ທ່ານປະທານາທິບໍດີ ອີຢິບ Abdel Fattah El Sisi

ເຫດການສາກົນພິເສດນີ້ ໄດ້ດຶງດູດການເຂົ້າຮ່ວມຂອງຊາວໜຸ່ມປະມານ 32.000 ຄົນທີ່ມາຈາກ 113 ປະເທດໃນໂລກ ແລະ 70 ຄະນະປະຕິບັດງານຢ່າງເປັນທາງການ, ໃນນັ້ນ ມີບັນດາການນຳ ແລະ ເຈົ້າໜ້າທີ່ຂັ້ນສູງທີ່ມາຈາກປະເທດຕ່າງໆ, ພ້ອມກັບບັນດາຄະນະປະຕິບັດງານຂອງສະຫະປະຊາຊາດ ແລະ ສຳພັນທະມິດອາຟຣິກາ. ກ່າວຄຳເຫັນທີ່ພິທີໄຂ WYF, ທ່ານປະທານາທິບໍດີ ອີຢິບ Abdel Fattah El Sisi ເນັ້ນໜັກວ່າ WYF ຈະສົ່ງສານສັນຕິພາບ ແລະ ຄວາມມຸ່ງຫວັງກ່ຽວກັບໂລກບໍ່ມີການກໍ່ການຮ້າຍ, ຫົວຮຸນແຮງ ຫຼື ສົງຄາມ. ການນຳ ອີຢິບ ຖະແຫຼງວ່າ ຄວນຖືການຕໍ່ສູ້ຕ້ານການກໍ່ການຮ້າຍແມ່ນສິດທິມະນຸດ ຍ້ອນວ່າ ການກໍ່ການຮ້າຍພວມນາບຂູ່ລ້າງຜານມວນມະນຸດ.