(vovworld)- ມາຢ້ຽມຢາມສິງປະໂປ, ສະຖານທີ່ທຳອິດຊື່ງນັກທ່ອງທ່ຽວເຄີຍແວ່ຢາມນັ້ນແມ່ນ ຫໍພິພິດທະພັນ Images of Singapore ຖືກຕັ້ງຢູ່ເກາະ Sentosa ທີ່ສວຍງາມ. ຫໍພິພິດທະພັນແຫ່ງນີ້ ແມ່ນສະຖານທີ່ວາດພາບເຖິງການດຳລົງຊີວິດຂອງຊາວປະເທດຕ່າງໆຢູ່ສິງກະໂປ ນັບແຕ່ໄລຍະບູຮານນະການມາຮອດປະຈຸບັນຢ່າງມີຊີວິດຊີວາ, ດ້ວຍເຕັກໂນໂລຊີປັ້ນຮູບຂີ້ເຜິ້ງຢ່າງລະອຽດລະອໍ ໃນລາຍການຊາຍຄາອາຊຽນພາກນີ້ ພວກເຮົາຂໍແນະນຳ ຫໍພິພິດທະພັນຂີ້ເຜິ້ງ ສິງກະໂປ.
ຜ່ານການຜັນແປຫລາຍຢ່າງໃນປະຫວັດສາດ, ປະຈຸບັນ ສິງກະໂປໄດ້ກາຍເປັນສູນແລກປ່ຽນການຄ້າສາກົນ, ເປັນແຫ່ງສົ່ງຕໍ່ສິນຄ້າທາງທະເລສຳຄັນທີ່ເຊື່ອມຕໍ່ລະຫວ່າງ ເອີລົບ ແລະ ອາຊີ. ໃນວິວັດທະນາການສ້າງສາປະເທດຊາດ, ປະຊາຄົມຊາວຕ່າງປະເທດຢູ່ສິງກະໂປ ໄດ້ດຳລົງຊີວິດຢ່າງສະຫນິດຕິດພັນນຳກັນ ສ້າງເປັນພື້ນຖານວັດທະນະທຳທີ່ເຂັ້ມຂົ້ນໄປດ້ວຍສີສັນຊາດຕ່າງໆ ແລະ ຫໍພິພິດທະພັນແຫ່ງນີ້ໄດ້ວາດພາບເຖິງປະຫວັດແຫ່ງການສ້າງສາ ແລະ ພັດທະນາຂອງສິງກະໂປຢ່າງມີຊີວິດຊີວາ.
 |
ສຽງທີ່ທ່ານຫາກໍ່ຮັບຟັງແມ່ນເນື້ອໃນຂອງຮູບເງົາທີ່ແນະນຳກ່ຽວກັບປະຫວັດສາດຂອງສິງກະໂປ ຊື່ງນັກທ່ອງທ່ຽວໄດ້ຮັບຊົມໃນຫ້ອງສາຍຮູບເງົານ້ອຍກ່ອນທີ່ເຂົ້າຢ້ຽມຊົມຫໍພິພິດທະພັນ. ຢູ່ເທິງຫນ້າຈໍ່ ປະກົດອອກຮູບພາບຜູ້ຊາຍ 4 ຄົນທີ່ຕາງຫນ້າໃຫ້ ປຊຊ 4 ປະເທດທີ່ພວມດຳລົງຊີວິດຢູ່ສິງກະໂປຄື: ຊາວຈີນ, ມາເລເຊຍ, ອິນເດຍ ແລະ ອັງກິດ. ດ້ວຍເຕັກນິກທັນສະໄຫມປະສົມກັບ ສີ, ແສງ, ສຽງ ແລະ ຮູບພາບ, 4 ຄົນດັ່ງກ່າວໄດ້ພັດປ່ຽນກັນເລົ່າເລື່ອງກ່ຽວກັບປະຫວັດສາດແຫ່ງການສ້າງຕັ້ງປະເທດສິງກະໂປ ແລະ ຂະແຫນງການເດີນທະເລທີ່ຈະເລີນໝັ້ນຄົງຂອງປະເທດນີ້. ເພື່ອພິສູດໃຫ້ເລື່ອງລາວດັ່ງກ່າວ ມີຮູບເງົາກະຕຸນເລື່ອງສັ້ນກ່ຽວກັບລາຊະກຸມມານ Sang Nila Utama ຜູ້ມີຄຸນງາມຄວາມດີໃນການຄົ້ນພົບ ແລະ ກໍ່ສ້າງປະເທດສິງກະໂປ.
ອອກຈາກຫ້ອງສາຍຟີມຮູບເງົາ, ນັກທ່ອງທ່ຽວຈະກ້າວເຂົ້າອຸໂມງທີ່ຮົກເຮື້ອວ່າງເປົ່າດ້ວຍຕົ້ນໄມ້ໃບຫຍ້າ, ດອກໄມ້ ພ້ອມກັບສຽງນົກຮ້ອງ, ສຽງຮ້ອງຂອງສັດປ່າ… ເຮັດໃຫ້ນັກທ່ອງທ່ຽວຮູ້ສຶກຄືດັ່ງພວມຢູ່ກາງປ່າທີ່ຮົກເຮື້ອເປົ່າຫວ່າງ.
