(vovworld)-ການເດີນທາງມາເປັນເວລາ 30 ວັນ ຜ່ານ 10 ປະເທດ ອາຊຽນ, ປະຕິບັດການສຳພາດປະຊາຊົນປະເທດປະຈຳຖິ່ນເກືອບ 100 ຄັ້ງ ເພື່ອຮັບຟັງເຂົາເຈົ້າຕີລາຄາແນວໃດ, ມີຄວາມຄິດແນວໃດ ແລະ ເຂົ້າໃຈຄືແນວໃດກ່ຽວກັບຫວຽດນາມ. ຈາກນັ້ນເພື່ອສ້າງເປັນ Clipvideo ໃຫ້ທຸກຄົນ, ພິເສດແມ່ນບັນດາເພື່ອນຫນຸ່ມພ້ອມກັນປຶກສາຫາລື, ມີການປ່ຽນແປງເພື່ອໃຫ້ຫວຽດນາມ ສວຍງາມກວ່າໃນສາຍຕາຂອງເພື່ອນມິດສາກົນ. ນັ້ນແມ່ນບັນດາຄຳເຫັນທີ່ເພື່ອນ ບຸ່ຍກວາງ ບີງ, ອາຍຸ 26 ປີ ຢູ່ ນະຄອນ ດາຫນັງ, ປະຈຸບັນ ແມ່ນຄູສອນພາສາອັງກິດ ໄດ້ປະຕິບັດ. ບົດຂຽນຂອງນັກຂ່າວແອງຮ່ວຽນທີ່ພາດຫົວຂໍ້ວ່າ: ຊາຍຫນຸ່ມຄົນຫນຶ່ງໄປເຖິງ 10 ປະເທດສະມາຊິກອາຊຽນເພື່ອໂຄສະນາຫວຽດນາມ.
ໂດຍແມ່ນຄົນມັກໄປທ່ອງທ່ຽວ, ຢາກຄົ້ນຫາ, ເຮັດສິ່ງທີ່ແຕກຕ່າງ, ແຕ່ຄຳຖາມທີ່ວ່າ “ຊາວຕ່າງປະເທດຄິດແນວໃດກ່ຽວກັບຫວຽດນາມ” ຈຶ່ງແມ່ນກຳລັງຫນູນສຳລັບການເດີນທາງໄປຢ້ຽມຢາມ 10 ປະເທດ ອາຊຽນ ມາເປັນເວລາເກືອບ 1 ເດືອນ ຂອງ ເພື່ອນບຸ່ຍກວາງບີງ ຢູ່ເມືອງ ຫາຍເຈົາ ນະຄອນ ດາຫນັງ. ຕົ້ນເດືອນ 5/2014, ບຸ່ຍກວາງບີງ ເລີ່ມຕົ້ນການເດີນທາງເຖິງ ລາວ, ກຳປູເຈຍ, ໄທ, ສິງກະໂປ, ມຽນມາ, ມາເລເຊຍ… ນະຄອນຫລວງຂອງບັນດາປະເທດແມ່ນສະຖານທີ່ ບຸ່ຍກວາງບີງ ເລືອກເຟັ້ນໄປຢ້ຽມຢາມ. ບຸ່ຍກວາງບີງ ແບ່ງປັນວ່າ ນີ້ບໍ່ແມ່ນລາຍການຢ້ຽມຢາມທຳມະດາເທົ່ານັ້ນ ຫາກແມ່ນການເດີນທາງຢາກຊອກຮູ້ວ່າ ຊາວຕ່າງປະເທດ ມີຂໍ້ສັງເກດແນວໃດກ່ຽວກັບ ຫວຽດນາມ.
