ໄຂງານບຸນໝາກພ້າວຄັ້ງທີ 4 ແຂວງເບັ໋ນແຈ ປີ 2015
ທ່ານຮອງນາຍົກລັດຖະມົນຕີ ຫງວຽນຊວນຟຸກ
ກ່າວຄຳເຫັນທີ່ພິທີໄຂ
(ພາບ: chinhphu.vn)
(vovworld) – ພິທີໄຂງານບຸນໝາກພ້າວຄັ້ງທີ 4 ແຂວງເບັ໋ນແຈ ປີ 2015 ຖືກດຳເນີນໄປໃນຕອນຄໍ່າວັນທີ 07/04 ຢູ່ແຂວງເບັ໋ນແຈ ດ້ວຍຫົວຂໍ້ວ່າ “ຕົ້ນໝາກພ້າວຫວຽດນາມ ເຊື່ອມໂຍງ ແລະ ພັດທະນາ”. ງານບຸນໝາກພ້າວຄັ້ງນີ້ມີບັນດາການເຄື່ອນໄຫວຄື: ວັນບຸນໝູ່ບ້ານໝາກພ້າວ, ງານວາງສະແດງຜະລິດຕະພັນຈາກໝາກພ້າວ ແລະ ງານຕະຫຼາດນັດການຄ້າ, ງານມະໂຫລານອາຫານຈາກໝາກພ້າວທາງພາກໃຕ້… ຈຸດພົ້ນເດັ່ນຂອງງານບຸນຄັ້ງນີ້ແມ່ນ ວັນບຸນໝູ່ບ້ານໝາກພ້າວ, ເຊິ່ງດຳເນີນໄປໃນ 164 ຕາແສງ, ເທດສະບານເມືອງໃນທົ່ວແຂວງດ້ວຍເນື້ອໃນທີ່ອຸດົມສົມບູນ, ພິເສດໄດ້ຕິດພັນກັບການດຳລົງຊີວິດການອອກແຮງງານຂອງປະຊາຊົນ. ກ່າວຄຳເຫັນທີ່ພິທີໄຂ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ຕີລາຄາສູງຄວາມໝາຍຂອງງານບຸນໝາກພ້າວ, ທີ່ຕັ້ງຂອງຕົ້ນໝາກພ້າວເບັ໋ນແຈ ກໍ່ຄືຕົ້ນໝາກພ້າວຂອງຫວຽດນາມ ສຳລັບຊີວິດສັງຄົມ, ໃນນັ້ນໄດ້ເນັ້ນໜັກວ່າ, ຕົ້ນໝາກພ້າວໄດ້ປະກອບສ່ວນຊ່ວຍໃຫ້ປະຊາຊົນຫຼຸດພົ້ນອອກຈາກຄວາມທຸກຍາກ ແລະ ບືນຕົວຂຶ້ນໃນຊີວິດ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ຊີ້ນຳບັນດາກະຊວງ, ຂະແໜງການ ແລະ ອົງການສູນກາງ ຕ້ອງເອົາໃຈໃສ່, ໜູນຊ່ວຍ ແລະ ສ້າງເງື່ອນໄຂສະດວກໃຫ້ຕົ້ນໝາກພ້າວແຂວງເບັ໋ນແຈ ກໍ່ຄືທົ່ວປະເທດໃຫ້ນັບມື້ນັບພັດທະນາ, ໂດຍສະເພາະແມ່ນຍົກສູງຄຸນນະພາບ, ຫັນຜະລິດຕະພັນຈາກໝາກພ້າວເປັນຫຼາຍຮູບຫຼາຍແບບ, ສົ່ງເສີມການຄ້າ, ສ້າງເຄື່ອງໝາຍການຄ້າ ແລະ ເປີດກວ້າງຕະຫຼາດສົ່ງອອກ.