(vovworld)- ງານຕະຫລາດນັດການຄ້າ ອາຊຽນ - ຈີນ (CAEXPO) ແມ່ນຫນຶ່ງໃນຈຳນວນ10 ງານຕະຫລາດນັດວາງສະແດງຕົ້ນຕໍຂອງຈີນ ແລະ ກາຍເປັນຈຸດນັດພົບຂອງວິສາຫະກິດ ຈີນ ກໍຄືບັນດາວິສາຫະກິດ ອາຊຽນ ເທົ່ານັ້ນ ຫາກຍັງຂອງວິສາຫະກິດບັນດາປະເທດຄູ່ຮ່ວມມືນອກພາກພື້ນ ອີກດ້ວຍ. ຜ່ານງານຕະຫລາດນັດ CAEXPO ຄັ້ງຕ່າງໆ, ຍາມໃດ ຫວຽດນາມ ກໍນຳຫນ້າບັນດາປະເທດ ອາຊຽນ ກ່ຽວກັບຈຳນວນວິສາຫະກິດເຂົ້າຮ່ວມກໍຄືປະລິມານຜະລິດຕະພັນນຳມາວາງສະແດງ. ຢູ່ງານຕະຫລາດນັດ ບັນດາຜະລິດຕະພັນຂອງ ຫວຽດນາມ ໄດ້ດຶງດູດລູກຄ້າຈີນ ຫລາຍພໍສົມຄວນ.
ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ ທີ່ງານຕະຫລາດນັດ
|
ງານຕະຫລາດນັດການຄ້າ ອາຊຽນ - ຈີນ CAEXPO ໄດ້ຮັບການຈັດຕັ້ງຂຶ້ນເປັນຄັ້ງທຳອິດເມື່ອປີ 2004. ຜ່ານງານຕະຫລາດນັດ CAEXPO 9 ຄັ້ງ, ວົງເງິນການຄ້າສອງຝ່າຍ ອາຊຽນ - ຈີນ ໄດ້ເພີ່ມ ຈາກລະດັບ 54,76 ຕື້ USD ໃນປີ 2002 ຂຶ້ນເຖິງ 401 ຕື້ USD ໃນປີ 2012, ດ້ວຍລະດັບຈະເລີນເຕີບໂຕເພີ່ມຂຶ້ນສະເລ່ຍແຕ່ລະປີບັນລຸ 22%. ສຳລັບງານຕະຫລາດນັດ CAEXPO ຄັ້ງທີ 10- 2013, ທ່ານ ໝາຈີຊຽນ ຮອງຫົວຫນ້າພະແນກການຄ້າ ກວາງຊີ ໃຫ້ຮູ້ວ່າ: ຈີນ ໄດ້ຮຽກຮ້ອງບັນດາວິສາຫະກິດຂອງ 10 ປະເທດ ອາຊຽນ ເຂົ້າຮ່ວມເພື່ອແນໃສ່ແນະນຳຄວາມສາມາດບົ່ມຊ້ອນຂອງບັນດາປະເທດ ອາຊຽນໃຫ້ແກ່ຈີນ ແລະ ກົງກັນຂ້າມ ຈີນ ແນະນຳຄວາມສາມາດບົ່ມຊ້ອນໃຫ້ແກ່ບັນດາປະເທດ ອາຊຽນ. ເພື່ອຈັດຕັ້ງງານຕະຫລາດນັດ CAEXPO 10 ສຳເລັດຜົນ, ອຳນາດການປົກຄອງບັນດາແຂວງ ກວາງຊີ ຊື່ງແມ່ນແຫ່ງເປັນເຈົ້າພາບຈັດຕັ້ງເຫດການໄດ້ມີການກະກຽມຢ່າງລອບຄອບຖີ່ຖ້ວນ ດ້ວຍຫລາຍໂຄງການ.
