(VOVWORLD) - ສຸກທະວີ ສຸທໍາມະວົງ ຫຼື Jimmy San ແລະ ວິສຸດາ ໄຊຍະສານ ຫຼື Ammie ແມ່ນນັກຮ້ອງໜຸ່ມລາວ 2 ຄົນ ຫາກໍ່ເຂົ້າຮ່ວມງານປະກວດສຽງເພງ ອາຊຽນ + 3 ປີ 2019 ໂດຍວິທະຍຸກະຈາຍສຽງຫວຽດນາມ (VOV) ຈັດຕັ້ງ. ເນື່ອງໃນໂອກາດນີ້, ນັກຂ່າວ VOV5 ໄດ້ໂອ້ລົມ ແລະ ຊອກຮູ້ກ່ຽວກັບວິວັດທະນາການກາຍເປັນນັກຮ້ອງຂອງ Jimmy San ແລະ Ammie. ຕໍ່ໄປນີ້, ເຊີນທ່ານຮັບຟັງບົດຂຽນ ຂອງ ມິງດຶກ, ນັກຂ່າວ VOV ດ້ວຍຫົວຂໍ້ “ນັກຮ້ອງໜຸ່ມລາວ 2 ຄົນ ແລະ ຄວາມໃຝ່ຝັນຢາກເປັນນັກຮ້ອງອາຊີບ”.
 ນັກຮ້ອງ Jimmy San |
ນັກຮ້ອງຊາຍອາຍຸ 22 ປີ ທີ່ມາຈາກນະຄອນຫຼວງວຽງຈັນຄົນນີ້ ມີ style ການນຸ່ງຖືແບບລຽບງ່າຍ ໃນຊຸດເສື້ອເຊີດ, ໂສ້ງສຸພາບ, ຜົມຍ້ອມສີທອງ ແລະ ມີນໍ້າສຽງເຕັມໄປດ້ວຍພະລັງຊີວິດ. ຄອບຄົວ Jimmy San ບໍ່ມີໃຜເຄີຍດໍາເນີນອາຊີບນີ້ມາກ່ອນ, ແຕ່ຄວາມໄຝ່ຝັນຢາກເປັນນັກຮ້ອງເພງ Rock ສະນັ້ນ Jimmy San ຕ້ອງຮຽນດ້ວຍຕົນເອງ, ຖອດຖອນບົດຮຽນ, ຟັງເພງ ແລ້ວຊ້ອມໄປຕາມ ເຮັດແນວໃດເພື່ອຮ້ອງໃຫ້ຄືທີ່ສຸດ. Jimmy San ກ່າວວ່າ:
ການເປັນນັກຮ້ອງສິ່ງທີ່ຫຍຸ້ງຍາກທີ່ສຸດ ສໍາລັບ Jimmy ແມ່ນເຮັດແນວໃດເພື່ອແນະນໍາ, ໂຄສະນາຕົນເອງຕໍ່ຜູ້ຊົມທີ່ຍັງບໍ່ນິຍົມເພງ Rock. ຍ້ອນຄວາມມົວເມົາຂອງຕົນ ສະນັ້ນ Jimmy San ຕ້ອງມານະຍະຍາຍາມເພື່ອຜ່ານຜ່າຄວາມຫຍຸ້ງຍາກໄປໄດ້. Jimmy San ແບ່ງປັນວ່າ: “ເມື່ອຂ້າພະເຈົ້າຂັບຮ້ອງ ຂ້າພະເຈົ້າຮູ້ສຶກວ່າສຽງເພງຂອງຕົນດຶງດູດຜູ້ຟັງ. ເມື່ອຜູ້ຟັງຮູ້ສຶກມ່ວນ ແລະ ຍາມນັ້ນ ຂ້າພະເຈົ້າກໍຮູ້ສຶກວ່່າມີຄວາມສຸກທີ່ສຸດ.
