ນະຄອນໂຮ່ຈີມິນຈັດຕັ້ງພິທີຖະຫວາຍເຂົ້າຕົ້ມແຕັດບູຊາເຈົ້າຊີວິດຮຸ່ງ
(ນະຄອນ ໂຮ່ຈີມິນ ຈັດຕັ້ງ ພິທີຖະຫວາຍເຂົ້າ
ຕົ້ມແຕັດບູຊາເຈົ້າຊີວິດຮຸ່ງຢູ່ວິຫານເທື້ອງ)
(vovworld) - ເນື່ອງໃນໂອກາດບຸນເຕັດປີວອກ, ຄະນະພັກນະຄອນ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມປະເທດຊາດ ຫວຽດນາມ ນະຄອນ ໂຮ່ຈີມິນ ຈັດຕັ້ງ ພິທີຖະຫວາຍເຂົ້າຕົ້ມແຕັດບູຊາເຈົ້າຊີວິດຮຸ່ງຢູ່ວິຫານເທື້ອງ, ໃນເຂດອະນຸສອນສະຖານບັນດາເຈົ້າຊີວິດ ຮຸ່ງ ທີ່ຂຶ້ນກັບສວນສາທາລະນະປະຫວັດສາດ ວັດທະນະທຳຊົນເຜົ່າ, ເມືອງ 9, ນະຄອນ ໂຮ່ຈີມິນ. ພິທີດຳເນີນດ້ວຍບັນດາພິທີການທີ່ເປັນມູນເຊື້ອ, ເຂັ້ມຄົ້ນໄປດ້ວຍສີສັນຊາດ. ກົງກັບໂອກາດຕ້ອນຮັບບຸນເຕັດ, ນີ້ເປັນການສະແດງໃຫ້ເຫັນຈິດໃຈປະຊາຄົມ, ເຊີດຊູບັນດາຄຸນຄ່າວັດທະນະທຳທີ່ມີມາຫຼາຍລຸ້ນຄົນ, ຢືນຢັນເຖິງຄຸນງາມຄວາມດີອັນໃຫຍ່ຫຼວງຂອງບັນດາເຈົ້າຊີວິດ ຮຸ່ງໃນການສ້າງສາປະເທດຊາດ, ຜ່ານນັ້ນປະກອບສ່ວນສຶກສາມູນເຊື້ອຮັກຊາດ ແລະ ປຸກລຸກນຳ້ໃຈມະຫາສາມັກຄີທົ່ວປວງຊົນທັງຊາດໃຫ້ລຸ້ນໜຸ່ມ ແລະ ປະຊາຊົນນະຄອນ ໂຮ່ຈີມິນ.