ມາຮອດປະຈຸບັນ, ທົ່ວປະເທດ ຈຳນວນຜູ້ມີຄຸນງາມຄວາມດີຕໍ່ປະເທດຊາດແມ່ນກວ່າ 9,2 ລ້ານຄົນ, ກວມເອົາເກືອບ 10% ປະຊາກອນ. ລະບົບນະໂຍບາຍສຳລັບ ຜູ້ມີຄຸນງາມຄວາມດີ ນັບມື້ນັບໄດ້ຮັບການ ເພີ່ມເຕີມ ປັບປຸງໃຫ້ສົມບູນແບບ, ເປັນພື້ນຖານເພື່ອໃຫ້ ການເຄື່ອນໄຫວ “ຕອບບຸນແທນຄຸນ” ນັບມື້ນັບແຜ່ຂະຫຍາຍ ແລະ ເຂົ້າສູ່ລວງເລິກ. ບັນດາກະຊວງ, ຂະແຫນງການ, ທ້ອງຖິ່ນ ມີການເຄື່ອນໄຫວຫລາຍຢ່າງທີ່ແທດຈິງ, ຊ່ວຍເຫລືອຄອບຄົວ ຜູ້ມີຄຸນງາມຄວາມດີຕໍ່ການປະຕິວັດ. ແຕ່ລະປີ ປະທານປະເທດຕົກລົງ ເບີກຈ່າຍງົບປະມານເກືອບ 1000 ຕື້ດົ່ງ ເພື່ອຊື້ຂອງຂວັນມອບໃຫ້ບັນດາເປົ້າໝາຍນະໂຍບາຍເນື່ອງໃນໂອກາດບຸນເຕັດ, ວັນທະຫານເສຍອົງຄະ, ນັກຮົບເສຍສະຫລະຊີວິດເພື່ອຊາດ, ວັນຊາດ ທີ 2 ກັນຍາ. ທ່ານປະທານປະເທດ ຫວຽດນາມ ຫງວຽນຊວນຟຸກ ເນັ້ນຫນັກວ່າ:

“ພັກ, ລັດ ມີຄວາມເອົາໃຈໃສ່ຕໍ່ບັນດາຄອບຄົວທະຫານເສຍອົງຄະ, ນັກຮົບເສຍສະຫລະຊີວິດເພື່ອຊາດ. ຖ້າຫາກ ກ່ອນນີ້ ຍັງບໍ່ທັນມີນະໂຍບາຍ, ມາຮອດປະຈຸບັນ ບັນດາແມ່ ຫວຽດນາມ ວິລະຊົນ ໄດ້ຮັບການເບິ່ງແຍງດູແລຕະຫລອດຊີວິດ. ສະນັ້ນ ບັນດາຜູ້ບໍລິຫານປະເທດຊາດ, ທຸກຂັ້ນ ທຸກຂະແຫນງການ ຕ້ອງຖື ນີ້ແມ່ນຫນ້າທີ່ສຳຄັນ.”

ທ່ານ ດ່າວງອັກຢູງ ຢ້ຽມຢາມ ມອບຂອງຂວັນໃຫ້ຄອບຄົວມີຄຸນງາມຄວາມດີ ຢູ່ ຮ່າໂນ້ຍ

ປະຈຸບັນ ມີຫລາຍອົງການ, ຫົວຫນ່ວຍ, ວິສາຫະກິດ, ຜູ້ໃຈບຸນໃຈກຸສົນ ຂໍອະນຸຍາດຮັບເບິ່ງແຍງດູແລແມ່ ຫວຽດນາມນາມ ວິລະຊົນ; ຊ່ວຍເຫລືອລູກຂອງທະຫານເສຍອົງຄະ, ຍາດຕິພີ່ນ້ອງນັກຮົບເສຍສະຫລະຊີວິດເພື່ອຊາດທີ່ປະສົບກັບຄວາມຫຍຸ້ງຍາກ ສະນັ້ນ ຊີວິດການເປັນຢູ່ຂອງຜູ້ມີຄຸນງາມຄວາມດີໄດ້ຮັບການຍົກສູງຂຶ້ນຢ່າງບໍ່ຢຸດຢັ້ງ.  ລັດ, ບັນດາຜູ້ໃຈບຸນໃຈກຸສົນໄດ້ສະຫງວນຈຳນວນເງິນນັບພັນໆ ຕື້ດົ່ງ ເພື່ອຫນູນຊ່ວຍ, ຊ່ວຍເຫລືອຜູ້ມີຄຸນງາມຄວາມດີ, ກໍ່ສ້າງເຮືອນແຫ່ງສາຍຈິດມິດໃຈໃຫ້ແກ່ບັນດາຄອບຄົວນະໂຍບາຍນັບພັນໆຫລັງ. ລຸງ ຟ້າມດີງທີ ຜູ້ໄດ້ຮັບຄວາມເອົາໃຈໃສ່, ຊ່ວຍເຫລືອຈາກລັດ ໃຫ້ຮູ້ວ່າ:

“ຂ້າພະເຈົ້າເຫັນວ່າ ນະໂຍບາຍຂອງພັກ ແລະ ລັດ ແມ່ນມີຄວາມໝາຍຢ່າງແທ້ຈິງ, ຄອບຄົວຂ້າພະເຈົ້າໄດ້ຮັບຄວາມເອົາໃຈໃສ່ ໄດ້ຊົມໃຊ້ນະໂຍບາຍ ຈາກພັກ, ລັດ. ພ້ອມກັນນັ້ນ ບັນດາຄອບຄົວເປົ້າໝາຍນະໂຍບາຍອື່ນກໍ່ໄດ້ຊົມໃຊ້ນະໂຍບາຍຄືຄອບຄົວຂ້າພະເຈົ້າ.”

