ທ່ານ ຮ່ວາງດ້າວເກືອງ, ຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ກ່າວຄຳເຫັນໄຂງານບຸນ

ຕອນຄ່ຳວັນທີ 10 ສິງຫາ, ຢູ່ໂຮງລະຄອນ Chaktomuk, ນະຄອນຫຼວງ ພະນົມເປັນ, ປະເທດ ກຳປູເຈຍ ໄດ້ໄຂສັບປະດາວັດທະນະທຳ ຫວຽດນາມ ຢູ່ ກຳປູເຈຍ. ກ່າວຄຳເຫັນທີ່ພິທີໄຂ, ທ່ານ ຮ່ວາງດ້າວເກືອງ, ຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໃຫ້ຮູ້ວ່າ: ໂດຍໄດ້ຮັບການຈັດຕັ້ງໃນລະຫວ່າງວັນທີ 9 -14 ສິງຫາ, ຢູ່ນະຄອນຫຼວງ ພະນົມເປັນ ແລະ ນະຄອນ ຊຽມລຽບ, ສັບປະດາວັດທະນະທຳ ຫວຽດນາມ ຢູ່ ກຳປູເຈຍ ແມ່ນໜຶ່ງໃນບັນດາການເຄື່ອນໄຫວວັດທະນະທຳທີ່ສຳຄັນ ເພື່ອແນໃສ່ສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ກຳປູເຈຍ ແລະ ຂ່ຳນັບຮັບຕ້ອນປີມິດຕະພາບ ຫວຽດນາມ - ກຳປູເຈຍ, ກຳປູເຈຍ - ຫວຽດນາມ 2022, ກໍ່ຄືປະຕິບັດຕາມຂໍ້ຕົກລົງສະບັບຕ່າງໆຂອງການນຳຂັ້ນສູງສອງປະເທດ ແລະ ແຜນການຮ່ວມມືດ້ານວັດທະນະທຳລະຫວ່າງ ຫວຽດນາມ ແລະ ກຳປູເຈຍ ໄລຍະ 2018 – 2022:

        “ຜ່ານເຫດການນີ້, ຫວຽດນາມ ປາດຖະໜາຢາກແນະນຳໃຫ້ປະຊາຊົນ ກຳປູເຈຍ ແລະ ເພື່ອນມິດສາກົນ ກ່ຽວກັບຄວາມງາມດ້ານວັດທະນະທຳຂອງ ຫວຽດນາມ ຜ່ານບັນດາລາຍການສະແດງສິລະປະ, ຂັບລຳ, ຮ້ອງເພງພື້ນເມືອງ ຫວຽດນາມ ແລະ ສິລະປະເຕັ້ນບາເລ, ງານວາງສະແດງຮູບຖ່າຍວັດທະນະທຳ, ການສຶກສາ ຫວຽດນາມ, ແນະນຳບັນດາມໍລະດົກໂລກຢູ່ ຫວຽດນາມ ໂດຍອົງການ UNESCO ຮັບຮອງ.”