ສະຖານທີ່ໜຶ່ງຖືກພັງທະລາຍພາຍຫຼັງໄພນ້ຳຖ້ວມ (ພາບ:AFP/TTXVN)

ໃນສະພາບເກີດໄພນ້ຳຖ້ວມເກີດຂຶ້ນຢູ່ເຂດຕາເວັນອອກໄກ ລີບີ ໃນວັນທີ 10 ກັນຍາ, ເຮັດໃຫ້ຢ່າງໜ້ອຍສຸດມີ 5.300 ຄົນເສຍຊີວິດ ແລະ ກ່ວາ 10.000 ຄົນຫາຍສາບສູນ, ລັດຖະບານປະເທດນີ້ໄດ້ຮຽກຮ້ອງປະຊາຄົມສາກົນໜູນຊ່ວຍວຽກງານແກ້ໄຂຜົນຮ້າຍຢ້ອນຫຼັງຈາກໄພພິບັດທຳມະຊາດຄັ້ງນີ້.

        ວັນທີ 13 ກັນຍາ, ຫ້ອງການປະສານງານບັນດາບັນຫາມະນຸດສະທຳຂອງ ສປຊ (OCHA) ໃຫ້ຮູ້ວ່າ: ບັນດາກົມກອງຮັບມືກັບສະພາບການສຸກເສີນ ໄດ້ຮັບການລະດົມເພື່ອໜູນຊ່ວຍບັນດາຜູ້ປະສົບເຄາະຮ້າຍຈາກໄພນ້ຳຖ້ວມຢູ່ ລີບີ. ໃນຂະນະນັ້ນ, ຫຼາຍປະເທດຄື: ເຢຍລະມັນ, ແຟງລັງ, ອີຕາລີ, ຕຸຍນີຊີ ກໍ່ສົ່ງໜ່ວຍກູ້ໄພກູ້ຊີບໄປຍັງ ລີບີ ຢ່າງຮີບດ່ວນ.

        ກະຊວງປ້ອງກັນປະເທດ ອີຕາລີ ປະກາດວ່າ ປະເທດນີ້ກໍ່ໄດ້ສົ່ງພະລາກອນ ແລະ ນັກຊ່ຽວຊານ ພ້ອມກັບກ່ຳປັ່ນໜູນຊ່ວຍ logistics ແລະ ອຸປະກອນການແພດໄປຍັງ ລີບີ. ສະຫະລັດ ອາຣັບ ເອມີເລັດ (UEA) ກໍ່ໄດ້ສົ່ງເຮືອບິນຂົນສົ່ງທັນຍາຫານ, ເຄື່ອງຂອງຈຳເປັນຈຳນວນ 150 ໂຕນ ໄປຍັງເຂດ ຕາເວັນອອກຂອງ ລີບີ. ອານເຊຣີ ແລະ ຕວກກີ ກໍ່ໄດ້ສົ່ງເຄື່ອງຂອງອຸປະຖຳ ແລະ ກຳລັງກູ້ໄພກູ້ຊີບ ໄປຍັງ ລີບີ ເຊັ່ນດຽວກັນ.