ຄາບອາຫານຂອງຊາວຈີນ
ພາບ:dulich.com
|
ເມື່ອເຂົ້າເຂດວາງສະແດງ, ນັກທ່ອງທ່ຽວມີຄວາມແປກປະຫຼາດໃຈຕໍ່ຮູບປັ້ນໃຫຍ່ນ້ອຍຕ່າງກັນທີ່ເຮັດດ້ວຍຂີ້ເຜິ້ງ…ໃນຊຸດອາພອນພື້ນເມືອງດ້ວຍສີສັນງາມຕາມຂອງປະເທດຕ່າງໆຢູ່ສິງກະໂປ. ບໍ່ມີຮູບປັ້ນນັກການເມືອງ, ນັກວິທະຍາສາດ, ນັກປະພັນ, ດາລາຮູບເງົາ… ຄືໃນບັນດາຫໍພິພິດທະພັນຂີ້ເຜິ້ງຢູ່ ອັງກິດ, ຝລັ່ງ ….ຢູ່ທີ່ນີ້ພຽງແຕ່ມີຮູບປັ້ນສາມັນຊົນ, ຊາວປະມົງ, ກັບຕັນ… ຜ່ານການດຳລົງຊີວິດປະຈຳວັນຂອງຊາວສິງກະໂປຄື: ງານແຕ່ງດອງ, ງານບຸນຕ່າງໆ, ບຸນປີໃຫມ່, ບຸນວັນເພັງ, ຄາບອາຫານຂອງ ຊາວຈີນ, ຮູບພາບກ່ຽວກັບການຫາປ່າ, ລ່າເນື້ອ... ບໍ່ພຽງແຕ່ໄດ້ຮັບຊົມບັນດາຮູບປັ້ນຂີ້ເຜິ້ງຄືຮູບຄົນແທ້ເທົ່ານັ້ນ ນັກທ່ອງທ່ຽວສາມາດເຂົ້າຮ່ວມການເຄື່ອນໄຫວຕ່າງໆຂອງຊາວບູຮານໃນເມື່ອກ່ອນອີກດ້ວຍຄື: ເຂົ້າຮ່ວມການລະຫລິ້ນ, ນັ່ງຊົມສະແດງຕົວລະຄອນຢູ່ເວທີນ້ອຍ..
ສິ້ນສຸດການຄົ້ນຫາຫໍພິພິດທະພັນຂີ້ເຜິ້ງ, ບັນດານັກທ່ອງທ່ຽວທີ່ມາຈາກຫລາຍປະເທດ ລ້ວນແຕ່ມີຄວາມຮູ້ສຶກລວມວ່າ: ຫໍພິພິດທະພັນແມ່ນຮູບພາບທີ່ມີຊີວິດຊີວາ ກ່ຽວກັບປະຫວັດສາດຂອງສິງກະໂປ. ທ່ານນາງ Aishah, ນັກທ່ອງທ່ຽວມາຈາກ ມາເລເຊຍ ເວົ້າວ່າ:
ສ່ວນ ອ້າຍເຍີດມີງ, ນັກທ່ອງທ່ຽວມາຈາກ ຮ່າໂນ້ຍ(ຫວຽດນາມ) ຮູ້ສຶກພຶ່ງພໍໃຈເມື່ອໄດ້ຄົ້ນຫາວິວັດທະນາການແຫ່ງການພັດທະນາຂອງສິງກະໂປ, ຈາກໝູ່ບ້ານຊາວປະມົງນ້ອຍກາຍເປັນປະເທດຈະເລີນຮຸ່ງເຮືອງຄືປະຈຸບັນ.
“ຂ້າພະເຈົ້າຮູ້ສຶກປະທັບໃຈຕໍ່ຫົວຄິດປະດິດສ້າງຂອງຊາວສິງກະໂປທີ່ສຸດ. ຮ້ານວາງສະແດງແຕ່ລະຮ້ານໄດ້ວາດພາບໃຫ້ເຫັນເລື່ອງລາວໃດຫນຶ່ງ, ເຮັດໃຫ້ຜູ້ຊົມມີຄວາມຮູ້ສຶກແຕກຕ່າງກັນ. ຜ່ານບັນດາຮູບປັ້ນທີ່ເຮັດດ້ວຍຂີ້ເຜິ້ງ ພ້ອມກັບອຸປະກອນປະຖົມປະຖານນັ້ນ, ຜູ້ຊົມສາມາດເຂົ້າໃຈແຈ້ງກ່ຽວກັບຊີວິດຂອງຊາວປະເທດຕ່າງໆຢູ່ສິງກະໂປໃນກ່ອນນີ້.”
ໃນຊຸມປີມໍ່ໆມານີ້, ສິງກະໂປບໍ່ພຽງແຕ່ມີບາດກ້າວດີພໍສົມຄວນໃນການພັດທະນາເສດຖະກິດເທົ່ານັ້ນ, ຫາກຍັງມີຫລາຍນະໂຍບາຍດຶງດູດນັກທ່ອງທ່ຽວອີກດ້ວຍ. ພິເສດ ສິງກະໂປ ມີຄວາມເອົາໃຈໃສ່ເຖິງການບູຸລະນະ ປະຕິສັງຂອນ ແລະ ລົງທຶນເປີດກວ້າງບັນດາເຂດປູຊະນີຍະສະຖານ, ທັດສະນີຍະພາບຢ່າງບໍ່ຢຸດຢັ້ງ. ສະນັ້ນ ຈຳນວນນັກທ່ອງທ່ຽວມາຢ້ຽມຢາມສິງກະໂປນັບມື້ນັບເພີ່ມຂຶ້ນ ແລະ ເຂົາເຈົ້າບໍ່ຮູ້ສຶກເບື່ອນ່າຍ ເຖິງວ່າຈະກັບມາຢ້ຽມຢາມຫລາຍເທື່ອ.