vovworld-ຄຸ້ມເມືອງເກົ່າໂຮ້ຍອານ, ແຂວງ ກວ໋າງນາມ ຍາມໃດກໍດຶງດູດນັກທ່ອງທ່ຽວພາຍໃນ ແລະ ຕ່າງປະເທດ. ບັນດາຄຸ້ມຖະຫນົນທີ່ເກົ່າແກ່, ຫລັງຄາເຮືອນບູຮານ, ວັດເກົ່າ (ວັດຂົວ) ຮູບໂກງສວຍງາມທີ່ກາຍຂ້າມສາຂາແມ່ນ້ຳຮວ່າຍ, ບັນດານ້ຳຊ້າງເກົ່າແກ່ທີ່ເຄີຍນຳໃຊ້ກ່ອນນີ້ 3 ສັດຕະວັດ… ແຕ່ລະກິດຈະກຳມໍລະດົກນັ້ນລ້ວນແຕ່ມີຄວາມງາມເປັນເອກະລັກສະເພາະ. ໃນລາຍການຄົ້ນຫາຫວຽດນາມພາກນີ້ ພວກເຮົາແນະນຳບົດຂຽນຂອງນັກຂ່າວລານແອງທີ່ພາດຫົວເລື່ອງວ່າ: ໂຮ້ຍອານໃນສາຍຕາຂອງນັກທ່ອງທ່ຽວຕ່າງປະເທດ.
ຄຸ້ມເມືອງເກົ່າໂຮ້ຍອານ
ພາບ:internet
|
ເຖິງວ່າຈະມາຢ້ຽມຢາມຄຸ້ມເມືອງເກົ່າໂຮ້ຍອານເປັນຫລາຍເທື່ອແລ້ວກໍ່ຕາມ ແຕ່, ແຕ່ລະເທື່ອພັດມີຄວາມຮູ້ສຶກແຕກຕ່າງກັນ. ຄຸ້ມເມືອງເກົ່າໂຮ້ຍອານ ສະຫງົບງຽບແຕ່ໄດ້ສ້າງຄວາມປະທັບໃຈໃຫ້ແກ່ນັກທ່ອງທ່ຽວທີ່ມາຈາກເຂດຫ່າງໄກ.
ເມື່ອຍ່າງເຂົ້າຄຸ້ມເມືອງເກົ່າໂຮ້ຍອານ, ນັກທ່ອງທ່ຽວຮູ້ສຶກຄືໄດ້ກັບຄືນສູ່ບັນຍາກາດຂອງສັດຕະວັດທີ 16,17. ບັນຍາກາດຢູ່ໂຮ້ຍອານ ສະຫງົບງຽບໄດ້ເຮັດໃຫ້ນັກທ່ອງທ່ຽວຮູ້ສຶກສະຫວາດສະເຫວີຍທີ່ສຸດ. ຖະຫນົນສາຍຕ່າງໆໃນຄຸ້ມເມືອງເກົ່າໂຮ້ຍອານບໍ່ມີສຽງກະດິງ, ການພົວພັນແລຫປ່ຽນທັງໝົດ ເຖິງວ່າດ້ວຍພາສາໃດກໍຕາມລ້ວນແຕ່ສະແດງໃຫ້ເຫັນຄວາມສຸພາບທີ່ສຸດ. ລຸງ ເລືອງດີງເຢືອງ, ຊາວຄຸ້ມເມືອງເກົ່າໂຮ້ຍອານໃຫ້ຮູ້ວ່າ: ຢູ່ທີ່ນີ້ຫ້າມບໍ່ໃຫ້ລົດຈັກໄປມາ ແຕ່8 ໂມງເຊົ້າ - 11 ໂມງສວຍ ແລະ 14 ໂມງເຖິ16 ໂມງ30 ແລະ ຕອນຄ່ຳ ແຕ່ 18 ໂມງ - 21 ໂມງ. ສິ່ງດັ່ງກ່າວເຮັດໃຫ້ບັນຍາກາດຢູ່ຄຸ້ມເມືອງເກົ່າໂຮ້ຍອານສະຫງົບງຽບກວ່າ.
