ເມືອງ ທຸກຍາກ ເມື່ອງແຍ໊ ມານະພະຍາຍາມຮັບປະກັນຊີວິດສັງຄົມ

ເມືອງ ເມື່ອງແຍ໊ ຕັ້ງຢູ່ຫ່າງຈາກນະຄອນ ດ້ຽນບຽນ ໄປທາງທິດຕາເວັນຕົກສ່ຽງເໜືອປະມານ 200 ກິໂລແມັດ. ເມືອງ ເມື່ອງແຍ໊ ມີ 11 ຕາແສງ ດ້ວຍຈຳນວນ 110 ບ້ານ, ປະຊາຊົນສ່ວນຫລາຍເປັນຊົນເຜົ່າມົ້ງ, ຊົນເຜົ່າຮ່າຍີ່, ຊົນເຜົ່າຜູ້ໄທ. ເມືອງ ເມື່ອງແຍ໊ ແມ່ນເມືອງຢູ່ເຂດຫ່າງໄກສອກຫຼີກ, ການຄົມມະນາຄົມບໍ່ສະດວກດີປານໃດ, ຄວາມສາມາດບົ່ມຊ້ອນ, ທ່າແຮງບໍ່ມີຫລາຍ, ທີ່ຕັ້ງທາງດ້ານເສດຖະກິດຂອງເມືອງ ເມື່ອງແຍ໊ ຍັງດ້ອຍພັດທະນາຢູ່.

ໃນຊຸມປີຜ່ານມາ, ພ້ອມກັບບັນດານະໂຍບາຍຊົນເຜົ່າ, ບັນດາໂຄງການພັດທະນາເສດຖະກິດ-ສັງຄົມໄດ້ຮັບການຜັນຂະຫຍາຍຢູ່ເມືອງ ເມື່ອງແຍ໊. ພິເສດແມ່ນ ແຜນຮ່າງສັບຊ້ອນ, ສ້າງເຂດຕັ້ງພູມລຳເນົາໃຫ້ປະຊາຊົນໃຫ້ຖາວອນ ເພື່ອພັດທະນາເສດຖະກິດ - ສັງຄົມ, ຮັບປະກັນການປ້ອງກັນຊາດ - ປ້ອງກັນຄວາມສະຫງົບເມືອງ ເມື່ອງແຍ໊ (ເອີ້ນຫຍໍ້ວ່າແຜນຮ່າງ 79), ເຊິ່ງໄດ້ຮັບການຜັນຂະຫຍາຍມານັບແຕ່ປີ 2012 , ໄດ້ສົ່ງຜົນກະທົບຢ່າງຕັ້ງໜ້າສຳລັບເຂດພໍ່ແມ່ປະຊາຊົນເຜົ່າສ່ວນໜ້ອຍ. ທ່ານ ວຸ່ຍວັນງ້ວຽນ, ປະທານຄະນະກຳມະການປະຊາຊົນເມືອງ ເມື່ອງແຍ໊ ໃຫ້ຮູ້ວ່າ:

“ປະຈຸບັນ ຈັດສັນໄດ້ 1016/1079 ຄອບຄົວບັນລຸ 94% ຕາມການອະນຸມັດຂອງແຜນຮ່າງ 79, ລົງທຶນເຂົ້າພື້ນຖານໂຄງລ່າງບັນລຸ 80/284 ໂຄງການ. ເຖິງວ່າປະສິດທິຜົນທາງດ້ານເສດຖະກິດບັນລຸໄດ້ບໍ່ຫລາຍປານໃດກໍ່ຕາມ ແຕ່ສິ່ງທີ່ສ້າງໄດ້ຈາກແຜນຮ່າງ ແມ່ນຊ່ວຍສ້າງຄວາມໝັ້ນຄົງ, ການເມືອງເປັນປົກກະຕິ, ຊ່ວຍໃຫ້ປະຊາຊົນມີບ່ອນຢູ່ຄົງທີ່, ມີທີ່ດິນທຳການຜະລິດ. ຮຽກຮ້ອງໃຫ້ບັນດານັກລົງທຶນ, ເປັນຕົ້ນແມ່ນບັນດາທະນາຄານຫຸ້ນສ່ວນ ກໍ່ສ້າງເຮືອນຢູ່ 149 ຫຼັງ ແຕ່ລະຫລັງລວມມູນຄ່າ 50 ລ້ານດົ່ງ. ບັນດາໂຄງການອື່ນຄື: ໂຄງການໜູນຊ່ວຍຫລຸດຜ່ອນຄວາມທຸກຍາກຢ່າງວ່ອງໄວ ແລະ ຍືນຍົງ, ໂຄງການພັດທະນາເສດຖະກິດສັງຄົມບັນດາຕາແສງເຂດພູດອຍ ແລະ ເຂດຫ່າງໄກສອກຫຼີກທີ່ທຸກຍາກພິເສດ; ໂຄງການເປົ້າໝາຍແຫ່ງຊາດກ່ຽວກັບຊົນນະບົດໃໝ່.  ”

