ໄທເນັ້ນໃສ່ເຂົ້າຫົວເລື່ອງພັດທະນາເສັ້ນທາງລົດໄຟໃນພາກພື້ນ ຢູ່ ກອງປະຊຸມສຸດຍອດ ອາຊຽນ 35
(VOVWORLD) -ບັນດາຂໍ້ສະເໜີເພື່ອແນໃສ່ປັບປຸງລະບົບ ແລະ ເຊື່ອມຕໍ່ເສັ້ນທາງລົດໄຟຂອງ ອາຊຽນ ຈະໄດ້ຍົກອອກມາປຶກສາຫາລືຢູ່ ກອງປະຊຸມສຸດຍອດ ອາຊຽນ ຄັ້ງທີ 35 ແລະ ບັນດາກອງປະຊຸມທີ່ກ່ຽວຂ້ອງຈະດຳເນີນຢູ່ໄທ ໃນຕົ້ນເດືອນ ພະຈິກຈະມາເຖິງ.
 ນາຍົກລັດຖະມົນຕີໄທ ປຣາຢຸດ ຈັນໂອຈາ (ພາບ: TTXVN) |
ທ່ານວໍຣາວຸດ ມາລາ ຮັກສາການຜູ້ວ່າການບໍລິສັດທາງລົດໄຟແຫ່ງປະເທດໄທ ໃຫ້ຮູ້ວ່າບັນດາຫົວຂໍ້ຈະໄດ້ນຳມາປຶກສາຫາລືລວມມື: ການພັດທະນາເຊື່ອມຕໍ່ ເສັ້ນທາງລົດໄຟຂອງອາຊຽນ, ບັນດາວິທີການ ເພື່ອໂຄສະນາລະບົບເສັ້ນທາງລົດໄຟແຫ່ງຊາດ ແລະ ຍົກລະດັບເສັ້ນທາງລົດໄຟ.
ກອງປະຊຸມສຸດຍອດອາຊຽນຄັ້ງທີ 35 ແລະ ບັນດາກອງປະຊຸມທີ່ກ່ຽວຂ້ອງຈະໄດ້ດຳເນີນຢູ່ ບາງກອກ ແລະ ແຂວງ ນົນທະບຸຣີ ໃນລະຫວ່າງວັນທີ 2 – 4 ພະຈິກ, ກະຊວງການຕ່າງປະເທດໄທໃຫ້ຮູ້ວ່າ: ພາຍໃຕ້ການເປັນປະທານຂອງປະເທດເຈົ້າພາບ, ບັນດາການນຳຈະປຶກສາຫາລືບັນຫາຕ່າງໆລວມມີ: ການຮ່ວມມື, ສ້າງສະຖຽນລະພາບຕາມທິດຍືນຍົງ, ຄຸ້ມຄອງເຂດຊາຍແດນ, ຄວາມປອດໄພດ້ານອິນເຕີແນັດ, ອາດຊະຍາກຳຂ້າມຊາດ, ໄພພິບັດທຳມະຊາດ…