13 ຄົນດັ່ງກ່າວຖືກຕິດຄ້າງຢູ່ຖ້ຳຂຶ້ນກັບແຂວງ ຊຽງຣາຍ, ທາງພາກເໜືອຂອງປະເທດນີ້ໃນເວລາ 9 ວັນ, ພາຍຫຼັງມານະພະຍາຍາມຊອກຫາຕະຫຼອດ 9 ວັນດ້ວຍການເຂົ້າຮ່ວມຂອງກວ່າ 1000 ຄົນ, ຕອນຄ່ຳວັນທີ 02 ກໍລະກົດ, ບັນດາສະມາຊິກຂອງກຸ່ມນັກດຳນ້ຳໄທ ໄດ້ມາຮອດບ່ອນທີ່ 13 ຄົນຖືກຕິດຄ້າງໃນຖ້້ຳຫຼວງ . ເດັກນ້ອຍ 12 ຄົນ ແລະ ຄູຝຶກ ຂອງທິມບານເຕະລ້ວນແຕ່ປອດໄພ.

      ທ່ານເຈົ້າແຂວງໆ ຊຽງຣາຍ ນະຣົງສັກ ໂອສົດທະນາກອນ ໃຫ້ຮູ້ວ່າ, ມີທ່ານໝໍ ກຸ່ມໜຶ່ງໄດ້ສົ່ງມາແຫ່ງນີ້ເພື່ອກວດສຸຂະພາບໃຫ້ເຈົາເຂົ້າ ແລະ ຄາດວ່າ ບັນດາຜູ້ຖືກຕິດຄ້າງນັ້ນຈະໄດ້ພາອອກຈາກຖ້ຳໃນເວລາປະມານ 4 ຊົ່ວໂມງ ພາຍຫຼັງທີ່ໄດ້ຮັບການກວດສຸຂະພາບ. ປະຈຸບັນ, ກຳລັງທີ່ມີໜ້າທີ່ຮັບຜິດຊອບໄດ້ຜັນຂະຫຍາຍເພື່ອຮັບໃຊ້ໃຫ້ແກ່ການຍົກຍ້າຍຜູ້ປະສົບເຄາະຮ້າຍອອກຈາກຖ້ຳ.