 ນັກຮ້ອງ Ammie |
ກໍຄືກັນກັບ Jimmy San, ໃນຄອບຄົວ Ammie ກໍບໍ່ມີໃຜເຄີຍເປັນນັກຮ້ອງມາກ່ອນ. ລາວກໍາເນີດ ແລະ ເຕີບໃຫຍ່ຢູ່ແຂວງສະຫວັນນະເຂດ, ຄີງບາງຮ່າງນ້ອຍ ແລະ ມີນໍ້າສຽງທີ່ສະເທືອນໃຈ, ນັກຮ້ອງຍິງ ອາຍຸ 21 ປີນີ້ ໄດ້ມີຄວາມເມົາມົວຫຼົງໄຫຼໃນດົນຕີແຕ່ຄາວມີອາຍຸ 8 – 9 ປີ, Ammie ແບ່ງປັນສູ່ຟັງວ່າ:
ບໍ່ໄດ້ຮຽນເປັນນັກຮ້ອງໃນໂຮງຮຽນໃດໜຶ່ງ, ແຕ່ດ້ວຍຄວາມມານະພະຍາຍາມ ແລະ ຄວາມຕັດສິນໃຈຢາກເປັນນັກຮ້ອງນັ້ນ, ນັບແຕ່ຄາວຍັງເປັນນັກຮຽນ, Ammie ໄດ້ຊອກຮູ້ ແລະ ເຂົ້າຮ່ວມບັນດາງານປະກວດຕ່າງໆ ໂດຍທາງໂຮງຮຽນຈັດຕັ້ງ. ສໍາລັບ Ammie, ສິ່ງທີ່ຍາກທີ່ສຸດໃນການຝຶກແອບເພື່ອໃຫ້ໄດ້ເປັນນັກຮ້ອງ, ນັ້ນແມ່ນ ຕ້ອງຮຽນກ່ຽວກັບເຕັກນິກໃນການຂັບຮ້ອງດ້ວຍຕົນເອງ, ນາງໄດ້ຮຽນເຕັກນິກນັ້ນຜ່ານບັນດາບົດເພງຂອງນັກຮ້ອງທີ່ຊື່ດັ່ງດ້ວຍຕົນເອງ. ປັດຈຸບັນ, ເຖິງວ່າຄວາມໃຝ່ຝັນຂອງນາງໄດ້ປະກົດຜົນເປັນຈິງແລ້ວກໍຕາມ, ແຕ່ Ammie ຍັງຄົງມານະພະຍາຍາມເພື່ອຝຶກຝົນຫຼໍ່ຫຼອມຕົນເອງໃຫ້ດີກວ່າອີກ.
ບໍ່ພຽງແຕ່ສະແດງ ແລະ ເຂົ້າຮ່ວມບັນດາງານປະກວດຢູ່ພາຍໃນປະເທດເທົ່ານັ້ນ, Jimmy ແລະ Ammie ຍັງໄດ້ຮັບຄວາມໄວ້ເນື້ອເຊື່ອໃຈ ເຊື້ອເຊີນໃຫ້ເຂົ້າຮ່ວມງານປະກວດສຽງເພງ ອາຊຽນ + 3 ປີ 2019 ໂດຍວິທະຍຸກະຈາຍສຽງຫວຽດນາມ ຈັດຕັ້ງຢູ່ແຂວງກວ໋າງນິງ, ຫວຽດນາມ ອີກດ້ວຍ. ໃນງານປະກວດຄັ້ງນີ້, ນັກຮ້ອງ Jimmy San ແມ່ນໜຶ່ງໃນຈໍານວນນັກຮ້ອງ 10 ຄົນ ທີ່ໄດ້ເຂົ້າຮອບຊີງຊະນະເລີດ. ກໍຢູ່ງານປະກວດຄັ້ງນີ້, Jimmy ແລະ Ammie ໄດ້ຮຽນຮູ້ ແລະ ແລກປ່ຽນປະສົບການຫຼາຍຢ່າງ. ນັກຮ້ອງ ແທັງລາມ, ສະມາຊິກຄະນະກໍາມະການຂອງງານປະກວດດັ່ງກ່າວ ຕີລາຄາວ່າ ນີ້ແມ່ນນັກຮ້ອງສອງຄົນທີ່ມີທ່າແຮງບົ່ມຊ້ອນໃນພື້ນຖານດົນຕີຂອງລາວ.
“ສໍາລັບ ນັກຮ້ອງລາວ ສອງຄົນນີ້, Ammie ມີນໍ້າສຽງມ່ວນຫຼາຍ, ສ່ວນ Jimmy ພັດມີstyle ດົນຕີທີ່ແປກໃໝ່. ຂ້າພະເຈົ້າຫວັງວ່າ ນັກຮ້ອງສອງທັງຄົນນີ້ ຈະແມ່ນນັກສິລະປະປິນໃນອະນາຄົດຂອງປະເທດລາວ”.
ເມື່ອແບ່ງປັນກ່ຽວກັບແຜນການໃນອະນາຄົດ, ນັກຮ້ອງ Jimmy ປາດຖະໜາວ່າ ຢາກອອກ album ດົນຕີ ແລະ ຍາດໄດ້ຜົນສໍາເລັດສູງສຸດໃນອາຊີບສິລະປະຂອງຕົນ. ສ່ວນ Ammie, ນາງຄາດວ່າ ຈະອອກ album ສະເພາະຂອງຕົນ ແລະ ຝຶກຝົນຫຼໍ່ຫຼອມເພື່ອກາຍເປັນຄູສອນດົນຕີ./.