ໜູນຊ່ວຍນະຄອນເຫ້ວຄຸ້ມຄອງ, ຫຼຸດຜ່ອນຜົນຮ້າຍຢ້ອນຫຼັງຈາກໄພທຳມະຊາດ
(VOVWORLD) -ວັນທີ 10 ຕຸລາ, ຢູ່ ເທື່ອທຽນ - ເຫ້ວ, ທະນາຄານພັດທະນາ ອາຊີ (ADB) ໄດ້ຈັດຕັ້ງການປຸກລະດົມໂຄງການອຸປະຖຳເພື່ອ ແນໃສ່ຄຸ້ມຄອງ, ຫຼຸດຜ່ອນບັນດາຜົນຮ້າຍຢ້ອນຫຼັງຈາກໄພທຳມະຊາດໃຫ້ແກ່ນະຄອນ ເຫ້ວ (ເທື່ອທຽນ - ເຫ້ວ). ໂຄງການ ມີຍອດເງິນລົງທຶນ 2 ລ້ານ USD, ຈາກແຫຼ່ງໜູນຊ່ວຍຂອງກອງທຶນຮັບມືກັບການປ່ຽນແປງຂອງດິນຟ້າອາກາດຕົວເມືອງ (UCCRTF) ໂດຍທະນາຄານພັດທະນາ ອາຊີ ຮັບຜິດຊອບ.
 ພິທີປຸກລະດົມໂຄງການອຸປະຖຳເພື່ອ ແນໃສ່ຄຸ້ມຄອງ, ຫຼຸດຜ່ອນບັນດາຜົນຮ້າຍຢ້ອນຫຼັງຈາກໄພທຳມະຊາດໃຫ້ແກ່ນະຄອນ ເຫ້ວ (ພາບ: TTXVN) |
ຕາມນັ້ນແລ້ວ, ນະຄອນເຫ້ວຈະໄດ້ຮັບການໜູນຊ່ວຍດ້ານເຕັກນິກ ແລະ ປະກັນໄພດ້ານໄພທຳມະຊາດໃຫ້ແກ່ຊັບສິນຂອງລັດຈຳນວນໜຶ່ງຕາມຂໍ້ກຳນົດຂອງກົດໝາຍໂດຍຜ່ານໂຄງການນີ້. ໂຄງການລວມມີບັນດາການເຄື່ອນໄຫວເກັບກຳຂໍ້ມູນກ່ຽວກັບຊັບສິນຂອງລັດກໍ່ຄືອອກແບບບັນດາວິທີການແກ້ໄຂການປະກັນໄພທີ່ເໝາະສົມ. ບັນດາການເຄື່ອນໄຫວນີ້ຈະພ້ອມກັນໜູນຊ່ວຍການພັດທະນາຍຸດທະສາດອຸປະຖຳການຄຸ້ມຄອງຄວາມສ່ຽງຈາກໄພທຳມະຊາດຢ່າງຮອບດ້ານໃຫ້ແກ່ນະຄອນຄື: ການປະກັນໄພ, ສິນເຊື່ອ ແລະ ຕະຫຼາດເງິນທຶນ ເພື່ອແນໃສ່ສະໜອງແຫຼ່ງການເງິນໃຫ້ແກ່ການຊ່ວຍເຫຼືອ, ຟື້ນຟູຢ່າງວ່ອງໄວ ແລະ ການສ້າງຕັ້ງນະຄອນຄືນໃໝ່ພາຍຫຼັງໄພທຳມະຊາດ.