(vovworld)- “ການພົວພັນລະຫວ່າງ ຫວຽດນາມ ແລະ ມຽນມາ”: ຫວນຄືນຫລັງ ແລະ ມຸ້ງໄປເຖິງ” ແມ່ນຫົວຂໍ້ຂອງກອງປະຊຸມສຳມະນາສາກົນ ໂດຍສະຖາບັນຄົ້ນຄ້ວາ ອາຊີ ຕາເວັນອອກສ່ຽງໃຕ້ ສົມທົບກັບສະຖານບັນ ຄົ້ນຄ້ວາຍຸດທະສາດ ແລະ ສາກົນ ມຽນມາ ຈັດຕັ້ງຢູ່ ຮ່າໂນ້ຍ ຫວ່າງແລ້ວນີ້. ກອງປະຊຸມສຳມະນາໄດ້ດຶງດູດ ນັກຮຽນຮູ້ເກືອບ 60 ຄົນ ແລະ ຜູ້ແທນ 30 ຄົນທີ່ມາຈາກບັນດາສະຖາບັນຄົ້ນຄ້ວາ, ມະຫາວິທະຍາໄລຂອງບັນດາກະຊວງ, ຂະແຫນງການ, ສະຫະສະມາຄົມ, ໃນນັ້ນ ມີບັນດານັກການທູດມາຈາກຫລາຍປະເທດ, ເປັນຕົ້ນແມ່ນ ຫວຽດນາມ ແລະ ມຽນມາ. ທີ່ກອງປະຊຸມສຳມະນາ, ບັນດານັກຮຽນຮູ້, ນັກຄົ້ນຄ້ວາໄດ້ໄຈ້ແຍກສາຍພົວພັນລະຫວ່າງ ຫວຽດນາມ ແລະ ມຽນມາ ຜ່ານບັນດາໄລຍະ.
ທ່ານນາຍົກລັດຖະມົນຕີຫງວຽນເຕີນຢູງແລະທ່ານປະທານາທິບໍດີ
ມຽນມາ U Thein Sein
ພາບ:dantri.com
|
ໃນບົດຂຽນຂອງຕົນ, ດຣ ຫວໍຊວນວີງ, ຫົວຫນ້າພະແນກຄົ້ນຄ້ວາການເມືອງ ແລະ ການພົວພັນສາກົນ, ສະຖາບັນຄົ້ນຄ້ວາ ອາຊີຕາເວັນອອກສ່ຽງໃຕ້ ຂຶ້ນກັບສະຖາບັນດີດວິທະຍາສາດສັງຄົມ ຫວຽດນາມ ໄດ້ໄຈ້ແຍກການຮ່ວມມື, ການສະຫນັບສະຫນູນ ຊື່ງສອງປະເທດ ຫວຽດນາມ ແລະ ມຽນມາ ສະຫງວນໃຫ້ກັນໃນຂົງເຂດການທູດໃນຂອບເຂດ ອາຊຽນ.
“ການສະຫນັບສະຫນູນກ່ຽວກັບການທູດລະຫວ່າງ ສອງປະເທດສະແດງໃຫ້ເຫັນວ່າ ຫວຽດນາມ ແລະ ມຽນມາ ມີຄວາມເຂົ້າໃຈເຊິ່ງກັນ ແລະກັນ, ມີສຽງເວົ້າລວມ ແລະ ສະຫນັບສະຫນູນກັນໃນຫລາຍບັນຫາຂອງພາກພື້ນ. ນີ້ແມ່ນບັນດາພື້ນຖານສຳຄັນ ເພື່ອໃຫ້ສອງປະເທດເພີ່ມທະວີການຮ່ວມມືສອງຝ່າຍ, ໃນຂອບເຂດຂອງອາຊຽນ ແລະ ໃນບັນດາເວທີປາໄສພາກພື້ນ ແລະ ສາກົນ. ບໍ່ວ່າການຮ່ວມມືໃດລະຫວ່າງບັນດາປະເທດສະມາຊິກ ອາຊຽນ, ໃນທຸກກໍລະນີ ລ້ວນແຕ່ເພື່ອຄວາມເອົາໃຈໃສ່ລວມ ແລະ ຜົນປະໂຫຍດຂອງກັນ, ນັ້ນແມ່ນຄຳຢືນຢັນເຖິງບັນຫາອະທິປະໄຕ. ການພົວພັນລະຫວ່າງ ຫວຽດນາມ ແລະ ມຽນມາ ເວົ້າລວມ ແລະ ການສະຫນັບສະຫນູນກ່ຽວກັບດ້ານການທູດ ລະຫວ່າງສອງປະເທດໃນຂອບເຂດ ອາຊຽນ ກໍແມ່ນນອນໃນກົດເກນນັ້ນ.”
