(ໄຂງານບຸນໝາກລິນຈີ່ແທງຮ່າ 2018)

ນີ້ແມ່ນຄັ້ງທຳອິດແຂວງຫາຍເຢືອງ ຈັດງານບຸນໝາກລິນຈີ່ ດ້ວຍຈຸດໝາຍໂຄສະນາ, ແນະນຳຜະລິດຕະພັນ, ກໍຄືຕິດພັນເຄື່ອງໝາຍການຄ້າໝາກລິນຈີ່ກັບການພັດທະນາການທ່ອງທ່ຽວຂອງທ້ອງຖິ່ນ.

      ເຂົ້າຮ່ວມແລະກ່າວຄຳເຫັນທີ່ພິທີໄຂ, ທ່ານຮອງນາຍົກລັດຖະມົນຕີ ຫວູດຶກກາມ, ເນັ້ນໜັກວ່າ.

      “ພວກເຮົາມີຄວາມປິຕິຊົມຊື່ນເມື່ອປະຈຸບັນນີ້, ໝາກລິ່ນຈີ່ ຂອງແທງຮ່າ, ໝາກລິ່ນຈີ່ ຂອງຫວຽດນາມ ໄດ້ປະກົດມີຢູ່ຫຼາຍປະເທດ ນັບທັງຕະຫຼາດທີ່ຕ້ອງການຄຸນນະພາບສູງ. ພ້ອມກັບບັນດາບົດຮຽນໃນການປູກຝັງ, ບົວລະບັດນັບແຕ່ກ່ອນມາຮອດປະຈຸບັນ, ປະຈຸບັນແມ່ນໄລຍະຂອງວິທະຍາສາດເຕັກໂນໄລຊີ, ສະນັ້ນປະຊາຊົນຄວນຄົ້ນຄວ້າເພື່ອນຳໃຊ້ບັນດາມາດຕະການໃໝ່ໃນການປູກຝັງ, ຮັກສາ, ປຸງແຕ່ງ, ເພື່ອຕອບສະໜອງບັນດາຄວາມຕ້ອງການດ້ານການຄ້າຄື: ຜະລິດຕະພັນຜະລິດຕາມບັນດາມາດຕະຖານສາກົນ, ມີຕົ້ນກຳເນີດ…”

      ວັນທີ 09 ມິຖຸນາ, ໃນການຢ້ຽມຢາມ ແລະ ເຂົ້າຮ່ວມງານບຸນໝາກລິນຈີ່ແທງຮ່າ 2018 ຢູ່ແຂວງຫາຍເຢືອງ, ທ່ານເອກອັກຄະລັດຖະທູດຊູແອດ ປະຈຳຫວຽດນາມ Preric Hogberg ໄດ້ມີການເຮັດວຽກກັບການນຳທ້ອງຖິ່ນ ແລະ ສະແດງສົນໃຈເປັນພິເສດເຖິງການດຳເນີນທຸລະກິດ, ແລກປ່ຽນຜະລິດຕະພັນໝາກລິນຈີ່, ນຳຜະລິດຕະພັນດັ່ງກ່າວເຂົ້າຕະຫຼາດຊູແອດ.