“ຂ້າພະເຈົ້າຢາກຊອກຮູ້ວ່າ ປະຊາຊົນບັນດາປະເທດໃນອາຊຽນ ເຂົາເຈົ້າມີຄວາມຄິດຄືແນວໃດກ່ຽວກັບຫວຽດນາມ. ແລະ ຂ້າພະເຈົ້າຢາກນຳເອົາບັນດາຂໍ້ມູນຂ່າວສານນີ້ມາເຜີຍແຜ່ໃຫ້ເພື່ອນຫວຽດນາມ ທຸກຄົນ, ຜ່ານນັ້ນ ເພື່ອໃຫ້ເຂົາເຈົ້າມີຄວາມເຂົ້າໃຈກ່ຽວກັບຕົນເອງກວ່າ, ຈາກນັ້ນ ຖອດຖອນບັນດາບົດຮຽນທີ່ມີປະໂຫຍດກ່ຽວກັບທຸກດ້ານໃນຊີວິດ.”
ບຸ່ຍກວາງ ບີງ ຢູ່ມາເລເຊຍ
|
ເມື່ອໄປຮອດບັນດາປະເທດດັ່ງກ່າວ, ເພື່ອນ ບຸ່ຍກວາງບີງ ໄດ້ພົບປະກັບບັນດາເພື່ອນມິດຢູ່ປະເທດເຫຼົ່ານັ້ນ ແລະ ຕັ້ງຄຳຖາມວ່າ: ເພື່ອນຄິດແນວໃດ, ເຂົ້າໃຈຫຍັງແດ່ກ່ຽວກັບປະເທດຊາດ ແລະ ຊາວຫວຽດນາມ. ບັນດາເພື່ອນທີ່ຖືກຖາມນັ້ນລ້ວນແຕ່ໃຫ້ຄຳຕອບວ່າ ຫວຽດນາມ ແມ່ນປະເທດສວຍງາມ, ສະຫງົບສຸກ, ໃກ້ຊິດສະຫນິດສະຫນົມ ແລະ ຊາວຫວຽດນາມ ຮັກແພງແຂກ. ນອກນັ້ນ ບຸ່ຍກວາງບີງ ໂຄສະນາພາບພົດຂອງປະເທດຊາດ ຫວຽດນາມ ໃຫ້ແກ່ບັນດາເພື່ອນມິດຮັບຊາບ.
“ສິ່ງປະທັບໃຈນັ້ນແມ່ນ ເຂົາເຈົ້າມີຄວາມເຂົ້າໃຈຕື່ມອີກກ່ຽວກັບຊາວຫວຽດນາມ. ຕົວຢ່າງ ເມື່ອໄດ້ຊົມຮູບພາບກ່ຽວກັບ ອ່າວຮ້າລອງ, ພວກເພື່ອນລ້ວນແຕ່ຕົກສະເງີ້ ບໍ່ຮູ້ວ່າຢູ່ຫວຽດນາມ ມີທິວທັດທຳມະຊາດງາມຄືແນວນັ້ນ. ນອກຈາກໃຫ້ພວກເພື່ອນຊົມຮູບພາບແລ້ວ, ຂ້າພະເຈົ້າຍັງນຳເອົາອາຫານພິເສດຂອງຫວຽດນາມຫລາຍເຍື່ອງ ມາເຊີນພວກເພື່ອນອີກດ້ວຍ. ພວກເພື່ອນແບ່ງປັນວ່າ: ທຳອິດ ເຂົາເຈົ້າຢາກໄປຢ້ຽມຢາມ ອັງກິດ, ອາເມລິກາ, ອົດສະຕາລີ, ແຕ່ພາຍຫລັງ ເມື່ອໄດ້ຮັບຊົມຮູບພາບກ່ຽວກັບຫວຽດນາມ, ຮັບຟັງດົນຕີ ຫວຽດນາມ ເຂົາເຈົ້າຢາກໄປທ່ອງທ່ຽວ ຫວຽດນາມ ຫລາຍກວ່າ. ສິ່ງດັ່ງກ່າວເຮັດໃຫ້ຂ້າພະເຈົ້າດີໃຈຫລາຍ ແລະ ມີຄວາມເອກອ້າງທະນົງໃຈກ່ຽວກັບຫວຽດນາມ.”
