ກອງປະຊຸມທາງອອນລາຍ (ພາບ: TTXVN)

ຕາງໜ້າໃຫ້ບັນດາເອກອັກຄະລັດຖະທູດ, ທ່ານນາງ Andayani Esti, ເອກອັກຄະລັດຖະທູດ ອິນໂດເນເຊຍ ປະຈຳ ອີຕາລີ ທັງເປັນປະທານຄະນະກຳມະການບັນດາປະເທດ ອາຊຽນ ຢູ່ ໂຣມ (ACR), ຊົມເຊີຍ ແລະ ຕີລາຄາສູງຄວາມໝາຍຂອງໂຄງການບຳລຸງສ້າງ, ເປັນຕົ້ນແມ່ນເມື່ອ ອີຕາລີ ແລະ ອາຊຽນ ໄດ້ກາຍເປັນຄູ່ຮ່ວມມືພັດທະນາຂອງກັນ ແລະ ພ້ອມກັນແບ່ງປັນຄວາມເອົາໃຈໃສ່ກ່ຽວກັບຄວາມປອດໄພຂອງມະນຸດໃນສະພາບການທັງສອງຝ່າຍລ້ວນແຕ່ພວມຖືກຜົນກະທົບຢ່າງຫຍໍ້ທໍ້ຈາກການປ່ຽນແປງຂອງດີນຟ້າອາກາດ ແລະ ໂລກລະບາດໂຄວິດ-19.

        ທ່ານນາງ ຫງວຽນທິບິ໊ກເຫ້ວ ເອກອັກຄະລັດຖະທູດ ຫວຽດນາມ ປະຈຳ ອີຕາລີ ໄດ້ແບ່ງປັນບັນດາບົດຮຽນ ແລະ ບຸລິມະສິດຂອງ ຫວຽດນາມ ໃນການປ້ອງກັນ, ສະກັດກັ້ນ ແລະ ຄຸ້ມຄອງໄພທຳມະສາດ, ຄວບຄຸມໂລກລະບາດໂຄວິດ-19; ທ່ານນາງກໍ່ສະແດງຄວາມເຊື່ອໝັ້ນວ່າ ອີຕາລີ ດ້ວຍຖານະບົດບາດ ປະທານກຸ່ມ G20, ຈະຍູ້ແຮງການຮ່ວມມືກັບ ອາຊຽນ ເພື່ອປະກອນສ່ວນຊຸກຍູ້ເປົ້າໝາຍເພື່ອມະນຸດຢ່າງມີປະສິດທີຜົນໃນໂຄງການດຳເນີນຂອງ G20 ໃນປີ 2021.