ໜູນຊ່ວຍເຂົ້າສານ 2.000 ໂຕນໃຫ້ແກ່ປະຊາຊົນເຂດນ້ຳແກ່ງຖ້ວມແຂວງ ບີງດິງ ຢ່າງຮີບເຮັ່ງ
(ພາບປະກອບ)
(vovworld) – ວັນທີ 24/12/2016, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ສົ່ງສານທາງການ ໜູນຊ່ວຍເຂົ້າສານໃຫ້ແຂວງ ບີງດິງ ຢ່າງຮີບເຮັ່ງ. ສານທາງການຊີ້ແຈ້ງວ່າ: ໄລຍະຜ່ານມາ, ຝົນຕົກໜັກນ້ຳແກ່ງໄດ້ພາໃຫ້ນ້ຳຖ້ວມຢ່າງຮ້າຍແຮງ, ກໍ່ຜົນເສຍຫາຍຢ່າງໜັກໜ່ວງກ່ຽວກັບມະນຸດ ແລະ ຊັບສົມບັດຂອງ ລັດ ແລະ ປະຊາຊົນຢູ່ບັນດາແຂວງພາກກາງ, ພິເສດແມ່ນໃນ ແຂວງ ບີງດິງ. ເພື່ອຮັບປະກັນຊີວິດການເປັນຢູ່ເປັນປົກກະຕິ, ໜູນຊ່ວຍປະຊາຊົນເຂດນ້ຳແກ່ງຖ້ວມແກ້ໄຂຄວາມຫຍຸ້ງຍາກຢ່າງທັນການ, ທ່ານນາຍົກລັດຖະມົນຕີ ຮຽກຮ້ອງ: ກະຊວງການເງິນສະໜອງເຂົ້າສານ 2000 ໂຕນຈາກແຫຼ່ງສະສົມແຫ່ງຊາດໃຫ້ແຂວງ ບີງດິງ ໂຕນຢ່າງຮີບເຮັ່ງ ເພື່ອໜູນຊ່ວຍປະຊາຊົນເຂດນ້ຳແກ່ງຖ້ວມ, ບໍ່ປະໃຫ້ປະຊາຊົນຖືກອຶດຫິວ.