ໃນສາຍຕາຂອງນັກທ່ອງທ່ຽວຕ່າງປະເທດ, ຄຸ້ມເມືອງເກົ່າໂຮ້ຍອານແມ່ນສວຍງາມໃນທຸກເວລາ. ທ່ານນາງ Mara Landoni, ນັກສະຖາປານີກ ຊາວອີຕາລີ ໃຫ້ຮູ້ວ່າ:
“ຂ້າພະເຈົ້າມັກຍ່າງເລາະທ່ຽວຢູ່ໂຮ້ຍອານ ໃນຍາມເຊົ້າ, ເວລານັ້ນຄົນໄປມາໜ້ອຍ. ຂ້າພະເຈົ້າຊົມເບິ່ງຖະຫນົນຫົນທາງ, ສັງເກດທຸກຄົນເປີດຮ້ານຂາຍເຄື່ອງ. ສຳລັບຂ້າພະເຈົ້າ ນີ້ແມ່ນສິ່ງທີ່ສ້າງຄວາມປະທັບໃຈທີ່ສຸດ.”
ສີສັນສະເພາະຂອງໂຮ້ຍອານຖືກສະແດງອອກຢ່າງຈະແຈ້ງໃນຍາມເຊົ້າດ້ວຍບັນດາຫລັງເຮືອນເກົ່າແກ່ຖືກປົກຄຸມດ້ວຍດອກໄມ້ທີ່ມີສີຫລາກຫລາຍ, ພ້ອມກັບເສັ້ນທາງກໍ່ສ້າງດ້ວຍດິນຈີ່, ທັງໝົດເຫຼົ່ານັ້ນລ້ວນແຕ່ລອດເຂົ້າກອງມືຂອງນັກທ່ອງທ່ຽວຕ່າງປະເທດ. ທ່ານນາງ Kiara, ນັກທ່ອງທ່ຽວມາຈາກ ອີຕາລີ ຕາມຄຳແນະນຳຂອງໝູ່ເພື່ອນທີ່ວ່າ: ໂຮ້ຍອານງາມຫລາຍ, ນັ້ນແມ່ນສະຖານທີ່ທ່ອງທ່ຽວທີ່ຂາດບໍ່ໄດ້ ແລະ ນັ້ນກໍແມ່ນສາຍເຫດທີ່ຂ້າພະເຈົ້າມີຫນ້າຢູ່ທີ່ນີ້.
“ຂ້າພະເຈົ້າເຫັນວ່າ ໂຮ້ຍອານງາມຫລາຍ, ມີບັນດາເສັ້ນທາງສາຍນ້ອຍເພື່ອໃຫ້ນັກທ່ອງທ່ຽວໄປຢາມ. ຂ້າພະເຈົ້າຕີລາຄາສູງສະຖາປັດຕະຍະກຳບັນດາຫລັງຄາເຮືອນຢູ່ທີ່ນີ້. ຊາວໂຮ້ຍອານແມ່ນຜູ້ໃຈດີ, ສະຫນິດສະຫນົມ ແລະ ຮັກແພງແຂກ, ຂ້າພະເຈົ້າມັກດຳລົງຊີວິດຢູ່ທີ່ນີ້.”
ເມື່ອຮັບຟັງແມ່ແນະນຳກ່ຽວກັບໂຮ້ຍອານ, ທ້າວ Fracesco ສະແດງຄວາມເຫັນດີເຫັນພ້ອມ ແລະ ຮູ້ສຶກປິຕິຊົມຊື່ນທີ່ສຸດເມື່ອໄດ້ມາຢ້ຽມຢາມໂຮ້ຍອານເປັນຄັ້ງທຳອິດ. Fracesco ເວົ້າວ່າ:
“ໂຮ້ຍອານງາມຫລາຍ. ນ້ອງໄດ້ໄປຢ້ຽມຢາມຫລາຍແຫ່ງ, ໄດ້ເຂົ້າວັດວາອາຮາມ ແລະ ໄດ້ຮັບຟັງແນະນຳຫລາຍສິ່ງຫຼາຍຢ່າງທີ່ຈັບອົກຈັບໃຈ. ນ້ອງມັກຫລາຍສິ່ງຫລາຍຢ່າງຢູ່ທີ່ນີ້ທີ່ສຸດ.”
