​ການ ກໍ​ສາ​ມາດ​ແກ້​ໄຂ​ການ​ຂັດ​ແຍ້ງ​ດ້​ານ​ສິ່ງ​ແວດ​ລ້ອມ​ເປັນ​ຢ່າງ​ດີ. ຜ່ານນັ້ນ, ນັບ​ມື້​ນັບ​ມີ​ການ​ປະ​ກອບ​ສ່ວນຫຼາຍ​ຢ່າງ​ເຂົ້າ​ໃນ​ການ ປ​ົກ​ປັກ​ຮັກ​ສາ​ສິ່ງ​ແວດ​ລ້ອມ  ”