ຫວຽດນາມ ໄດ້ສ້າງຕັ້ງການພົວພັນທາງການທູດກັບ ມຽນມາ ນັບແຕ່ເດືອນ 5/1975. ຂີດໝາຍສຳຄັນໃນການພົວພັນທາງການທູດລະຫວ່າງ ສອງປະເທດ ນັ້ນແມ່ນ ປີ 2010, ສອງປະເທດ ໄດ້ລົງນາມໃນຖະແຫລງການຮ່ວມ, ໃນນັ້ນຄຳໝັ້ນສັນຍາຊຸກຍູ້ການຮ່ວມມືທາງດ້ານເສດຖະກິດໃນ 12 ຂົງເຂດຄື: ກະສິກຳ, ປູກຕົ້ນອຸດສາຫະກຳ, ສິນໃນນ້ຳ, ການເງິນ, ທະນາຄານ, ການບິນ, ໂທລະຄົມມະນາຄົມ, ນ້ຳມັນອາຍແກສ, ຂຸດຄົ້ນບໍ່ແຮ່, ຜະລິດອຸປະກອນໄຟຟ້າ, ຕິດຕັ້ງລົດໂອໂຕ, ກໍ່ສ້າງ, ຮ່ວມມືດ້ານການຄ້າ ການລົງທຶນ.
ນັບແຕ່ນັ້ນເປັນຕົ້ນມາ, ການພົວພັນລະຫວ່າງສອງປະເທດ ໄດ້ຮັບການຕີລາຄາວ່າແມ່ນຂະຫຍັນຂັນເຄື່ອນ. ນັ້ນກໍແມ່ນຄຳຢືນຢັນຂອງ ສາດສະດາຈານ Carole Ann Chit Tha, ສະມາຊິກ ຄະນະບໍລິຫານ ສະຖາບັນມຽນມາ ກ່ຽວກັບສິລະປະ ແລະ ວິທະຍາສາດ ຂຶ້ນກັບກະຊວງສຶກສາ ມຽນມາ. ໃນບົດຂຽນດ້ວຍຫົວຂໍ້ວ່າ: ການພົວພັນລະຫວ່າງ ຫວຽດນາມ ແລະ ມຽນມາ ໃນໄລຍະໃຫມ່”, ສາດສະດາຈານ Carole Ann Chit Tha ໄດ້ທົບທວນຄືນບັນດາຂີດໝາຍສຳຄັນໃນການພົວພັນທາງການທູດ ລະຫວ່າງສອງປະເທດ. ນອກນັ້ນ ບົດຂຽນ ຍັງຊີ້ແຈ້ງການພົວພັນລະຫວ່າງສອງປະເທດໃນໄລຍະໃຫມ່.
“ການພົວພັນລະຫວ່າງ ຫວຽດນາມ ແລະ ມຽນມາ ພວມໄດ້ຮັບການພັດທະນາຢ່າງເລິກເຊິ່ງ ແລະ ກວ້າງຂວາງ. ການພົວພັນກ່ຽວກັບດ້ານເສດຖະກິດດຳເນີນໄປຢ່າງຂະຫຍັນຂັນເຄື່ອນ. ການພົວພັນແລກປ່ຽນ ແລະ ການຮ່ວມມືພວມດຳເນີນໄປໃນທຸກຂົງເຂດ, ທຸກລະດັບ ເປັນຕົ້ນໃນຂອບເຂດຮ່ວມມືອະນຸພາກພື້ນແມ່ນ້ຳຂອງເປີດກວ້າງ, ຂອບເຂດຮ່ວມມື ອາຊຽນ ແລະ ບັນດາຂອບເຂດຮ່ວມມືພາກພື້ນ ແລະ ຫລາຍຝ່າຍ. ດ້ວຍຖານະແມ່ນສະມາຊິກ ອາຊຽນ, ທັງສອງປະເທດ ລ້ວນແຕ່ມີຄວາມຮັບຜິດຊອບໃນການສ້າງປະຊາຄົມ ອາຊຽນ. ເລື່ອງເຂົ້າເປັນສະມາຊິກ ອາຊຽນ ໄດ້ນຳມາໃຫ້ສອງປະເທດ ບັນດາຜົນປະໂຫຍດອັນໃຫຍ່ຫລວງ ແລະ ເປັນພື້ນຖານ ກ່ຽວກັບການປ້ອງກັນຄວາມສະຫງົບ, ເສດຖະກິດ, ວັດທະນະທຳ ສັງຄົມ ປະຊາຄົມ ແລະ ໃນທຸກຂົງເຂດການທູດ. ໃນຊຸມປີຜ່ານມາ, ບັນດາການຢ້ຽມຢາມ ແລະ ແລກປ່ຽນຄະນະຜູ້ແທນຂັ້ນສູງ ໄດ້ຍົກການຮ່ວມມຂຶ້ນສູ່ລະດັບສູງໃຫມ່. ມຽນມາ ແລະ ຫວຽດນາມ ມີບົດຮຽນຫລາຍຢ່າງເພື່ອແລກປ່ຽນ ແລະ ເປີດກວ້າງທຸກຄວາມສາມາດບົ່ມຊອ້ນເພື່ອກາຍເປັນຄູ່ຮ່ວມມືສຳເລັດຍາວນານ.”
