(vovworld) – ວັນ​ທີ 22/3, ຕຳຫຼວດ​ໄທ​ໃຫ້​ຮູ້​ວ່າ ລະ​ເບີດ​ຄັ້ງ​ຕ່າງໆ​ຢູ່ ຈຽງ​ໄມ່ - ນະຄອນ​ທ່ອງ​ທ່ຽວ​ດີ​ເດັ່ນ​ຢູ່​ພາກ​ເໜືອ​ປະ​ເທດ​ ​ໄທ ​ໄດ້ເຮັດ​ໃຫ້ 4 ຄົນຮັບ​ບາດ​ເຈັບ. ​ໃນ​ສະພາບ​ວິກິດ​ການ​ການ​ເມືອງ​ຢູ່​ໄທ ພວມ​ປິນຂັ້ນ​ໄດຢ່າງ​ແຮງ​ພາຍຫຼັງ​ທີ່​ສານ​ລັດຖະທຳ​ມະນູນ​ອອກ​ຄຳ​ຕັດສິນ​ປະຕິ​ເສດ​ຜົນ​ສັກສິດ​ຂອງ​ການ​ເລືອກ​ຕັ້ງ​ເມືອ​ເດືອນ 2 ຜ່ານ​ມາ, ຫາງ​ສຽງ​ມີ​ຄວາມ​ວິຕົກ​ວັງ​ວົນ​ວ່າ ການ​ບຸກ​ໂຈມ​ຕີ​ດັ່ງກ່າວ​ກ່ຽວຂ້ອງ​ເຖິງ​ຄວາມ​ຂາດ​ສະຖຽນ​ລະ​ພາບ​ໃນ​ປະຈຸ​ບັນ. ລະ​ເບີດ​ຄັ້ງ​ຕ່າງໆ​ເກີດ​ຂຶ້ນ​ພາຍຫຼັງ​ສານ​ລັດຖະທຳ​ມະນູນ ​ໄທ ອອກ​ຄຳ​ຕັດສິນ​ປະຕິ​ເສດ​ຜົນ​ສັກສິດ​ຂອງ​ການ​ເລືອກ​ຕັ້ງ ທີ່ຖືກ​ຜູ້​ແຫ່​ຂະ​ບວນປະ​ທ້ວງ​ຝ່າຍຄ້ານ​ກີດ​ແຂວງ​ເມື່ອ​ເດືອນ 2 ຜ່ານ​ມາ​ພຽງ 2, 3 ຊົ່ວໂມງ, ​ເຮັດ​ໃຫ້​ຜູ້​ສະໜັບສະໜູນ​ລັດຖະບານ​​ຄຽດ​ແຄ້ນ. ບັນດາ​​ຈຸດໝາຍ​ຖືກ​ບຸກ​ໂຈມ​ຕີ​ແມ່ນ​ຮ້ານ​ອາຫານ​ແຫ່ງ​ໜຶ່ງ, ບ່ອນ​ຂາຍ​ນ້ຳມັນ ​ແລະ ​ໂຮງງານ​ຜະລິດ​ເບຍ​ແຫ່ງ​ໜຶ່ງ. ຕຳຫຼວດ​ຄາດ​ຄະ​ເນ​ອອກ 2 ສາຍ​ເຫດ​ທີ່​ພາ​ໄປ​ເຖິງ​ການ​ບຸ​ກ​ໂຈມ​ຕີ​ດັ່ງກ່າວ​ນັ້ນແມ່ນ​ການ​ຂັດ​ແຍ່ງ​ສ່ວນ​ຕົວ ​ຫຼື ການ​ປະ​ທະ​ກັນ​ດ້ານ​ການ​ເມືອງ​ລະ​ຫວ່າງ​ບັນດາ​ພັກ​ຝ່າຍ.