“ນອກຈາກ ງານຕະຫລາດນັດ CAEXPO 10 ຍັງຈັດຕັ້ງກອງປະຊຸມ, ການສຳມະນາຄັ້ງຕ່າງໆກ່ຽວກັບຄົມມະນາຄົມ ແລະ ການລົງທຶນ ແລະອື່ນໆ ດ້ວຍທິດນຳແມ່ນພ້ອມກັນເຊື່ອມຈອດ, ຮ່ວມມືຕ່າງຝ່າຍຕ່າງມີຜົນປະໂຫຍດ. ສະນັ້ນ ພວກຂ້າພະເຈົ້າເອົາໃຈໃສ່ເຖິງການຄັດເລືອກບັນດາວິສາຫະກິດເຂົ້າຮ່ວມງານຕະຫລາດນັດ, ຍົກສູງຄຸນນະພາບວິສາຫະກິດເພື່ອນຳມາເຊິ່ງກາລະໂອກາດຫລາຍຢ່າງກວ່າ.”
ຕາມທ່ານ ສູຍຂາຍຊາງ, ທູດເສດຖະກິດການຄ້າ, ສັງກັດສະຖານທູດຈີນ ປະຈຳຫວຽດນາມແລ້ວ, ນັບແຕ່ປີ 2004, ເມື່ອຈີນ ຈັດຕັ້ງງານຕະຫລາດ CAEXPO ຄັ້ງທຳອິດ ແລະ ເວທີປາໄສເສດຖະກິດ ອາຊຽນ - ຈີນ. ມາຮອດປະຈຸບັນ, ລັດຖະບານ ຫວຽດນາມ ຖືເປັນສຳຄັນ ແລະ ຈັດໃຫ້ວິສາຫະກິດຫລາຍແຫ່ງເຂົ້າຮ່ວມ. ການນຳຫວຽດນາມ ຫລາຍທ່ານ ໄດ້ໄປຢ້ຽມຢາມງານຕະຫລາດນັດ. ນັບແຕ່ງານຕະຫລາດນັດ CAEXPO ຄັ້ງທີ 3 ມາຮອດປະຈຸບັນ, ຄະນະຜູ້ແທນຫວຽດນາມ ລ້ວນແຕ່ນຳຫນ້າກ່ຽວກັບຈຳນວນວິສາຫະກິດ ແລະ ຜະລິດຕະພັນເຂົ້າຮ່ວມງານຕະຫລາດນັດ. CAEXPO ໄດ້ສ້າງກາລະໂອກາດໃຫ້ບັນດາວິສາຫະກິດແນະນຳຜະລິດຕະພັນຂອງຕົນ. ພິເສດ ປະຊາຊົນຈີນ ສາມາດຊື້ສິນຄ້າຂອງຫວຽດນາມ ດ້ວຍລາຄາເໝາະສົມ. ທ່ານ ສູຍຂາຍຊຸາງ ເວົ້າວ່າ:
“ການພົວພັນຮ່ວມມືດ້ານເສດຖະກິດການຄ້າກັບ ຫວຽດນາມ ມີຄວາມສຳຄັນໃນການຮ່ວມມືດ້ານເສດຖະກິດລະຫວ່າງ ຈີນ ແລະ ອາຊຽນ. ຫວຽດນາມ ແມ່ນສະມາຊິກສຳຄັນຂອງ ອາຊຽນ. ພວກຂ້າພະເຈົ້າປາດຖະຫນາຢາກຮ່ວມມືກັບບັນດາປະເທດ ອາຊຽນ ເວົ້າລວມ ແລະ ຫວຽດນາມ ເວົ້າສະເພາະ.”
