ໄຮຕິ ຈັບຕົວບັນດາເປົ້າໝາຍທີ່ມີກົນອຸບາຍ ໂຄ່ນລົ້ມ ປະທານາທິບໍດີ
(VOVWORLD) -ວັນທີ 7 ກຸມພາ, ເຈົ້າໜ້າທີ່ ໄຮຕິ ໄດ້ຈັບຕົວກ່ວາ 20 ຄົນ, ໃນນັ້ນມີ ຜູ້ພີພາກສາສານສູງສຸດ, ດ້ວຍຂໍ້ຫາທີ່ກ່ຽວຂ້ອງເຖິງກົນອຸບາຍໂຄ້ນລ້ົມທ່ານປະທານາທິບໍດີ Jovenel Moise, ຜ່ານນັ້ນກໍ່ເຮັດໃຫ້ເພີ່ມຄວາມເຄັ່ງຕຶງດ້ານການເມືອງຢູ່ປະເທດ Caribbe.
 ພາບປະກອບ: REUTERS |
ກ່າວຄຳເຫັນທີ່ການປະຊຸມຖະແຫຼງຂ່າວໃນເຮືອນສ່ວນຕົວ, ທ່ານ ນາຍົກລັດຖະມົນຕີ ໄຮຕິ Joseph Jouthe ໃຫ້ຮູ້ວ່າ ໃນຈຳນວນ 23 ຄົນທີ່ຖືກຈັບຕົວມີເຈົ້າໜ້າທີ່ຕຳຫຼວດຂັ້ນສູງທ່ານໜຶ່ງ, ນອກຈາກນັ້ນ ກຳລັງທີ່ມີໜ້າທີ່ຮັບຜິດຊອບກໍ່ຢຶດ ເງິນ ແລະ ປືນໄດ້ເປັນຈຳນວນຫຼາຍ. ກ່າວຄຳເຫັນຫຼັງຈາກນັ້ນ ຢູ່ສະໜາມບິນ Port – Au – Prince, ທ່ານປະທານາທິບໍດີ Jovenel Moise ໃຫ້ຮູ້ວ່າ ຈຸດປະສົງຂອງບັນດາເປົ້າໝາຍນີ້ແມ່ນ ເພື່ອແນໃສ່ ທຳລາຍຊີວິດຂອງທ່ານ.