(vovworld)- ແຕ່ລະປີ, ມີຊາວຫນຸ່ມ 24 ຄົນ ຊື່ງໄດ້ຄັດເລືອກຈາກບັນດາມະຫາວິທະຍາໄລຂອງຫວຽດນາມ ແລະ ໄທ ພ້ອມກັນເຂົ້າຮ່ວມບັນດາການເຄື່ອນໄຫວພົບປະແລກປ່ຽນ, ຊອກຮູ້ວັດທະນະທຳ, ພາສາຂອງສອງປະເທດໃນເວລາ 10 ວັນ. ປີນີ້ ລາຍການພົບປະແລກປ່ຽນຊາວຫນຸ່ມ ຫວຽດນາມ - ໄທ ໄດ້ກ້າວເຂົ້າສູ່ປີທີ 6 ແລະ ໄດ້ຖືກຈັດຕັ້ງຢູ່ຫວຽດນາມແຕ່ວັນທີ 18-27/8. ຄວາມໝາຍຂອງການເຄື່ອນໄຫວ ແລະ ວິທີການຈັດຕັ້ງຂອງລາຍການພົບປະແລກປ່ຽນທີ່ໄດ້ກ່າວມາຂ້າງເທິງນັ້ນແມ່ນຄືແນວໃດ? ເຊີນທ່ານຊອກຮູ້ກ່ຽວກັບບັນຫານີ້ຜ່ານບົດຂຽນຂອງນັກຂ່າວ ມີງລີ.
ລາຍການພົບປະແລກປ່ຽນຊາວຫນຸ່ມ ຫວຽດນາມ -ໄທ
photo:vov.vn
|
ລາຍການພົບປະແລກປ່ຽນຊາວຫນຸ່ມ ຫວຽດນາມ -ໄທ ໂດຍກະຊວງການຕ່າງປະເທດ ໄທ ອຸປະຖຳ, ຈັດຕັ້ງຂຶ້ນເປັນຄັ້ງທຳອິດຢູ່ ໄທ ໃນປີ 2009, ຫລັງຈາກນັ້ນ ໄດ້ຜັດປ່ຽນກັນຈັດຕັ້ງລະຫວ່າງສອງປະເທດ. ມາຮອດປະຈຸບັນ,ມີ ຊາວຫນຸ່ມ ປະມານ 144 ເທື່ອຄົນຂອງສອງປະເທດ ໄດ້ເຂົ້າຮ່ວມລາຍການ. ທ່ານ ພັນຢາຣັກ ພູນທັບ, ເອກອັກຄະລັດຖະທູດໄທ ປະຈຳຫວຽດນາມ ໃຫ້ຮູ້ວ່າ:
ສຽງຂອງທ່ານ ພັນຢາຣັກ
ຢູ່ຫວຽດນາມ, ນະຄອນ ດາຫນັງ ແລະ ຄຸ້ມເມືອງເກົ່າໂຮ້ຍອານ ຖືກຄັດເລືອກແມ່ນສະຖານທີ່ຈັດຕັ້ງການພົບປະແລກປ່ຽນ ເປັນ 2 ຄັ້ງ ເມື່ອປີ 2010 ແລະ 2012. ປີ 2013, ລາຍການພົບປະແລກປ່ຽນ ຖືກຈັດຂຶ້ນຢູ່ບ້ານ ນວນ ນ້ຳຄຳ ເມືອງ ເລນູນະຄອນ ແຂວງນະຄອນພະນົມ ແລະ ນະຄອນຫລວງ ບາງກອກ ຂອງໄທທ່ານ ສຸຣິຈັດ ໄຊທອງ, ຫົວຫນ້າກົມພັດທະນາພະນັກງານ ແລະ ອາສາສະໝັກ ຢູ່ວົງຄະນາຍາດ, ສັງກັດ ກະຊວງພາຍໃນໄທ ຊື່ງແມ່ນຫົວຫນ່ວຍຮັບຜິດຊອບຂອງຝ່າຍໄທ, ຕີລາຄາກ່ຽວກັບໝາກຜົນລາຍການພົບປະແລກປ່ຽນປີ 2013:
ສຽງທ່ານ ສຸຣິຈັດ ໄຊທອງ
