(VOVWORLD) -ງານມະໂຫລານທ່ອງທ່ຽວ ເມົ້າເຊີນ ປີ 2019 ຖືກຈັດຂຶ້ນຢ່າງເປັນທາງການໃນວັນທີ 16 ມິຖຸນາ, ຢູ່ແຂດທ່ອງທ່ຽວ ເມົ້າເຊີນ, ເມືອງ ລົກບິ່ງ, ແຂວງລ້າງເຊີນ.
 (ງານມະໂຫລານທ່ອງທ່ຽວ ເມົ້າເຊີນ ປີ 2019) |
ງານມະໂຫລານທ່ອງທ່ຽວ ເມົ້າເຊີນ ປີ 2019 ແມ່ນເພື່ອແນໃສ່ເພີ່ມທະວີການໂຄສະນາ, ສົ່ງເສີມການທ່ອງທ່ຽວ ເມົ້າເຊີນ, ສະໜັບສະໜູນປີທ່ອງທ່ຽວແຫ່ງຊາດ 2019 ດ້ວຍຫົວຂໍ້ວ່າ “ທ່ອງທ່ຽວຂຽວ” ແລະ ປະກອບສ່ວນດຶງດູດນັກລົງທຶນຜັນຂະຫຍາຍການວາງແຜນສັງລວມພັດທະນາເຂດທ່ອງທ່ຽວ ເມົ້າເຊີນ, ແຂວງລ້າງເຊີນ ຮອດປີ 2030. ທ່ານ ຟານວັນຮ່ວາ, ຮອງຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວແຂວງລ້າງເຊີນ, ໃຫ້ຮູ້ວ່າ.
“ພາຍຫຼັງງານມະໂຫລານ, ພວກຂ້າພະເຈົ້າຈະສືບຕໍ່ເສີມຂະຫຍາຍບັນດາການເຄື່ອນໄຫວທີ່ມີຢູ່ແລ້ວ ຢູ່ເຂດທ່ອງທ່ຽວເມົ້າເຊີນ ແລະ ສືບຕໍ່ລົງທຶນບັນດາລາຍການທ່ອງທ່ຽວອື່ນໆໃນບໍລິເວນນະຄອນ. ພວກຂ້າພະເຈົ້າກໍ່ຈະເຊື່ອມຕໍ່ກັບບັນດາເມືອງ ເພື່ອສ້າງລາຍການທ່ອງທ່ຽວໃໝ່, ຮຽກຮ້ອງການລົງທຶນພັດທະນາການທ່ອງທ່ຽວ”.