(vovworld)- ໂຮງຮຽນທຸລະກິດສາກົນ INSEAD ແມ່ນຫນຶ່ງໃນບັນດາໂຮງຮຽນບຳລຸງສ້າງລະດັບເຫນືອມະຫາວິທະຍາໄລຊັ້ນນຳຂອງໂລກ ຫາກໍປະກາດບັນຊີລາຍຊື່ຈັດອັນດັບບັນດາປະເທດ ໂດຍອີງໃສ່ດັດຊະນີແກ້ງແຍ້ງຜູ້ມີຄວາມເກັ່ງກ້າສາມາດສາກົນ. ໃນນັ້ນສິງກະໂປຖືກຈັດອັນດັບທີ 2 ໃນບັນຊີລາຍຊື່ດັ່ງກ່າວ. ດັດຊະນີແກ້ງແຍ້ງຜູ້ມີຄວາມເກັ່ງກ້າສາມາດໄດ້ຮັບການປະຕິບັດປະຈຳປີ ເພື່ອຕີລາຄາຄວາມສາມາດແກ້ງແຍ້ງຂອງປະເທດຫນຶ່ງໂດຍອີງໃສ່ຄຸນນະພາບແຫ່ຼງຊັບພະຍາກອນມະນຸດ ຊື່ງປະເທດນັ້ນສາມາດບຳລຸງສ້າງ, ດຶງດູດເຂົາເຈົ້າ. ເລື່ອງຖືກຈັດອັນດັບທີ 2 ໃນປີນີ້ ໄດ້ຢືນຢັນເຖິງນະໂຍບາຍແຫລ່ງຊັບພະຍາກອນມະນຸດທີ່ມີປະສິດທິຜົນຂອງສິງກະໂປໃນຫລາຍປີຜ່ານມາ.
ສິງກະໂປກໍດຶງດູດນັກສຶກສາຕ່າງປະເທດດີເດັ່ນ
photo:internet
|
ຕາມບັນຊີລາຍຊື່ຈັດອັນດັບກ່ຽວກັບດັດຊະນີແກ້ງແຍ້ງຜູ້ມີຄວາມເກັ່ງກ້າສາມາດສາກົນ ໂດຍໂຮງຮຽນທຸລະກິດໂລກ INSEAD ຫາກໍ່ປະກາດ: ມີສາມປະເທດນຳຫນ້ານັ້ນແມ່ນ ສະວິດ, ສິງກະໂປ ແລະ ດານມາກ. ບັນດາປະເທດ ເອີລົບ ກວມສ່ວນຫລາຍໃນຕາຕະລາງຈັດອັນດັບ ແລະ ມີພຽງ 2 ປະເທດບໍ່ຂຶ້ນກັບເອີລົບ ນັ້ນແມ່ນ ສິງກະໂປ ແລະ ອາເມລິກາ ນອນໃນ 10 ປະເທດນຳຫນ້າ. ສິງກະໂປໄດ້ຮັບການຕີລາຄາສູງ ຍ້ອນປະເທດນີ້ ມີຄວາມສະຖຽນລະພາບດ້ານການເມືອງ ແລະ ມີຫລາຍປັດໄຈສະດວກເພື່ອເປີດກວ້າງການດຳເນີນທຸລະກິດ. ສິງກະໂປກໍດຶງດູດນັກສຶກສາຕ່າງປະເທດດີເດັ່ນ, ຜູ້ມີຄວາມຊຳນານງານເປັນຢ່າງດີ ແລະ ໄດ້ຮັບການບຳລຸງສ້າງ…. ເປັນຈຳນວນຫລາຍ. ທ່ານ Bruno Landvin ຜູ້ອຳນວຍການບໍລິຫານ ຮັບຜິດຊອບບັນດາດັດຊະນີທົ່ວໂລກຂອງ INSEAD ໃຫ້ຮູ້ວ່າ: ສິງກະໂປແມ່ນປະເທດບໍ່ພຽງແຕ່ດຶງດຸດຜູ້ມີຄວາມເກັ່ງກ້າສາມາດຂອງໂລກຜ່ານການລົງທຶນຕ່າງປະເທດເທົ່ານັ້ນ ຫາກປະເທດນີ້ຍັງຢາກໃຫ້ເຂົາເຈົ້າມາເຮັດວຽກຢູ່ທີ່ນີ້ ເພື່ອປະກອບສ່ວນໃຫ້ແກ່ການພັດທະນາເສດຖະກິດ, ສ້າງບັນດາບໍລິສັດໃຫມ່, ວຽກເຮັດງານທຳໃຫມ່.
“ມີຫລາຍຄົນມາສິງກະໂປ ເພາະວຽກງານດຳເນີນທຸລະກິດງາ່ຍດາຍ ແລະ ຄຸນນະພາບການດຳລົງຊີວິດຢູ່ທີ່ນີ້ສູງ. ມີປັດໄຈຫນຶ່ງອີກ ນັ້ນແມ່ນກຳລັງຄວາມສາມາດຂອງບັນດາມະຫາວິທະຍາໄລຂອງທ້ອງຖິ່ນສາມາດສະຫນອງບັນດານັກວິສາວະກອນ ແລະ ນັກຄຸ້ມຄອງ ຊື່ງບັນດາບໍລິສັດຕ້ອງການ. ລະບົບນະໂຍບາຍຂອງ ສິງກະໂປ ກໍອະນຸຍາດ ແລະ ສົ່ງເສີມແຮງງານຕ່າງປະເທດອາໄສ ແລະ ເຮັດວຽກຢູ່ທີ່ນີ້.”