ເມື່ອເວົ້າເຖິງຄວາມໝາຍຂອງກອງປະຊຸມສຳມະນາສຳລັບການພົວພັນລະຫວ່າງສອງປະເທດ, ທ່ານ Wynn Lwin, ອະດີດເອກອັກຄະລັດຖະທູດ ມຽນມາ ປະຈຳ ອິນເດຍ, ອີຣານ ແລະ Nigeria, ປະຈຸບັນ ເປັນສະມາຊິກສະຖາບັນຄົ້ນຄ້ວາຍຸດທະສາດ ແລະ ການພົວພັນສາກົນ ມຽນມາ ໃຫ້ຮູ້້ວ່າ:
“ກອງປະຊຸມຄັ້ງນີ້ ຈະນຳສອງປະເທດ, ສອງຊາດ ຫຍັບມໍ່ໃກ້ກັນກວ່າ, ພ້ອມກັນມຸ່ງໄປເຖິງບັນດາບາດກ້າວພັດທະນາຕໍ່ໄປໃນກຸ່ມ ອາຊຽນ. ຫວຽດນາມ ແລະ ມຽນມາ ໄດ້ພ້ອມກັນຊ່ວຍເຫລືອເຊິ່ງກັນ ແລະ ກັນໃນອະດີດຕະການ ແລະ ຫວັງວ່າ ຈະສືບຕໍ່ຮ່ວມມືໃນບັນດາບາດກ້າວພັດທະນາໃຫມ່, ຈຸດໝາຍໃຫມ່ ພ້ອມກັບ ອາຊຽນ. ຫວຽດນາມ ແມ່ນປະເທດດຶງດູດນັກລົງທຶນຕ່າງປະເທດເຂົ້າມາລົງທຶນເປັນຈຳນວນຫລວງຫລາຍ, ນີ້ແມ່ນກາລະໂອກາດ ແຕ່ກໍແມ່ນບັນດາສິ່ງທ້າທາຍສຳລັບຫວຽດນາມ ແລະ ຫວຽດນາມ ຖອດຖອນບົດຮຽນອັນລ້ຳຄ່າຫລາຍຢ່າງ, ນັ້ນກໍແມ່ນບັນດາບົດຮຽນທີ່ດີດເພື່ອໃຫ້ມຽນມາຮ່ຳຮຽນເອົາ.”
ກອງປະຊຸມສຳມະນາ ດຳເນີນໄປສຳເລັດຜົນ ແລະ ບັນດາຜູ້ແທນສະຫລຸບໄດ້ວ່າ: ສອງປະເທດ ຄວນເພີ່ມທະວີຈັດຕັ້ງການພົບປະສົນທະນາວິທະຍາສາດ, ການພົບປະຄັ້ງຕ່າງໆລະຫວ່າງບັນດາເຈົ້າຫນ້າທີ່ລັດຖະບານ ກໍຄື ເພີ່ມທະວີການພົບປະແລກປ່ຽນປະຊາຊົນ. ຜ່ານນັ້ນ ວາງອອກບັນດາມາດຕະການປະກອບສ່ວນຊຸກຍູ້ການພົວພັນຮ່ວມມື ຫວຽດນາມ - ມຽນມາໃນທົດສະວັດຈະມາເຖິງ.