(vovworld)-ສອງສາມປີມານີ້, ໄທ ກໍຄື ປະເທດຈຳນວນຫນຶ່ງໃນພາກພື້ນອາຊີ ຕາເວັນອອກສ່ຽງໃຕ້ ຕ້ອງຮັບມືກັບສະພາບໄພແຫ້ງແລ້ງຢ່າງຮ້າຍແຮງ, ພິເສດແຕ່ເດືອນ 10 ປີກ່ອນຈົນເຖິງເດືອນ 5 ປີນີ້. ແຂວງພິຊານຸໂລກ ພາກກາງໄທ ແມ່ນຫນຶ່ງໃນບັນດາແຂວງຖືກຜົນສະທ້ອນຈາກໄພແຫ້ງແລ້ງຢ່າງຫນັກຫນ່ວງທີ່ສຸດ. ນີ້ແມ່ນແຂວງຫນຶ່ງເຮັດກະສິກຳເປັນຕົ້ນ ແລະ ຊາວກະສິກອນສ່ວນຫລາຍເຮັດອາຊີບປູກນາທາມ. ຕໍ່ຫນ້າສະພາບການດັ່ງກ່າວ, ເພື່ອຊ່ວຍໃຫ້ປະຊາຊົນຮັບປະກັນລາຍຮັບໃນລະດູແລ້ງ, ອຳນາດການປົກຄອງທ້ອງຖິ່ນ ໄດ້ພັດທະນາໂຄງການຫນຶ່ງທີ່ເປັນເອກະລັກສະເພາະ ນັ້ນແມ່ນ ໂຄງການລ້ຽງໄກ່ດຳ ຄົບວົງຈອນ.
 |
ກຸ່ມນັກຂ່າວພວກຂ້າພະເຈົ້າໄປຢ້ຽມຢມແຂວງ ພິຊານຸໂລກ ໃນຊຸມມື້ທ້າຍເດືອນ 5. ເຖິງວ່າເລີ່ມເຂົ້າລະດູຝົນ ແລະ ຫາກໍ 10 ໂມງເຊົ້າ ກໍຕາມ ແຕ່ບົນເສັ້ນທາງທີ່ພວກຂ້າພະເຈົ້າໄປຜ່ານ ອາກາດຍັງຮ້ອນເອົ້າທີ່ສຸດ. ຢູ່ສອງຟາກທາງ, ບັນດາທົ່ງຫຍ້າຖືກຫ່ຽວແຫ້ງ, ບາງບ່ອນຖືກໄຫມ້ເປັນສີດຳສ່ວນຢູ່ບັນດາທົ່ງນາກ່ອນນີ້ປູກເຂົ້າ, ດິນຖືກແຕກແຫ້ງໝົດ. ເມື່ອພວກຂ້າພະເຈົ້າເຂົ້າບ້ານ ເຈີງຫວາຍ, ເນື້ອທີ່ດິນກ່ອນນີ້ປູກເຂົ້າ ປະຈຸບັນ ປະໃຫ້ເປົ່າຫວ່າງ ແທນທີ່ນັ້ນ ແມ່ນບັນດາຟາມລ້ຽງໄກ່ດຳນ້ອຍ. ໂດຍໄດ້ເລີ່ມປະຕິບັດນັບແຕ່ປີ 2015 ພ້ອມກັບການສ້າງຕັ້ງສະໂມສອນລ້ຽງໄກ່ດຳ ເຈີງຫວາຍ, ໂຄງການນີ້ໄດ້ຊ່ວຍໃຫ້ຊາວກະສິກອນມີລາຍຮັບ ແລະ ພິເສດການນຳໃຊ້ນ້ຳກໍຫນ້ອຍກວ່າ.