ຄຽງຄູ່ກັບການດຶງດູດແຫລ່ງຊັບພະຍາກອນມະນຸດຕ່າງປະເທດ, ບັນດາການປັບປຸງທີ່ກ່ຽວຂ້ອງເຖິງສະມັດຕະພາບແຮງງານຄື: ສ້າງສະພາບແວດລ້ອມທີ່ສະດວກ ເພີ່ມກຳລັງຄວາມສາມາດໃຫ້ຄົນງານສຳພັດກັບກາລະໂອກາດພັດທະນາ ແລະ ບຳລຸງທັກສະ ສິ່ງດັ່ງກ່າວໄດ້ຊ່ວຍໃຫ້ ສິງກະໂປ ຖືກຈັດອັນດັບສູງຄືດັ່ງກ່າວ. ເຖິງຢ່າງໃດກໍຕາມ, ບັນດາຜູ້ຊ່ຽວຊານຖືວ່າ ຍັງມີບາງຂົງເຂດທີ່ ສິງກະໂປ ຄວນສຸມໃສ່ຊຸກຍູ້. ທ່ານ Kwan Che Way, ຜູ້ອຳນວຍການສະຖາບັນຄົ້ນຄ້ວາແຫລ່ງຊັບພະຍາກອນມະນຸດ ສິງກະໂປ ໃຫ້ຮູ້ວ່າ: ຫນ່ຶງໃນບັນດາຂົງເຂດນັ້ນແມ່ນ ຊຸກຍູ້ການພັດທະນາການບຳລຸງວິຊາສະເພາະ ແລະ ເຕັກນິກ.
“ ສິງກະໂປ ຍັງຕ້ອງການບັນດາຜູ້ມີຄວາມເກັ່ງກ້າສາມາດ ແລະ ຄົນງານຕ່າງປະເທດ, ໃນຂະນະທີ່ຮັກສາພື້ນຖານເສດຖະກິດເປີດ. ຄຽງຄູ່ກັນນັ້ນ ຄວນສືບຕໍ່ຮັບປະກັນການດຸນດຽງລະຫວ່າງຄົນງານຕ່າງປະເທດ ແລະ ຄົນງານ ສິງກະໂປ, ເພື່ອໃຫ້ບັນດາຄົນງານສິງກະໂປ ເຫັນໄດ້ບົດບາດສຳຄັນຂອງຕົນໃນຕະຫລາດແຫລ່ງຊັບພະຍາກອນມະນຸດໂລກ. ຫລັງຈາກນັ້ນ ແມ່ນສົ່ງເສີມບັນດາການເຄື່ອນໄຫວປັບປຸງ, ປ່ຽນໃຫມ່ຜະລິດຕະພັນ. ສິງກະໂປ ໄດ້ສ້າງຕັ້ງບັນດາສູນຄົ້ນຄ້ວາ ແລະ ພັດທະນາສຳເລັດຜົນ ກໍຄືພັດທະນາການເຄື່ອນໄຫວນີ້ຜ່ານການດຶງດູດບັນດາຜູ້ມີຄວາມເກັ່ງກ້າສາມາດຂອງໂລກມາສິງກະໂປ.”
ດັດຊະນີແກ້ງແຍ້ງຜູ້ມີຄວາມເກ່ັງກ່າສາມາດໂລກໄດ້ຮັບການປະຕິບັດຢູ່ກວ່າ 103 ປະເທດ, ກວມກວ່າ 86% ຍອດຈຳນວນພົນລະເມືອງໂລກ. ສະນັ້ນ ເລື່ອງຖືກຈັດອັນດັບ 2 ໃນຕາຕະລາງບັນຊີລາຍຊື່ດັ່ງກ່າວ ແມ່ນການຮັບຮູ້ຜົນສຳເລັດກ່ຽວກັບການບຳລຸງສ້າງ, ດຶງດູດແຫລ່ງຊັບພະຍາກອນມະນຸດຂອງສິງກະໂປ. ປະຈຸບັນ, ແຮງງານຕ່າງປະເທດປະກອບ 41% GDP ຂອງສິງກະໂປ. ຫນຶ່ງໃນ3ຍຸດທະສາດພັດທະນາສັງຄົມທີ່ຫາກໍປະກາດກໍ່ໄດ້ຢື້ນຢັນໃຫ້ເຫັນວ່າ ລັດຖະບານ ສິງກະໂປ ມຸ່ງໄປເຖິງການຮັບປະກັນການເຕີບໂຕມີຄຸນນະພາບ, ອີງໃສ່ການປັບປຸງສະມັດຕະພາບຫາກບໍ່ພຽງແຕ່ເປີດກວ້າງກຳລັງແຮງງານ.