(vovworld)-  ​ໂດຍແມ່ນຫນຶ່ງໃນບັນດາປະເທດທີ່ເຕັມໄປດ້ວຍສີສັນວັດທະນະທຳ, ອິນໂດເນເຊຍ ມີເຄື່ອງດົນຕີພື້ນເມືອງຫລາຍປະເພດ ດ້ວຍສຽງດົນຕີທີ່ອ່ອນ​ຊ້ອຍ, ​ໃນ​ນັ້ນມີປີ່ Karinding. ນີ້​ແມ່ນ​ເຄື່ອງ​ດົນຕີ​ພື້ນ​ເມືອງ ​ແຕ່​ບໍ່​ໄດ້​ຮູ້​ຈັກ​ເຖິງ​ຢ່າງ​ກວ້າງຂວາງ ຢູ່ ອິນ​ໂດ​ເນ​ເຊຍ​ເທື່ອ.

Karinding

        Karinding ​ແມ່ນ​ເຄື່ອງ​ດົນຕີ​ພື້ນ​ເມືອງ​ຂອງ ຊົນ​ເຜົ່າ Sunda ຢູ່ ພາກ​ຕາ​ເວັນ​ຕົກ Jawa. Karinding ​ເຮັດ​ດ້ວຍ​ໄມ້​​ໄຜ່, ບາງ 0,5 cm, ກວ້າງ 1 cm, ຍາວ​ແຕ່ 10-18 cm.  Karinding  ລວມມີ 3 ຕອນ, ຕອນ​ທີຫນຶ່ງ​​ຍາວ​ປະມານ 7-8 cm, ຕອນ​ທີ 2 ​ຍາວ​ປະມານ 3-4 cm ​ແລະ ຕອນ​ສຸດ​ທ້າຍ 5-6 cm. ​ເມື່ອ​ເປົ່າ​ປີ ​Karinding ສາມ​າດ​ເຄາະ​ໃສ່​ຕອນ​ສຸດ​ທ້າຍ​​ໃຫ້​ມັນ​ສັ່ນ​ເພື່ອ​ທຳນອງ​​ທີ່​ແຕກ​ຕ່າງ​ກັນ. ອ້າຍ Kangman, ຫົວຫນ້າ​ກອງ​ດົນຕີ Karinding ຢູ່ Bandung ​ໃຫ້​ຮູ້​ວ່າ: ຫນຶ່ງ​ໃນ​ບັນດາ​ຄວາມ​ນິຍົມ​ຂອງ​ອ້າຍ​ແມ່ນ​ສະ​ສົມ​ບັນດາ​ປີ່​ຄ້າຍຄື​ Karingding ​ແລະ ອ້າຍ​ໄດ້​​ໄປ​ເຖິງ​ຫລາຍ​ທ້ອງ​ຖິ່ນ ​ແລະ ຫຼາຍປະ​ເທດ​ ​ເພື່ອ​ຊອກ​ຫາ​ບັນດາ​ເຄື່ອງ​ດົນຕີ​ຄ້າຍຄືກັນ.

        “​ເຄື່ອງ​ດົນຕີ​ປະ​ເພດ​ນີ້ ປະຈຸ​ບັນ ຍັງ​ມີ​ຢູ່​ຫລາຍ​ແຫ່ງ​ ຄື: ​ເຂດ​ຊົນ​ເຜົ່າ Sunda, Aceh ຊຳ້​ບໍ່​ໜຳ ຢູ່​ຫວຽດນາມ ກໍ​ມີ ​ແລະ ເອີ້ນ​ວ່າປີ່ ​ເຖິງ​ວ່າ​ກໍ່​ແມ່ນ Karinding ກໍ່ຕາມແຕ່ຮູບ​ຮ່າງ​ຂອງ​ມັນ​ພັດແມ່ນ​ແຕກ​ຕ່າງ​ກັນຢູ່. Karinding ຢູ່​ປະ​ເທດອື່ນ​ຄື: ​ໄທ ຫລື ທິ​ເບ​ດ ​ແມ່ນ​​ເຮັດ​ດ້ວຍ​​ໂລຫະ.”

        ອ້າຍ Aki Ameng ສະມາຊິກ​ຂອງ​ກອງ​ດົນຕີ Karingding ຮັບຜິດຊອບ​ວຽກ​ງານ​ຜະລິດ Karinding ​ໃຫ້​ກອງດົນຕີ​ດັ່ງກ່າວ ​ໃຫ້​ຮູ້​ວ່າ: ປະຈຸ​ບັນ​ລາຄາ​ຂອງ Karinding ອັນ​ຫນຶ່ງ ​​​ແຕ່ 3-5,5 USD. ​ເພື່ອ​ຜະລິດ Karinding ​ແມ່ນ​ຕ້ອງ​ລໍຖ້າ​ໄມ້​​ໄຜ່​ແຫ້ງ​​ໃນ​ເວລາປະມານ 9 ​ເດືອນ.