        ເມືອງ ເມື່ອງແຍ໊ ໄດ້ຍູ້ແຮງ ແລະ ຍົກສູງຄຸນນະພາບບັນດາໂຄງການສົ່ງເສີມກະສິກຳ, ສົ່ງເສີມປ່າໄມ້, ບຳລຸງສ້າງອາຊີບໃຫ້ແກ່ຄົນທຸກຍາກຢູ່ເຂດຊົນນະບົດ…ໃຫ້ບຸລິມະສິດແກ່ການພັດທະນາເຄືອຂ່າຍພື້ນຖານໂຄງລ່າງ, ເປັນຕົ້ນແມ່ນການຄົມມະນາຄົມ, ການສື່ສານຕິດຕໍ່. ອ້າຍ ສູ່ງອາຄວາ, ຊາວເຜົ່າມົ້ງ, ຢູ່ບ້ານ ນ້ຳແກ່ 2, ເມືອງ ເມື່ອງແຍ໊, ໃຫ້ຮູ້ວ່າ:

        “ກ່ອນນີ້, ຊີວິດການເປັນຢູ່ຂອງຂ້າພະເຈົ້າປະສົບກັບຄວາມຫຍຸ້ງຍາກຫລາຍ ແຕ່ມາຮອດປະຈຸບັນ ຂ້າພະເຈົ້າມີການຄ້າຂາຍຂະໜາດນ້ອຍ ຊີວິດການເປັນຢູ່ກໍ່ດີຂື້ນກ່ວາເກົ່າແລ້ວ. ແຕ່ກ່ອນມາຮອດປະຈຸບັນ ປະຊາຊົນຢູ່ໃນບ້ານ ໄດ້ຮັບຄວາມເອົາໃຈໃສ່ຈາກລັດ, ໄດ້ຮັບການໜູນຊ່ວຍເບ້ຍໄມ້, ງົວຄວາຍ…ເພື່ອພັດທະນາເສດຖະກິດ. ຂ້າພະເຈົ້າປາດຖະໜາວ່າ ລັດຈະສືບຕໍ່ລົງທຶນໃສ່ການສ້າວຄອງເຫມືອງ, ສະໜອງເບ້ຍໄມ້ເພື່ອພັດທະນາເສດຖະກິດ - ສັງຄົມ.”

ບ້ານ ນ້ຳແກ່ , ເມືອງ ເມື່ອງແຍ໊  ພາບ:dangcongsan.vn

        ໃນ 10 ປີຜ່ານມາ, ເມືອງ ເມື່ອງແຍ໊ ໄດ້ສ້າງວຽກເຮັດງານທຳໃຫ້ແກ່ຊາວຜູ້ອອກແຮງງານກ່ວາ 7000 ຄົນ, ແຕ່ລະປີແມ່ນ 700 ຄົນ. ປະຈຸບັນ, ໃນບໍລິເວນເມືອງມີ 500 ຄົນໄດ້ຮັບການໜູນຊ່ວຍສັງຄົມໃນແຕ່ລະເດືອນ; ໜູນຊ່ວຍຄ່າໄຟຟ້າໃຫ້ຄອບຄົວທຸກຍາກກ່ວາ 30.000 ຄອບຄົວ ແລະ ໜູນຊ່ວຍນະໂຍບາຍສັງຄົມດ້ວຍຈຳນວນເງິນເກືອບ 18 ລ້ານດົ່ງ. ປະຊາຊົນໄດ້ຮັບບັດປະກັນສຸຂະພາບກ່ວາ 43.000 ຄົນ, ອັດຕາສ່ວນຊາວເຜົ່າສ່ວນໜ້ອຍນຳໃຊ້ນ້ຳສະອາດບັນລຸກ່ວາ 76%. ໄປຄຽງຄູ່ກັບການໜູນຊ່ວຍຈາກລັດ, ປະຊາຊົນທ້ອງຖິ່ນມີສະຕິຜ່ານຜ່າຄວາມຫຍຸ້ງຍາກ, ບືນຕົວຂຶ້ນ. ມີຫລາຍຮູບແບບຄອບຄົວທຳການຄ້າຂາຍບັນລຸປະສິດທິຜົນ ແລະ ໄດ້ທະວີຄຸນຢ່າງກ້ວາງຂວາງ. ລຸງ ລໍ່ວັນແວງ, ຊາວເຜົ່າຜູ້ໄທ, ຢູ່ບ້ານ ຟຽງວາຍ, ຕາແສງ ນ້ຳແກ່, ເລົ່າສູ່ຟັງວ່າ:

