(vovworld) – ວັນ​ທີ 9/9, ງານ​ບຸນ​ປື້​ມລະດູ​​ໃບ​​ໄມ້​ຫຼົ່ນ 2016 - ງານ​ບຸນ​ທຳ​ອິດ​ໂດຍ​ກະຊວງ​ຖະ​ແຫຼ​ງຂ່າວ ​ແລະ ສື່ສານ ຫວຽດນາມ ​ຈັດ​ຕັ້ງ​ຕາມ​ຮູບ​ແບບ​ຫັນ​ມາເປັນວຽກ​ງານ​ສັງຄົມ​ໄດ້​ໄຂ​ຂຶ້ນຢ່າງ​​ເປັນ​ທາງ​ການ​ຢູ່​ສວນ​ສາທາລະນະ ທົ໋ງ​ເຍີ​ດ, ຮ່າ​ໂນ້ຍ. ທີ່​ພິທີ​, ທ່ານລັດຖະມົນຕີ​ກະຊວງ​ຖະ​ແຫຼ​ງຂ່າວ ​ແລະ ສື່ສານ ​ເຈືອງ​ມິີງຕ໋ວນ ​ເນັ້ນ​ໜັກ​ວ່າ:

        “ງານ​ບຸນ​ປື້​ມຄັ້ງ​ນີ້​ບໍ່​ພຽງ​ແຕ່​ແມ່ນ​ຈຸ​ດນັດ​ພົບ​ວັດທະນະທຳ​ຂອງ​ຊາວ​ນະຄອນຫຼວງ​ 1000 ປີ​ແຫ່ງ​ອະລິຍາ​ທຳ, ​ແມ່ນ​ການ​ເຄື່ອນ​ໄຫວ​ປະຈຳ​ປີ​ຂອງ​ຂະ​ແໜງ​ພິມ​ຈຳໜ່າຍ​ເທົ່າ​ນັ້ນ ຫາກ​ຍັງ​ແມ່ນ​ຮູບ​ແບບ​ທົດ​ລອງ​ໄດ້​ຮັບ​ການ​ລົງທຶນ, ພັດທະນາ ​ແລະ ທະວີ​ຄຸນ​ຢູ່​ຫຼາຍ​ທ້ອງ​ຖິ່ນ​ໃນ​ທົ່ວ​ປະ​ເທດອີກ​ດ້ວຍ. ການ​ຍູ້​ແຮງ​ບັນດາ​ອົງການ, ​ໂຄງການ​ກ່ຽວ​ກັບ​ປື້​ມດ້ວຍ​ຫຼາຍ​ຮູບ​ແບບ​ຈະ​ຊ່ວຍ​ໃຫ້​ປະຊາຊົນ​ມີ​ຫຼາ​ຍກາລະ​ໂອກາດ​​ໄດ້​ອ່ານ​ປື້​ມ ປະກອບສ່ວນ​ປະຕິບັດ​ຍຸດ​ທະ​ສາດ​ພັດທະນາ​ວັດທະນະທຳ​ການອ່ານ​ແຫ່ງ​ຊາດ”