ຫນ່ວຍງານປ້ອງກັນ ຕ້ານໂລກລະບາດໂຄວິດ -19 ຢູ່ ຕາແສງ ຝຸກຊາ

ເຂົາເຈົ້າເສີມຂະຫຍາຍຫນ້າທີ່ຄວາມຮັບຜິດຊອບຈາກຂອດຕິດຕາມກວດກາ, ຄວບຄຸມປະຊາຊົນເຂົ້າອອກເຂດຊຸມຊົນ, ຄຸ້ມບ້ານ ຢູ່ບ່ອນທີ່ພວມດຳລົງຊີວິດ, ກຳແຫນ້ນສະພາບການບັນດາຮາກຖານດຳເນີນທຸລະກິດຢູ່ບໍລິເວນ ປະຕິບັດການປ້ອງກັນ ຕ້ານໂລກລະບາດຕະຫລອດຮອດປະຕິບັດບັນດາຫນ້າທີ່ຮັບປະກັນຊີວິດສັງຄົມ, ຊ່ວຍບັນດາເປົ້າໝາຍທີ່ປະສົບກັບຄວາມຫຍຸ້ງຍາກ ດ້ວຍການເຊື່ອມຕໍ່ປະຕິບັດບັນດາວຽກງານການກຸສົນມະນຸດສະທຳ, ເພີ່ມແຫລ່ງລະດົມກຳລັງໃຈໃຫ້ແກ່ປະຊາຊົນເພື່ອໃຫ້ເຂົາເຈົ້າມີຄວາມເຊື່ອໝັ້ນ, ອຸ່ນອ່ຽນໃຈຮ່ວມແຮງຮ່ວມໃຈພ້ອມກັບລັດ ປ້ອງກັນ ຕ້ານໂລກລະບາດໂຄວິດ 19.  ປ້າ ດັ້ງທິກຸກ, ຫົວຫນ້າ ຫນ່ວຍງານປ້ອງກັນ ຕ້ານໂລກລະບາດໂຄວິດ -19 ເຂດຊຸມຊົນເລກ 7 ຕາແສງ ຝຸກຊາ ເມືອງ ບາດີ່ງ ນະຄອນ ຮ່າໂນ້ຍ ແບ່ງປັນວ່າ:

  “ພວກຂ້າພະເຈົ້າເຮັດວຽກແຕ່ເວລາ 10 ໂມງ 30 ນາທີ ຂອງທຸກເຊົ້າ ແລະ ແກ່ຍາວ 30 ນາທີ. ຕອນບ່າຍແມ່ນ ແຕ່ 17 ໂມງ 30 ນາທີ ຮອດ 18 ໂມງ. ຫນ້າທີ່ຂອງພວກຂ້າພະເຈົ້າແມ່ນຕັກເຕືອນປະຊາຊົນປະຕິບັດບັນດາມາດຕະການປ້ອງກັນຕ້ານໂລກລະບາດໂຄວິດ 19 ຂອງກະຊວງສາທາລະນະສຸກ, ຕັກເຕືອນໃຫ້ປະຊາຊົນບໍ່ເຕົ້າໂຮມກັນຫລາຍຄົນ. ໃນຕອນຄ່ຳວັນພຸດ, ວັນພະຫັດຂອງທຸກອາທິດ, ບັນດາສະມາຊິກໃນຫນ່ວຍງານ ແບ່ງກັນໄປກວດກາຜູ້ທີ່ຫາກໍ່ມາເຊົ່າເຮືອນຢູ່ ບອກເຕືອນເຂົາເຈົ້າຕ້ອງແຈ້ງອາການສຸຂະພາບ.”

ແຈ້ງ ອາການສຸຂະພາບ

ດ້ວຍທິດນຳ “ກວດຫາເຊື້ອໂດຍໄວ”, “ລົງແຕ່ລະຮ່ອມ, ເຄາະປະຕູແຕ່ລະເຮືອນ, ກວດກາແຕ່ລະເປົ້າໝາຍ”, ການເຄື່ອນໄຫວຂອງ ຫນ່ວຍງານປ້ອງກັນ ຕ້ານໂລກລະບາດໂຄວິດ -19 ຢູ່ເຂດຊົມຊົນ ຍາມໃດກໍ່ນຳຫນ້າໃນການຫນູນຊ່ວຍກຳລັງທີ່ມີບົດບາດຫນ້າທີ່ ເພື່ອປິດເຂດ, ດັບມອດໂລກລະບາດ.. ພ້ອມກັນນັ້ນ ກໍ່ຕັ້ງຫນ້າໂຄສະນາໃຫ້ປະຊາຊົນປະຕິບັດບັນດາມາດຕະການປ້ອງກັນ ຕ້ານໂລກລະບາດຢ່າງເຂັ້ມງວດ ແລະ ມີປະສິດທິຜົນ. ທ່ານ ບຸ່ຍແທງຊວນ ປະທານ ຄະນະກຳມະການປະຊາຊົນ ຕາແສງ ຝຸກຊາ ເມືອງ ບາດີ່ງ ນະຄອນ ຮ່າໂນ້ຍ ແບ່ງປັນວ່າ:

