( vovworld ) - ທ່ານຮອງນາຍົກລັດຖະມົນຕີ ວູວັນນິງ ຫາກໍສິ້ນສຸດການຢ້ຽມຢາມ ແລະ ເຮັດວຽກຢູ່ ອາເມລິກາ ແຕ່ວັນທີ່ 8 ຫາວັນທີ 11 ກຸມພາ. ການຢ້ຽມຢາມໄດ້ເປີດກາລະໂອກາດຫຼາຍຢ່າງໃຫ້ແກ່ການຮ່ວມມືລະຫວ່າງສອງປະເທດ. ຕອບຄຳສຳພາດຕໍ່ນັກຂ່າວວິທະຍຸກະຈາຍສຽງ ຫວຽດນາມ ປະຈຳ ອາເມລິກາ, ທ່ານຮອງລັດຖະມົນຕີການຕ່າງປະເທດ ບຸ່ຍແທງເຊີນ, ສະມາຊິກໃນຄະນະໄດ້ຢືນຢັນວ່າ ການຢ້ຽມຢາມບັນລຸໄດ້ບາງໝາກຜົນທີ່ພົ້ນເດັ່ນ. ທ່ານເວົ້າວ່າ:
“ ທີ່ໜື່ງແມ່ນ, ຫວຽດນາມ ໄດ້ສົ່ງສານອັນຈະແຈ້ງເຖິງ ວົງການການເມືອງ ແລະ ວິສາຫະກິດ ອາເມລິກາ ນັ້ນແມ່ນ ຫວຽດນາມ ສືບຕໍ່ປະຕິບັດກິດຈະການປ່ຽນແປງໃໝ່ໃນທຸກໆຂົງເຂດ, ຕັ້ງໜ້າເປັນເຈົ້າການໃນການເຊື່ອມໂຍງເຂົ້າກັບສາກົນ, ໃນນັ້ນສືບຕໍ່ປະຕິບັດແນວທາງພົວພັນຕ່າງປະເທດເປັນເອກະລາດ, ເປັນເຈົ້າຕົນເອງ, ນຳສາຍພົວພັນເປັນຫຼາຍຮູບຫຼາຍແບບ, ຫຼາຍຝ່າຍ, ນຳການພົວພັນຄູ່ຣ່ວມມືກ້າວເຂົ້າສູ່ທາງເລິກ, ໃນນັ້ນມີຄູ່ຮ່ວມມື ອາເມລິກາ. ທີ່ສອງແມ່ນ, ໃນປີ 2012 ແລະ ຊຸມປີຕໍ່ໄປ, ຫວຽດນາມ ປະຕິບັດການປ່ຽນໃໝ່ຮູບແບບການຈະເລີນເຕີບໂຕ, ປະຕິຮູບດ້ານເສດຖະກິດ, ສ້າງໂຄງປະກອບພື້ນຖານເສດຖະກິດຄືນໃໝ່, ຫັນຮູບແບບເສດຖະກິດຈາກທາງກວ້າງໄປສູ່ທາງເລິກ, ບັນດາວິສາຫະກິດ ອາເມລິກາຮັບຮູ້ ແລະ ຕີລາຄາວ່າ ນີ້ແມ່ນຄວາມສາມາດບົ່ມຊ້ອນອັນໃຫຍ່ຫຼວງ ເພື່ອໃຫ້ສອງຝ່າຍສາມາດຂຸດຄົ້ນ ແລະ ຮ່ວມມືໃນໄລຍະທີ່ຈະມາເຖິງ. ທີ່ສາມແມ່ນ, ໃນສະພາບເສດຖະກິດໂລກພວມປະສົບກັບຄວາມຫຍຸ້ງຍາກຫຼາຍຢ່າງ, ອາເມລິກາ ຄວນຮ່ວມມືກັບຝ່າຍ ຫວຽດ ນາມ ເພື່ອຈຳກັດ, ຍົກເລິກຮົ້ວກີດຂ້ວາງດ້ານການຄ້າ ສຳລັບສິນຄ້າປະເພດຕ່າງໆຂອງ ຫວຽດນາມ ທີ່ສົ່ງໄປຍັງ ອາເມລິກາ ຄື ປາຈາ, ປາບາຊາ, ເຫຼັກກ້າ, ເສົາໄຟຟ້າໃຊ້ພະລັງແຮງລົມ.. ຂ້າພະເຈົ້າຄິດວ່າ, ດ້ວຍພື້ນຖານນັ້ນຄວາມສາມາດບົ່ມຊ້ອນຂອງສອງປະເທດໃນໄລຍະຈະມາເຖິງຈະໄດ້ຮັບການຂຸດຄົ້ນ ແລະ ພັດທະນາກວ່າອີກ ”.