ທ່ານ ຈັດຕະຣີ ແລະ ພະດົມ ຊາວບ້ານ ເຈີງຫວາຍ ໃຫ້ຮູ້ວ່າ:
ສຽງທ່ານ ຈັດຕະຣີ
ສຽງທ່ານ ພະດົມ
ເຖິງວ່າຫາກໍດຳເນີນການເຄື່ອນໄຫວມາເປັນເວລາກວ່າ 1 ປີ, ໃນເບື້ອງຕົ້ນມີ 15 ສະມາຊີ ເທົ່ານັ້ນ, ແຕ່ມາຮອດປະຈຸບັນ ສະໂມສອນລ້ຽງໄກ່ດຳ ເຈີງຫວາຍ ໄດ້ມີກວ່າ 100ສະມາຊິກ, ລ້ຽງໄກ່ດຳໄດ້ ກວ່າ 10.000 ໂຕ. ບັນລຸຜົນສຳເລັດໃນເບື້ອງຕົ້ນ ຍ້ອນໄດ້ຮັບການຫນູຊ່ວຍສ່ວນໃຫຍ່ຈາກອຳນາດການປົກຄອງທ້ອງຖິ່ນໃນການສະຫນອງທຶນເລີ່ມປະກອບອາຊີບ ຄືຄຳຢືນຢັນຂອງທ່ານ ພະດົມ ເມືອງມູນ, ທີ່ປຶກສາຂອງສະໂມສອນດັ່ງກ່າວ.
ສຽງທ່ານ ພະດົມ
ເລື່ອງລ້ຽງໄກ່ດຳຕ້ອງໃຊ້ເວລາຫລາຍກວ່າລ້ຽງໄກ່ຊີ້ນ, ປະມານ 6-7 ເດືອນຈຶ່ງຂາຍອອກຕະຫລາດ. ເຖິງວ່າ ໄກ່ດຳບໍ່ຕ້ອງການນຳໃຊ້ອາຫານ ທີ່ປຸ້ງແຕ່ງແລ້ວ, ອາດຈະນຳໃຊ້ອາຫານທີ່ຍັງເຫລືອປະຈຳວັນ, ຕົ້ນກວ້ຍ, ຮຳເຂົ້າ. ສິ່ງດັ່ງກ່າວໄດ້ຊ່ວຍຫລຸດຜ່ອນເງິນລົງທຶນ. ຊາວກະສິກອນຕ້ອງການພຽງ 5000 -10.000 ບາດ ເທົ່ານັ້ນກໍສາມາດລ້ຽງໄກ່ໄດ້. ໄກ່ດຳໄດ້ຮັບຄວາມນິຍົມຈາກທ້ອງຕະຫລາດ ເພາະຜູ້ໃຊ້ສອຍຖືວ່າ ໄກ່ດຳມີຜົນດີຕໍ່ສຸຂະພາບ. ລາຄາໄກ່ດຳໂຕຫນຶ່ງແມ່ນສູງກວ່າລາຄາໄກ່ຊີ້ນ 3 ເທົ່າ. ນອກນັ້ນ ເພື່ອເພີ່ມລາຍຮັບໃຫ້ຊາວກະສິກອນ, ສະໂມສອນດັ່ງກ່າວ ຍັງມີແນວຄວາມຄິດສ້າງຜະລິດຕະພັນໃຫມ່ເພື່ອແນະນຳໃຫ້ນັກທ່ອງທ່ຽວ.
ບໍ່ພຽງແຕ່ສາມາດປຸ້ງແຕ່ງເປັນອາຫານຫລາຍເຍື່ອງທີ່ແຊບນົວເທົ່ານັ້ນ ໄກ່ດຳຍັງໄດ້ຮັບການປຸ້ງແຕ່ງເປັນບັນດາເຍື່ອງອາຫານແຫ້ງອີກດ້ວຍ ຊ່ວຍໃຫ້ນັກທ່ອງທ່ຽວສາມາດຊື້ເມືອບ້ານ ແລະ ເພື່ອສົ່ງອອກໄປຍັງປະເທດບ້ານໃກ້ຄຽງຈຳນວນຫນຶ່ງຄື: ລາວ, ມຽນມາອີກ
ຍ້ອນມີຄວາມມານະພະຍາຍາມດັ່ງກ່າວ, ດັ່ງນັ້ນໃນເວລາພຽງກວ່າ 1 ປີ ລາຍຮັບຂອງຊາວກະສິກອນຢູ່ທີ່ນີ້ເປັນປົກກະຕິພໍສົມຄວນ. ເຖິງວ່າລາຍຮັບຈາກການລ້ຽງໄກ່ດຳຍັງບໍ່ທັນເທົ່າທຽມກັບການປູກເຂົ້າ 3 ລະດູ/ປີ ກໍຕາມ ແຕ່ກໍບັນລຸໄດ້ປະມານ 70%, ຊ່ວຍໃຫ້ເຂົາເຈົ້າຜ່ານຜ່າໄພແຫ້ງແລ້ງທີ່ຮ້າຍແຮງ.