ປີນີ້, ກະຊວງສຶກສາ ແລະ ບຳລຸງສ້າງຫວຽດນາມ ສວມບົດບາດເປັນເຈົ້າພາບຈັດຕັ້ງເຫດການ. ມະຫາວິທະຍາໄລ ຮ່າໂນ້ຍ ແມ່ນອົງການປະສານງານບັນດາການເຄື່ອນໄຫວຕົ້ນຕໍຂອງລາຍການ. ແຜນການເຄື່ອນໄຫວລວມມີ: ໄປຢ້ຽມຢາມທັດສະນີຍະພາບຢູ່ນະຄອນຫລວງ ຮ່າໂນ້ຍ ແລະ ບັນດາແຂວງພາກເຫນືອຫວຽດນາມ. ທ່ານນາງ ຈີ້ງທູຮ່າ, ພະນັກງານຮັບຜິດຊອບຂອງຝ່າຍຫວຽດນາມ ໃຫ້ຮູ້ວ່າ:
“ນອກຈາກການພົບປະແລກປ່ຽນດ້ານວັດທະນະທຳ ແລະ ພາສາແລ້ວ, ພວກຂ້າພະເຈົ້າຍັງຈັດຕັ້ງໃຫ້ພວກນ້ອງ ໄປຢ້ຽມຢາມອ່າວ ຮ້າລອງ ຢູ່ແຂວງ ກວ໋າງນີງ ຊື່ງແມ່ນມໍລະດົກໂລກ, ຊອກຮູ້ກ່ຽວກັບຊົນເຜົ່າໄທ ຢູ່ບ້ານລາດ ເມືຶອງ ມາຍເຈົາ ແຂວງ ຮ່ວາບີງ ແລະ ພໍ່ແມ່ປະຊາຊົນຊາວຊົນເຜົ່າສ່ວນຫນ້ອຍຢູ່ ມົກເຈົາ ແຂວງ ເຊີນລາ.”
ເພື່ອນ ມົດ, ນັກສຶກສາປີທີ 3 ມາຈາກໄທ, ເປັນຄັ້ງທຳອິດເຂົ້າຮ່ວມລາຍການດັ່ງກ່າວໄດ້ ແບ່ງປັນວ່າ:
ສຽງເພື່ອນມົດ
ສ່ວນນາງແຮ້ງ, ຕາງຫນ້າຊາວຫນຸ່ມຫວຽດນາມ ເຂົ້າຮ່ວມລາຍການດັ່ງກ່າວໃຫ້ຮູ້ວ່າ:
“ນ້ອງຈະພະຍາຍາມແນະນຳບັນດາຈຸດວັດທະນະທຳຂອງຮ່າໂນ້ຍ, ຂອງປະເທດຊາດຫວຽດນາມ ໃຫ້ເພື່ອນໄທຮັບຊາບ ແລະ ຊ່ວຍໃຫ້ພວກເພື່ອນເຂົ້າໃຈຕື່ມອີກກ່ຽວກັບປະເທດຊາດ, ຊາວຫວຽດນາມ.”
ຊາວຫນຸ່ມໄທ ແລະ ຫວຽດນາມ ພວມພ້ອມກັນເຂົ້າຮ່ວມບັນດາການເຄື່ອນໄຫວ ຢູ່ຫວຽດນາມ ທີ່ຟົດຟື້ນ ແລະ ປະທັບໃຈ. ຜ່ານລາຍການນີ້, ຊາວຫນຸ່ມໄທ ແລະ ຫວຽດນາມ ຈະໄດ້ຮັບບັນດາບົດຮຽນອັນລຳ້ຄ່າ ແລະ ສ້າງການພົວພັນມິດຕະພາບລະຫວ່າງ ນັກສຶກສາ ແລະ ຊາວຫນຸ່ມ 2 ປະເທດ. ຄຽງຄູ່ກັນນັ້ນ ການຊຸກຍູ້ການພົວພັນລະຫວ່າງປະຊາຊົນສອງປະເທດ ຈະແມ່ນພື້ນຖານສຳຄັນໃນການສືບຕໍ່ພັດທະນາຮ່ວມມືສອງຝ່າຍໃນຫລາຍຂົງເຂດ. ນັ້ນບໍ່ພຽງແຕ່ແມ່ນຄວາມປາດຖະຫນາຂອງທ່ານ ພັນຢາຣັກ ພູນທັບ ເອກອັກຄະລັດຖະທູດໄທ ເທົ່ານັ້ນ ຫາກຍັງແມ່ນຈຸດໝາຍລວມຂອງປະຊາຊົນຫວຽດນາມ ແລະ ໄທ ເມື່ອຈຸດເວລາສ້າງປະຊາຄົມອາຊຽນໃນປີ 2015 ໃກ້ຈະມາຮອດແລ້ວ.