“ບັນດາຫນ່ວຍງານປ້ອງກັນ ຕ້ານໂລກລະບາດໂຄວິດ -19 ໃນຊຸມຊົນ ຢູ່ ຕາແສງ ຝຸກຊາ ລ້ວນແຕ່ທຳການເຄື່ອນໄຫວ ປະກອບສ່ວນເຂົ້າໃນການສຳຫລວດກວດກາ, ລວບລວມບັນດາກໍລະນີກ່ຽວຂ້ອງເຖິງ ໂຄວິດ -19. ຄືໄລຍະຜ່ານມາກ່ຽວຂ້ອງເຖິງກໍລະນີຕິດເຊື້ອໂຄວິດ 19 ຢູ່ ໂຮງໝໍມະເຮັງ ເຕີນຈ່ຽວ, ໂຮງໝໍພະຍາດເຂດຮ້ອນສູນກາງ ຮາກຖານ 2 ເມືອງ ດົງແອງ, ໂຮງໝໍ 105 ແລະ ຜູ້ທີ່ກັບມາຈາກ ນະຄອນ ດາຫນັງ ນັ້ນ, ບັນດາຫນ່ວຍງານປ້ອງກັນ ຕ້ານໂລກລະບາດໂຄວິດ -19 ໃນຊຸມຊົນໄດ້ສົມທົບກັບ ຫນ່ວຍງານຄຸ້ມບ້ານ ພ້ອມກັບຕຳຫລວດໃນບໍລິເວນ ຈັດຕັ້ງຜັນຂະຫຍາຍການແຈ້ງອາການສຸຂະພາບຢ່າງເຂັ້ມງວດ ນຳມາເຊິ່ງປະສິດທິຜົນໃນວຽກງານການປ້ອງກັນຕ້ານໂລກລະບາດໃນບໍລິເວນ”

ດ້ວຍຫລາຍຮູບການໂຄສະນາ ບັນດາຫນ່ວຍງານປ້ອງກັນ ຕ້ານໂລກລະບາດໂຄວິດ -19 ໃນຊຸມຊົນ ໄດ້ແຈ້ງຂໍ້ມູນຢ່າງທັນການ ແລະ ສະກັດກັ້ນໂລກລະບາດເມື່ອມີການປ່ຽນແປງກ່ຽວກັບຜູ້ດຳລົງຊີວິດຢູ່ບໍລິເວນ, ຜ່ານນັ້ນ ກໍ່ແຜ່ຂະຫຍາຍຄວາມເຫັນດີເຫັນພ້ອມຂອງປະຊາຊົນຢູ່ບັນດາເຂດຊຸມຊົນຮ່ວມແຮງຮ່ວມໃຈສະກັດກັ້ນ ແລະ ຍູ້ໂລກລະບາດໃຫ້ຖອຍໄປ. ທ່ານນາງ ເລງອັກບິກ ຮອງປະທານ ຄະນະກຳມະການປະຊາຊົນ ຕາແສງ ຈູງລຽດ ເມືອງ ດົງດາ ຮ່າໂນ້ຍ ຢືນຢັນວ່າ:

“ຫນ່ວຍງານປ້ອງກັນ ຕ້ານໂລກລະບາດໂຄວິດ -19 ໃນຊຸມຊົນ ເຄື່ອນໄຫວຢ່າງມີປະສິດທິຜົນ. ບັນດາພະນັກງານຮາກຖານ, ເຂດຊຸມຊົນ ກຳແຫນ້ນສະພາບການຢູ່ບໍລິເວນ ຊ່ວຍຄະນະກຳມະການປະຊາຊົນ ຕາແສງ ຕາມຫາຜູ້ຕິດເຊື້ອໂຄວິດ, ສຳຫລວດກວດກາການເຄື່ອຍຍ້າຍທັງໝົດຂອງປະຊາຊົນຢູ່ ບໍລິເວນ ຈາກບັນດາເຂດເກີດໂລກລະບາດກັບມາ ຮ່າໂນ້ຍ ພິເສດ ແມ່ນຢູ່ບໍລິເວນ ຕາແສງ ຈູງລຽດ”

ນະຄອນ ຮ່າໂນ້ຍ ປະຈຸບັນ ສ້າງຕັ້ງຫນ່ວຍງານປ້ອງກັນ ຕ້ານໂລກລະບາດໂຄວິດ -19 ໃນຊຸມຊົນໄດ້ປະມານ 10.000 ຫນ່ວຍ. ພ້ອມກັບບັນດາກຳລັງທີ່ມີບົດບາດຫນ້າທີ່ຢູ່ແນວຫນ້າຕ້ານໂລກລະບາດຄື: ສາທາລະນະສຸກ, ຕຳຫລວດ, ບັນດາຫນ່ວຍງານປ້ອງກັນ ຕ້ານໂລກລະບາດໂຄວິດ -19 ໃນຊຸມຊົນ ຢູ່ ນະຄອນ ຮ່າໂນ້ຍ ໄດ້ເສີມຂະຫຍາຍບົດບາດ, ມີປະສິດທິຜົນໃນການໂຄສະນາ, ຂົນຂວາຍ, ຕິດຕາມກວດກາພົນລະເມືອງ. ພ້ອມກັນນັ້ນ ກໍ່ປະກອບສ່ວນຫນູນຊ່ວຍອຳນາດການປົກຄອງທ້ອງຖິ່ນ ຍົກສູງປະສິດທິຜົນວຽກງານປ້ອງກັນຕ້ານໂລກລະບາດໂຄວິດ -19 ຢູ່ ທ້ອງຖິ່ນ.