        “ມີຫລາຍຄອບຄົວມີເງິນມີຄຳ, ມີລາຍຮັບຈາກການລ້ຽງໝູ, ລ້ຽງງົວຄວາຍ, ແຕ່ລະປີ ສາມາດສ້າງລາຍຮັບໄດ້ຫລາຍສິບລ້ານດົ່ງ. ປະຊາຊົນບ້ານ ຟຽງວາຍ ພວກຂ້າພະເຈົ້າ ມີຄວາມເຊື່ອໝັ້ນທີ່ສຸດຕໍ່ຮູບແບບການປູກໝາກກ້ຽງ, ລ້ຽງໝູ ເຊິ່ງລັດໄດ້ລົງທຶນແນວພັນໃຫ້, ຢາປ້ອງກັນພືດ, ສັກຢາກັນພະຍາດ…ໝາກກ້ຽງຂາຍໄດ້ແຕ່ 15 – 20 ພັນດົ່ງ/ກິໂລກຼາມ, ແຕ່ລະປີເກັບກ່ຽວໄດ້ປະມານ 1 ໂຕນ. ຄອບຄົວຂ້າພະເຈົ້າເຮັດໄນາ ລ້ຽງປາ, ລ້ຽງງົວຄວາຍ, ປູກຕົ້ນໄມ້ກິນໝາກຄືຕົ້ນໝາກມີ້, ໝາກມ່ວງ. ທົ່ວເມືອງມີຄອບຄົວລ້ຽງເໝັ້ນ 2 ຄອບຄົວ, ປະຈຸບັນ ຄອບຄົວຂ້າພະເຈົ້າລ້ຽງເໝັ້ນ 20 ໂຕ, ເສດຖະກິດຄອບຄົວເປັນປົກກະຕິ. ”

        ເມືອງ ເມື່ອງແຍ໊ ໄດ້ປະຕິບັດບັນດານະໂຍບາຍ, ມາດຕະການຢ່າງຄົບຊຸດ, ມີປະສິດທິຜົນ ເພື່ອເຮັດໃຫ້ວຽກງານໜູນຊ່ວຍສັງຄົມໄດ້ຮັບການຮັບປະກັນເປັນຢ່າງດີ, ຊີວິດການເປັນຢູ່ຂອງປະຊາຊົນໄດ້ຮັບການປັບປຸງໃຫ້ດີຂຶ້ນເທື່ອລະກ້າວ. ປີ 2015 ອັດຕາຄອບຄົວທຸກຍາກສູງກ່ວາ 74% ແຕ່ມາຮອດປະຈຸບັນ ໄດ້ຫລຸດລົງເຫຼືອພຽງເກືອບ 59% ເທົ່ານັ້ນ, ມີ 2 ຕາແສງບັນລຸມາດຖານຊົນນະບົດໃໝ່, ວັດທະນະທຳ, ສັງຄົມມີການຫັນປ່ຽນຢ່າງຕັ້ງໜ້າ, ຄຸນນະພາບພາລະກິດການສຶກສາ, ສາທາລະນະສຸກໄດ້ຍົກສູງຂຶ້ນ. ໃນໄລຍະຈະນາເຖິງ, ເມືອງ ເມື່ອງແຍ໊ ຈະປະຕິບັດເປົ້າໝາຍການເຕີບໂຕເສດຖະກິດທີ່ຕິດພັນກັບການໜູນຊ່ວຍສັງຄົມ, ເບິ່ງແຍງດູແລຊີວິດການເປັນຢູ່ທາງດ້ານວັດຖຸ, ຈິດໃຈໃຫ້ແກ່ປະຊາຊົນດ້ວຍຫລາຍຮູບການ, ມີມາດຕະການໜູນຊ່ວຍຢ່າງຕັ້ງໜ້າ./.