ໄຂວາລະປະຊຸມທີ47ຄະນະປະຈຳສະພາແຫ່ງຊາດ
ພິທີໄຂວາລະປະຊຸມຄັ້ງທີ 47
(ພາບ: VTV)
(vovworld) – ຕອນເຊົ້າວັນທີ 25/4, ທີ່ສຳນັກງານສະພາແຫ່ງຊາດ, ຄະນະປະຈຳສະພາແຫ່ງຊາດໄດ້ໄຂວາລະປະຊຸມຄັ້ງທີ 47. ທີ່ວາລະປະຊຸມ, ຄະນະປະຈຳສະພາແຫ່ງຊາດ ໄດ້ປະກອບຄຳເຫັນກ່ຽວກັບການປະກາດໃຊ້ມະຕິກ່ຽວກັບລະບອບ ແລະ ບັນດາເງື່ອນໄຂຮັບປະກັນການເຄື່ອນໄຫວຂອງສະມາຊິກສະພາປະຊາຊົນ, ປະກອບຄຳເຫັນກ່ຽວກັບໃບສະເໜີຂອງປະທານສານປະຊາຊົນສູງສຸດກ່ຽວກັບການນຸ່ງຖື ແລະ ບັດປະຈຳຕົວຂອງຜູ້ພິພາກສາສານປະຊາຊົນ, ກ່ຽວກັບລະບອບເງິນເດືອນ, ເງິນເພີ່ມສຳລັບພະນັກງານ, ພາລະກອນ, ລັດຖະກອນ ແລະ ຜູ້ອອກແຮງງານໃນສານປະຊາຊົນ, ກ່ຽວກັບການເພີ່ມເຕີມບັນຈຸພະນັກງານຊົ່ວຄາວ, ຈຳນວນຜູ້ພິພາກສາຂັ້ນສູງ, ລະດັບປານກາງ ແລະ ຂັ້ນປະຖົມ. ຄະນະປະຈຳສະພາແຫ່ງຊາດກໍ່ປະກອບຄຳເຫັນກ່ຽວກັບຮ່າງມະຕິໃນການແບ່ງຫົວໜ່ວຍບໍລິຫານ ມະຕິກ່ຽວກັບມາດຕະຖານຫົວໜ່ວຍບໍລິຫານ, ມະຕິກ່ຽວກັບການຈຳແນກເຂດຕົວເມືອງ.
ທີ່ວາລະປະຊຸມຄັ້ງນີ້, ຄະນະປະຈຳສະພາແຫ່ງຊາດ ກໍຕີລາຄາໝາກຜົນຂອງກອງປະຊຸມຄັ້ງທີ 11, ສະພາແຫ່ງຊາດຊຸດທີ 13 ແລະ ປະກອບຄຳເຫັນໃນເບື້ອງຕົ້ນກ່ຽວກັບການກະກຽມກອງປະຊຸມປະຖົມມະເລິກ, ສະພາແຫ່ງຊາດຊຸດທີ 14. ຄາດວ່າ, ຄະນະປະຈຳສະພາແຫ່ງຊາດຈະປະກອບຄຳເຫັນກ່ຽວກັບເລື່ອງໃຫ້ສັດຕະຍາບັນສະເໜີແຕ່ງຕັ້ງເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມ ອາຍຸການ 2016 – 2019 ຢູ່ບາງປະເທດ.