ໃນຍາມກາງຄ່ຳ, ໂຮ້ຍອານຄືດັ່ງໄດ້ນຸ່ງເສື້ອໃຫມ່ ດ້ວຍສີສັນຫລາກຫລາຍຂອງດອກໄຟ, ນັກທ່ອງທ່ຽວຫລາຍຄົນເຄີຍມັກໂຮ້ຍອານໃນຍາມກາງຄືນ. ນາງ Sandra ນັກທ່ອງທ່ຽວມາຈາກ Latvia ໃຫ້ຮູ້ວ່າ:
“ບັນຍາກາດຂອງໂຮ້ຍອານໃນຍາມກາງຄືນແມ່ນຕ່າງກັບໃນຍາມກາງເວັນ. ຖະຫນົນສາຍຕ່າງໆຖືກປະດັບດ້ວຍດອກໄຟທີ່ມີສີຫລາກຫລາຍ ເຮັດໃຫ້ນັກທ່ອງທ່ຽວຮູ້ສຶກປະທັບໃຈທີ່ສຸດ.”
ໂຮ້ຍອານໃນຍາມຄຳ່ຄືນ
ພາບ:internet
|
ຖະຫນົນທຸກສາຍ, ເຮືອນແຕ່ລະຫລັງລ້ວນແຕ່ໄດ້ຮັບການປະດັບປະດາດ້ວຍໂຄມໄຟໂດຍຊາວໂຮ້ຍອານຜະລິດເອງ. ຍ່າງເລາະຕາມຖະຫນົນສາຍຕ່າງໆ ແລະ ຮັບຟັງສຽງດົນຕີໂດຍນັກສິລະປິນອາຍຸສູງສະແດງ ແລະ ຟັງສຽງຂັບຈ່ອຍແຄມແມ່ນ້ຳຮ່ວາຍ ໄດ້ເຮັດໃຫ້ນັກທ່ອງທ່ຽວຮູ້ສຶກປະທັບໃຈຫລາຍຢ່າງ. ທ່ານ ຫງວຽນສື, ເລຂາຄະນະພັກນະຄອນ ໂຮ້ຍອານ ແບ່ງປັນວ່າ:
“ໃນຍາມຄ່ຳຄືນຢູ່ຄຸ້ມເມືອງເກົ່າ ຂ້າພະເຈົ້າຮູ້ສຶກວັນເວລາຄືຊັກຊ້າໄວ້ແລະ ມະນຸດຄືໄດ້ດຳລົງຊີວິດໃນເວລາຍາວກວ່າ. ສຽງດົນຕີ ແລະ ແສງໄຟດອກ ມີສີສັນຫລາກຫລາຍນັ້ນໄດ້ເຮັດໃຫ້ທຸກຄົນມີຄວາມຮູ້ສຶກສະຫວາດສະເຫວີຍກວ່າ. “
ພິເສດໃນຄ່ຳຄືນວັນພະຈັນຂອງທຸກເດືອນ,ທົ່ວຄຸ້ມເມືອງເກົ້າໂຮ້ນອານຖືກມອດໄຟ ແທນທີ່ນັ້ນ ທຸກຄອບຄົວ, ຮ້ານຄ້າລ້ວນແຕ່ໃຊ້ໂຄມໄຟ, ຈູດທຽນ. ນັກທ່ອງທ່ຽວຍ່າງຫລິ້ນຕາມຖະຫນົນສາຍຕ່າງໆນັບມື້ນັບຫລາຍຂຶ້ນ ແຕ່ບັນຍາກາດບໍ່ອຶກກະທຶກ. ເຂົາເຈົ້າແວ່ຢາມຮ້ານຂາຍເຄື່ອງ, ຮັບປະທານເຍື່ອງອາຫານພິເສດຂອງໂຮ້ຍອານໃນຍາມຄ່ຳຄືນ ແລະ ເຂົ້າຮ່ວມການລະຫລິ້ນພື້ນເມືອງກັບຊາວໂຮ້ຍອານ. ໄປຮອດໃສນັກທ່ອງທ່ຽວກໍຮູ້ສຶກວ່າບັນຍາກາດຢູ່ໂຮ້ຍອານເປີດອົກເປີດໃຈ, ດ້ວຍສີສັນຫຼາກຫຼາຍຄືດັ່ງ ມາລະຍາດຂອງປະຊາຊົນຢູ່ຄຸ້ມເມືອງເກົ່າແຫ່ງນີ້.