ສັບປະດາ “ເຄື່ອງໝາຍການຄ້າແຫ່ງຊາດຫວຽດນາມ 2021 - ງານວາງສະແດງ hybrid ບັນດາຜະລິດຕະພັນທັນຍາຫານປຸງແຕ່ງ ແລະ Halal” (ພາບ: TTXVN)

ວັນທີ 23 ສິງຫາ, ສະຖານທູດຫວຽດນາມ ປະຈຳສິງກະໂປ ແລະ ກະຊວງອຸດສາຫະກຳການຄ້າ (ກົມສົ່ງເສີມການຄ້າ ແລະທູດການຄ້າຫວຽດນາມ ປະຈຳສິງກະໂປ) ໄດ້ໄຂສັບປະດາ “ເຄື່ອງໝາຍການຄ້າແຫ່ງຊາດຫວຽດນາມ 2021 - ງານວາງສະແດງ hybrid ບັນດາຜະລິດຕະພັນທັນຍາຫານປຸງແຕ່ງ ແລະ Halal”. ເຫດການດຳເນີນຢູ່ຫໍວາງສະແດງ SATS-APC, ສິງກະໂປ. ກ່າວຄຳເຫັນທີ່ພິທີໄຂຈັດຂຶ້ນແບບທາງໄກ, ທ່ານຮອງລັດຖະມົນຕີກະຊວງອຸດສາຫະກຳການຄ້າຫວຽດນາມ ໂດ້ທັງຫາຍ ໃຫ້ຮູ້ວ່າ: ເຫດການດັ່ງກ່າວ ຈະແມ່ນຂີດໝາຍສຳຄັນຂອງການຮ່ວມມືດ້ານການຄ້າກະສິກຳສະບຽງອາຫານລະຫວ່າງຫວຽດນາມ ແລະ ສິງກະໂປ, ແມ່ນປະຖົມປັດໄຈຢືນຢັນໃຫ້ແກ່ຈິດໃຈການຮ່ວມມືຂອງບົດບັນທຶກຊ່ວຍຈຳ ເຊິ່ງຄາດວ່າ ທາງກະຊວງອຸດສາຫະກຳການຄ້າ 2 ປະເທດຈະລົງນາມໃນໄລຍະຈະມາເຖິງ. ໃນສະພາບໂລກລະບາດໂຄວິດ-19 ສືບຕໍ່ມີການຜັນແປຢ່າງສັບສົນ, ການນຳ ແລະ ວິສາຫະກິດ 2 ປະເທດລ້ວນແຕ່ມີຄວາມປາດຖະໜາລວມແມ່ນຊຸກຍູ້ການຮ່ວມມືດ້ານການຄ້າດ້ານກະສິກຳ ເພື່ອຮັບປະກັນຄວາມສະຖຽນລະພາບລະບົບການສະໜອງ ແລະ ຄ້ຳປະກັນດ້ານສະບຽງອາຫານໃຫ້ແກ່ປະຊາຊົນ 2 ປະເທດ.

ຜູ້ຕາງໜ້າກະຊວງອຸດສາຫະກຳການຄ້າສິງກະໂປ ຖືວ່າ: ງານວາງສະແດງໄດ້ແນະນຳບັນດາຜະລິດຕະພັນຫຼາຍຢ່າງທີ່ມີຄຸນນະພາບສູງຂອງຫວຽດນາມ ຈະແມ່ນໂອກາດເພື່ອໃຫ້ບັນດານັກນຳເຂົ້າຂອງ ສິງກະໂປ ເຊື່ອມຕໍ່ ແລະ ຊອກຫາບັນດາການພົວພັນຄູ່ຮ່ວມມືໃໝ່ກັບບັນດານັກຜະລິດຈາກຫວຽດນາມ ເປັນຢ່າງງ່າຍກວ່າ.