ທີ່ງານຕະຫລາດນັດ CAEXPO ຄັ້ງຕ່າງໆ, ວິສາຫະກິດຫວຽດນາມ ລ້ວນແຕ່ນຳບັນດາຜະລິດຕະພັນທີ່ເປັນເອກະລັກສະເພາະຂອງຕົນມາວາງສະແດງຄື: ເຄື່ອງເຟີນີເຈີ, ຢາງພາລາ, ເຄື່ອງສິລະປະຫັດຖະກຳ, ອາຫານ, ຜະລິດຕະພັນກະເສດ, ເຄື່ອງໃຊ້ໃນຄອບຄົວ. ທ່ານນາງ ດາວຫວຽດຮວາ, ຮອງຫົວຫນ້າກົງສູນ ຮັບຜິດຊອບດ້ານການຄ້າ, ສັງກັດສະຖານກົງສູນໃຫຍ່ຫວຽດນາມ ປະຈຳ ຫນານຫນີງ ໃຫ້ຮູ້ວ່າ: ກ່ອນນີ້ ສິນຄ້າຫວຽດນາມ ໄດ້ນຳໄປຂາຍຢູ່ບາງແຂວງຊາຍແດນ ຈີນ - ຫວຽດນາມ ແລະ ບາງແຂວງພາກໃຕ້ຂອງຈີນ, ແຕ່ມາຮອດປະຈຸບັນ, ສິນຄ້າຂອງຫວຽດນາມ ໄດ້ນຳໄປຂາຍຢູ່ຫລາຍແຂວງ, ທ້ອງຖິ່ນຂອງຈີນແລ້ວ. ສິ່ງສຳຄັນແມ່ນສິນຄ້າຂອງຫວຽດນາມ ເລີ່ມສ້າງອິດທິພົນຊື່ສຽງຢູ່ຕະຫລາດຈີນ. ພວກຂ້າພະເຈົ້າມີຄວາມເອກອ້າງທະນົງໃຈ, ພາຍຫລັງໄລຍະຫນຶ່ງທີ່ໂຄສະນາສິນຄ້າຫວຽດນາມ ຢູ່ງານຕະຫລາດນັດ, ມີຜູ້ອຸປະໂພກບໍລິໂພກຈີນຫລາຍຄົນກໍນິຍົມສິນຄ້າຂອງຫວຽດນາມ.
“ ສິນຄ້າສົ່ງອອກຕົ້ນຕໍຂອງຫວຽດນາມ ໄປຍັງ ຈີນ ແມ່ນຜະລິດຕະພັນກະເສດ, ເຂົ້າໜົມຖືກປຸງແຕ່ງຈາກໝາກໄມ້ເຂດຮ້ອນ. ນອກນັ້ນ ມີຜະລິດຕະພັນຫລາຍປະເພດຂອງຫວຽດນາມ ຄື ກາເຟ, ເກີບ … ກໍ່ໄດ້ຮັບຄວາມນິຍົມຈາກປະຊາຊົນຈີນອີກ.”
ປີ 2012, ຕາມບົດລາຍງານຂອງບັນດາວິສາຫະກິດຫວຽດນາມ ທີ່ເຂົ້າຮ່ວມງານຕະຫລາດນັດ, ຄຸນນະພາບ ແລະ ຈຳນວນການພົວພັນທຸລະກຳລ້ວນແຕ່ເພີ່ມຂຶ້ນ, ຍອດມູນຄ້າພົວພັນທຸລະກຳ ແລະ ເຊັນສັນຍາການຄ້າຮ່ວມມືລົງທຶນຢູ່ງານຕະຫລາດນັດບັນລຸກວ່າ 90 ລ້ານ USD.
ບັນດາການປະກອບສ່ວນຢ່າງຕັ້ງຫນ້າຂອງຫວຽດນາມ ທີ່ງານຕະຫລາດນັດ CAEXPO ບໍ່ພຽງແຕ່ຊຸກຍູ້ປະສິດທິຜົນການພົວພັນດ້ານການຄ້າສອງຝ່າຍຫວຽດນາມ ຈີນເທົ່ານັ້ນ ຫາກຍັງປະກອບສ່ວນຊຸກຍູ້ການຮ່ວມືເສດຖະກິດລະຫວ່າງ ອາຊຽນ -ຈີນ ໃຫ້ນັບມື້ນັບພັດທະນາອີກດ້ວຍ.