        “​ເມື່ອ​ຫາ​ກໍ່​ຮຽນ​ວິທີຜະລິດ Karinding ແມ່ນເສຍເວລາ 3 ວັນ. ແຕ່ປະຈຸບັນ ​ເມື່ອ​ຊີ​ນ​ເຄີຍ​ແລ້ວ​ມີ​ແຕ່​ເສຍ​ເວລາ​ພຽງ 1-2 ຊົ່ວໂມງກໍ່ສາມາດຜະລິດ Karinding ອັນຫນຶ່ງ ສຳ​ເລັດ​ໄດ້.”

        Karinding ປະກົດ​ອອກ​ກ່ອນ​ນີ້ 700 ປີ ​ແລະ ​ເຄີຍ​ໄດ້​ນຳ​ໃຊ້​ເພື່ອ​ໄລ່​ແມງ​ໄມ້, ຮັກສາ​ລະດູ​ການປູກຝັງ. ພາຍຫລັງ​ວິວັດ​​ແຫ່ງການ​ພັດທະນາ, ປະຊາຊົນ Sunda ​ໄດ້​ນຳ​ໃຊ້​ເຄື່ອງ​ດົນ​ຕີ​ນີ້​ໃນ​​ການ​ເຄື່ອນ​ໄຫວ​ບັນ​ເທິງ​ປະຈຳ​ວັນ, ​ໃນ​ບັນດາ​ງານ​ບຸນ ​ແລະ ຄ່ອຍ​ໆ​ໄດ້​ເຜີຍ​ແຜ່​ຢ່າງ​ກວ້າງຂວາງ​ເຖິງ​ຫລາຍ​ຊົນ​ເຜົ່າ​ອື່ນ. ອ້າຍ Kangman ​ໃຫ້​ຮູ້​ວ່າ: ​ເພື່ອ​ສາມາດ​ນຳ​ໃຊ້​ເຄື່ອງ​ດົນຕີ​ນີ້ ຕ້ອງ​ເຝິກ​ແອບ​​ໃນ​ເວລາ ເດືອນ 1 ​ແລະ ຕ້ອງ​ກຳ​ແຫນ້ນ 3 ຫລັກການ.

        “ 3 ຫລັກການ ​ນັ້ນແມ່ນຕ້ອງ​ກຳ​ແຫນ້ນ, ມີ​ຄວາມທົນ​ທານ ​ແລະ ສະຕິ​ສ່ອງ​ໃສ. ສິ່ງ​ດັ່ງກ່າວ ​ໝາຍຄວາມວ່າ  ຕ້ອງ​ກຳ​ແຫນ້ນ​ເຄື່ອງ​ດົນຕີ, ຕ້ອງ​ມີ​ຄວາມທົນ​ທານເມື່ອ​ນຳ​ໃຊ້ Karinding  ​ແລະ ຕ້ອງ​ມີ​ຄວາມ​ຮູ​້ສຶກ​ວ່າ  ສຽງ​ດົນຕີ​ຂອງ​ເຄື່ອງ​ດົນຕີປະ​ເພດ​​ນີ້ ບໍ່​ແມ່ນ​ສຽງ​ດົນຕີ​ຂອງ​ຜູ້​ຫລິ້ນ​ເທົ່າ​ນັ້ນ ຫາກ​​ແມ່ນສຽງ​ດົນຕີ​ສິລະ​ປະ.”

         ​ເພື່ອ​ນຳ​ປະ​ເພດ​ດົນ​ຕີ​ພື້ນ​ເມືອງ​ນີ້ ​ເຂົ້າ​ສູ່​ຊີວິດ, ປະຈຸ​ບັນ ອິນ​ໂດ​ເນ​ເຊຍ ​ໄດ້​ມີ​ກອງ​ດົນຕີຈຳນວນ​ຫນຶ່ງ ລວມມີ: 5 ຄົນ. ນອກຈາກ​ບັນດາ​ກອງ​ດົນຕີ​ຄື​: Karinding Attack, Karinding Celempung ກໍ​ສົມທົບ​ເຄື່ອງດົນຕີ​ຫລາຍ​ປະ​ເພດ ​ເພື່ອ​​ເຮັດ​ໃຫ້​ລາຍການ​ສະ​ແດງ​ສິລະ​ປະ ຫລື ​ເປີດ​ຊຸດ​ຮຽນ Karinding ຢູ່ ບັນດາ​ໂຮງຮຽນ​ມັດທະຍົມ, ມະຫາວິທະຍາ​ໄລມີ​ຄວາມ​ຊີວິດ​ຊີວາ.