(vovworld) – ດ້ວຍຫົວຂໍ້ “ປື້ມປ່ຽນແປງຊີວິດ”, ວັນບຸນປື້ມ ແລະ ວັດທະນະທຳການອ່ານ ຖືກດຳເນີນໄປໃນຕອນເຊົ້າວັນທີ 20/04, ຢູ່ວັນມຽວກ໋ວກຕືຢ໋າມ, ຮ່າໂນ້ຍ, ອັນໄດ້ດຶງດູດຜູ້ເຂົ້າຮ່ວມນັບຮ້ອຍເທື່ອຄົນ. ເລີ່ມຕົ້ນແມ່ນພິທີຖະຫວາຍທູບທຽນຢູ່ຫໍບູຊາ ຈຸວັນອານ, ຊິ່ງແມ່ນສະຖານທີ່ສູນກາງຂອງ ວັນມຽວກ໋ວກຕືຢ໋າມ, ອັນໄດ້ປະກອບສ່ວນຫວນຄືນປະຫວັດສາດນັບພັນປີແຫ່ງອະລິຍະທຳຂອງຊາດຫວຽດນາມ ໃນການນັບຖືຜູ້ເກັ່ວກ້າສາມາດ, ສົ່ງເສີມການຮໍ່າຮຽນ. ທີ່ພິທີ, ທ່ານ ຫງວຽນງອກບາວ, ຮອງຫົວໜ້າກົມພິມຈຳໜ່າຍ, ກະຊວງຖະແຫຼງຂ່າວ ແລະ ສື່ສານຫວຽດນາມ ໃຫ້ຮູ້ວ່າ.
“ແຕ່ລະຄົນຈະຊອກຮູ້ໃຫ້ແກ່ຕົນທິດພັດທະນາ ແລະ ມີການກຳນົດທິດໃນຊີວິດຂອງຕົນ. ມີບັນດາຜູ້ເກັ່ງກ້າສາມາດ, ຈາກປື້ມຫົວໜຶ່ງໄດ້ຊ່ວຍໃຫ້ຈິນຕະນາການ ແລະ ກໍຈາກປື້ມຫົວອື່ນໆໄດ້ປ່ຽນແປງຊີວິດ, ແນວຄວາມຄິດຂອງເຂົາເຈົ້າ. ເພາະສະນັ້ນ, ການເລືອກເອົາຫົວຂໍ້ “ປື້ມປ່ຽນແປງຊີວິດ” ຂອງວັນບຸນປື້ມປີນີ້ ດ້ວຍຄວາມປາດຖະໜາວ່າ ຜູ້ອ່ານແຕ່ລະຄົນຄວນມຸ່ງໄປເຖິງວັດທະນະທຳການອ່ານ ແລະ ເລືອກເອົາໃຫ້ແກ່ຕົນປື້ມຫົວໜຶ່ງທີ່ຕົນມັກ ເພື່ອປະກອບສ່ວນສ້າງ ແລະ ພັດທະນາບຸກຄະລິກກະພາບ, ກຳນົດທິດໃຫ້ແກ່ຕົນໃນອະນາຄົດ”.
ຢູ່ນະຄອນໂຮ່ຈິມິນ, ວັນບຸນປື້ມ ແລະ ວັດທະນະທຳການອ່ານ ກໍດຳເນີນໄປໃນວັນທີ 20 ແລະ 21/04, ດ້ວຍບັນດາການເຄື່ອນໄຫວຄື ວາງສະແດງແຜນທີ່ຫວຽດນາມ ດ້ວຍອະທິປະໄຕເຂດຊາຍແດນ, ໝູ່ເກາະ, ພົບປະແລກປ່ຽນ, ສົນທະນາດ້ວຍຫົວຂໍ້ວັດທະນຳທຳການອ່ານ. ພິເສດ, ໃນຂອບເຂດຂອງວັນອ່ານປື້ມ ໄດ້ດຳເນີນລາຍການບໍລິຈາກປື້ມໃຫ້ແກ່ປະຊາຊົນຢູ່ເຂດຊົນນະບົດ, ເມືອງເກາະ ຫຼິ໋ເຊີນ, ຮ່ວາງຊາ, ເຈື່ອງຊາ.