ໂດຍແມ່ນຄູສອນພາສາ ອັງກິດ ສະນັ້ນ ບຸ່ຍກວາງບີງ ມີຄວາມສະດວກໃນການສຳພາດ ແລະ ໂອ້ລົມກັບພວກເພື່ອນ ເພື່ອຊອກຮູ້ທັດສະນະຂອງເຂົາເຈົ້າກ່ຽວກັບບັນຫາສັງຄົມ, ການເມືອງ, ການສຶກສາຂອງຫວຽດນາມ. ໃນການເດີນທາງນັ້ນ, ສິ່ງທີ່ເຮັດໃຫ້ ບຸ່ຍກວາງບີງ ຮູ້ສຶກຕຶ້ນຕັນໃຈ, ນັ້ນແມ່ນ ເມື່ອມາຢ້ຽມຢາມປະເທດ ມຽນມາ, ເວລາພວມຢູ່ສະຫນາມບິນ ບຸ່ຍກວາງບີງ ເຫັນວ່າ ຊ່ອງໂທລະພາບ ມຽນມາ ໄດ້ໃຫ້ຂ່າວກ່ຽວກັບເລື່ອງຈີນຕັ້ງຮ້ານເຈາະນ້ຳມັນຢ່າງຜິດກົດໝາຍຢູ່ເຂດເສດຖະກິດຈຳເພາະຂອງຫວຽດນາມ ແລະ ຮູບພາບປະຊາຊົນຫວຽດນາມ ລົງຖະຫນົນແຫ່ຂະບວນຄັດຄ້ານການກະທຳຂອງຈີນຢູ່ທະເລຕາເວັນອອກ. ໃນຈຸດເວລານັ້ນ, ຢູ່ປະເທດສະມາຊິກໃດຂອງ ອາຊຽນ, ບຸ່ຍກວາງບີງ ກໍໄດ້ຮັບຟັງບັນດາພາຫະນະສື່ມວນຊົນໄດ້ໃຫ້ຂ່າວກ່ຽວກັບເຫດການຈີນຕັ້ງຮ້ານເຈາະນ້ຳມັນຢ່າງຜິດກົດໝາຍຢູ່ເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ. ເຖິງວ່າ ບໍ່ນອນໃນແຜນການຂອງຕົນ, ແຕ່ ບຸ່ຍກວາງບີງ ຢາກຮູ້ວ່າ ປະຊາຊົນບັນດາປະເທດສະມາຊິກ ອາຊຽນ ມີຄວາມຄິດແນວໃດກ່ຽວກັບການກະທຳດັ່ງກ່າວຂອງຈີນ, ບຸ່ຍກວາງບີງ ໄດ້ບັນທຶກບັນດາຄຳເຫັນຂອງປະຊາຊົນອາຊຽນ ກ່ຽວກັບເຫດການນີ້ ຄືດັ່ງວິທີຫນຶ່ງສະແດງໃຫ້ເຫັນນຳ້ໃຈຮັກຊາດ. ບຸ່ຍກວາງບີງ ເລ່ົາສູ່ຟັງວ່າ: ບັນດາຜູ້ທີ່ຖືກຖາມລ້ວນແຕ່ສະແດງທັດສະນະ ບໍ່ສະຫນັບສະຫນູນການກະທຳຂອງຈີນ, ເຂົາເຈົ້າລ້ວນແຕ່ຢາກສັນຕິພາບ ແລະ ແກ້ໄຂຄວາມເຄັ່ງຕຶງຜ່ານການເຈລະຈາ. ເມື່ອໄປຮອດ ສິງກະໂປ, ບຸ່ຍກວາງບີງ ໄດ້ພົບປະກັບບັນດາເພື່ອນແມ່ນຊາວຈີນ ແລະ ເມື່ອຖາມເຂົາເຈົ້າກ່ຽວກັບເຫດການດັ່ງກ່າວ, ຜູ້ໃດກໍເວົ້າວ່າ ສິ່ງທີ່ເກີດຂຶ້ນໃນຕົວຈິງແມ່ນໄປຝືນກັບຄວາມຮູ້ກ່ຽວກັບພູມສາດ, ອະທິປະໄຕ ຊື່ງເຂົາເຈົ້າໄດ້ຮຳ່ຮຽນໃນໂຮງຮຽນ. ບຸ່ຍກວາງບີງ ໃຫ້ຮູ້ວ່າ:
“ຂ້າພະເຈົ້າໄດ້ພົບປະກັບເພື່ອນຜູ້ຫນຶ່ງແມ່ນຊາວຈີນ ຢູ່ ສິງກະໂປ ແລະ ຜູ້ນັ້ນເວົ້າວ່າ ລາວຮູ້ສຶກຕົກສະເງີ້ ບໍ່ຮູ້ວ່າ ສິ່ງທີ່ໂລກເວົ້າແມ່ນຕ່າງກັບສິ່ງທີ່ເພື່ອນໄດ້ຮຽນໃນປື້ມຕຳລາຮຽນຂອງຈີນ. ສະນັ້ນ ລາວຢາກຊອກຮູ້ວ່າຄວາມຈິງແມ່ນຫຍັງ.”
ບັນດາຄຳຖາມ, ການຕີລາຄາຂອງເພື່ອນມິດຢູ່ບັນດາປະເທດຊື່ງ ບຸ່ຍກວາງບີງ ໄດ້ພົບ ແລະ ໂອ້ລົມສົນທະນາ ໃນການເດີນທາງເຖິງ 10 ປະເທດ ອາຊຽນ ຈະຖືກແນະນຳດ້ວຍ Clipvideo 10 ພາກ ດ້ວຍແຕ່ລະຫົວເລື່ອງແຕກຕ່າງກັນ. ປະຈຸບັນ ມີ Clipvideo 3 ພາກໄດ້ອອກທາງ youtube ນັ້ນແມ່ນ“ ອາຊຽນ ຄິດແນວໃດກ່ຽວກັບຫວຽດນາມ”, ອາຊຽນ ຕີລາຄາຄືແນວໃດກ່ຽວກັບການກະທຳຂອງຈີນ, ມາດຕະການໃຫ້ແກ່ຫວຽດນາມ ແລະ “ນ້ອງມື້ໃນມື້ວານນີ້” ເຖິງວ່າ ບັນດາ clipvideo ຫາກໍ່ ອອກສະເຫນີຕໍ່ຜູ້ຊົມກໍຕາມ ແຕ່ໄດ້ດຶງດູດຜູ້ເຂົ້າຊົມນັບພັນເທື່ອຄົນ.
ຄາດວ່າໄລຍຈະມາເຖິງ, ທັງໝົດ 10 clipvideo ໃນການຢ້ຽມຢາມຈະສ້າງສຳເລັດ. ບຸ່ຍກວາງບີງ ປາດຖະຫນາ ຜ່ານບັນດາຄຳຖາມກ່ຽວກັບຫວຽດນາມ, ຄວາມຮູ້ສຶກ, ຄວາມຄິດ ຂອງປະຊາຊົນບັນດາປະເທດກ່ຽວກັບຫວຽດນາມ, ປະຊາຊົນທຸກຄົນ, ເປັນຕົ້ນແມ່ນເພື່ອນຫນຸ່ມຈະປຶກສາຫາລືເພື່ອເຮັດແນວໃດໃຫ້ປະເທດຫວຽດນາມ ນັບມື້ນັບສວຍງາມກວ່າໃນສາຍຕາເພື່ອນມິດສາກົນ.