ສ່ວນປ້າ ໂດ໋ທິແຫ່ງ, ມີຜົວແມ່ນນັກຮົບເສຍສະຫລະຊີວິດເພື່ອຊາດ ຢູ່ ຮ່າໂນ້ຍ ໃຫ້ຮູ້ວ່າ:

“ແຕ່ລະເດືອນ ຂ້າພະເຈົ້າໄດ້ຮັບເງິນອຸດຫນູນ 1,6 ລ້ານດົ່ງ. ນອກນັ້ນ ວັນບຸນຕ່າງໆ, ບຸນເຕັດ ຍັງໄດ້ຮັບຂອງຂວັນຈາກລັດ ອີກດ້ວຍ. ຂໍຂອບໃຈລັດ ທີ່ໄດ້ມີຄວາມເອົາໃຈໃສ່ຕໍ່ຄອບຄົວຂ້າພະເຈົ້າ.”

ລະບອບນະໂຍບາຍເອົາໃຈໃສ່ຜູ້ມີຄຸນງາມຄວາມດີ ໄດ້ຮັບການສ້າງຂຶ້ນ ແລະ ປະຕິບັດຢ່າງກວ້າງຂວາງຮອບດ້ານໃນທົ່ວປະເທດ, ນອກຈາກໄດ້ຮັບຄວາມເອົາໃຈໃສ່, ບ້ວງອຸດຫນູນແລ້ວ ຜູ້ມີຄຸນງາມຄວາມດີ ຍັງໄດ້ຮັບການເບິ່ງແຍງດູແລສຸຂະພາບ, ບູລະນະສ້ອມແປງເຮືອນຢູ່, ບຸລິມະສິດໃນດ້ານສາທາລະນະສຸກ, ການສຶກສາ, ບຳລຸງສ້າງ, ການຜະລິດດຳເນີນທຸລະກິດ, ສ້າງວຽກເຮັດງານທຳ.. ລັດຖະບັນຍັດວ່າດ້ວຍ ການບຸລິມະສິດໃຫ້ຜູ້ມີຄຸນງາມຄວາມດີໂດຍສະພາແຫ່ງຊາດປະກາດໃຊ້ເມື່ອວັນທີ 9 ທັນວາ ປີ 2020 (ແທນໃຫ້ ລັດຖະບັນຍັດປີ 2005) ມີຜົນສັກສິດຢ່າງເປັນທາງການນັບແຕ່ວັນທີ 1 ກໍລະກົດປີ 2021. ທ່ານ ເລເຕີນຢູ໋ງ, ຮອງລັດຖະມົນຕີກະຊວງແຮງງານທະຫານເສຍອົງຄະ ແລະ ສັງຄົມ ໃຫ້ຮູ້ວ່າ:

   “ໃນລັດຖະບັນຍັດບຸລິມະສິດຜູ້ມີຄຸນງາມຄວາມດີມີຫລາຍຈຸດໃຫມ່, ໃນນັ້ນ ພວກຂ້າພະເຈົ້າວາງຫນ້າທີ່ ແມ່ນຍົກລະດັບຄອງຊີບ, ຊີວິດການເປັນຢູ່ ຂອງຜູ້ມີຄຸນງາມຄວາມດີຕໍ່ການປະຕິວັດໃຫ້ເທົ່າທຽມ ຫລື ສູງກວ່າລະດັບຄອງຊີບຂອງປະຊາຊົນຢູ່ບ່ອນທີ່ຜູ້ມີຄຸນງາມຄວາມດີພວມດຳລົງຊີວິດ. ພວກຂ້າພະເຈົ້າເອົາໃຈໃສ່ເຖິງຄອບຄົວທຸກຍາກໂດຍມີຜູ້ມີຄຸນງາມຄວາມດີ, ເລື່ອງນີ້ ຕ້ອງມີລັກສະນະຍືນຍົງ, ຍາວນານ ແລະ ສຸມໃສ່ປັບປຸງລັດຖະທຳມະນູນຕາມທິດແກ້ໄຂຂໍ້ຈຳກັດ”

 ໃນຊຸມປີຜ່ານມາ, ທຸກຂັ້ນ, ຂະແຫນງການ, ອົງການຈັດຕັ້ງມະຫາຊົນ, ທ້ອງຖິ່ນ ມີຫລາຍຮູບການ, ມາດຕະການ ແລະ ວິທີເຮັດຢ່າງມີຫົວຄິດປະດິດສ້າງໃນການຕອບບຸນແທນຄຸນ, ເບິ່ງແຍງດູແລໃຫ້ບັນດາຄອບຄົວນະໂຍບາຍ, ຜູ້ມີຄຸນງາມຄວາມດີຕໍ່ປະເທດຊາດ, ກ້າວໄປເຖິງບໍ່ມີຄອບຄົວທຸກຍາກທີ່ແມ່ນຄອບຄົວຜູ້ມີຄຸນງາມຄວາມດີຕໍ່ປະເທດຊາດ. ການເບິ່ງແຍງດູແລຜູ້ມີຄຸນງາມຄວາມດີຕໍ່ການປະຕິວັດ ແມ່ນສິນທຳມູນເຊື້ອອັນດີງາມຂອງຊາດຫວຽດນາມ, ແມ່ນຄວາມຮັບຜິດຊອບຂອງປະຊາຊົນແຕ່ລະຄົນ ແລະ ຂອງທົ່ວສັງຄົມ.