ມີຜູ້ຟັງລາວ ໄດ້ໂທລະສັບ ແລະ ສົ່ງຂໍ້ຄວາມຜ່ານທາງ facebook ເຖິງລາຍການ ອວຍພອນວັນສ້າງຕັ້ງກອງທັບປະຊາຊົນຫວຽດນາມ (22 ທັນວາ). ໃນນັ້ນ, ເພື່ອນ ເພັດມະລີ, ໄດ້ແບ່ງປັນວ່າ: ເນື່ອງໃນໂອກາດວັນສ້າງຕັ້ງກອງທັບປະຊາຊົນຫວຽດນາມ, ຂ້າພະເຈົ້າຂໍອວຍພອນໃຫ້ບັນດາພະນັກງານ, ນັກຮົບ ປະຕິບັດສຳເລັດໜ້າທີ່ເຊິ່ງພັກ, ລັດຫວຽດນາມ ມອບໝາຍໃຫ້ເປັນຢ່າງດີ ແລະ ຍາດໄດ້ໄຊຊະນະຫຼາຍຢ່າງໃນພາລະກິດປົກປັກຮັກສາ ແລະ ສ້າງສາປະເທດຊາດ.

ເພື່ອນ ມາລີ ວົງສາ,  ອະດີດນັກສຶກສາລາວ ທີ່ເຄີຍຮ່ຳຮຽນຢູ່ສະຖາບັນການຕ່າງປະເທດ, ຮ່າໂນ້ຍ ໄດ້ໂທລະສັບມາລາຍການໂດຍແບ່ງປັນວ່າ: ຂ້າພະເຈົ້າໄດ້ຮຽນຈົບຈາກສະຖາບັນການຕ່າງປະເທດເປັນເວລາ 6 ປີແລ້ວ. ເຊິ່ງແມ່ນອະດີດນັກສຶກສາຂອງສະຖາບັນ, ສະນັ້ນ ຂ້າພະເຈົ້າສົນໃຈທີ່ສຸດເຖິງບັນດາການເຄື່ອນໄຫວຂອງສະຖາບັນ. ຂ້າພະເຈົ້າໄດ້ຮັບຂ່າວວ່າ, ໃນອະທິດຜ່ານມາ, ສະຖາບັນໄດ້ຈັດການໂອ້ລົມສົນທະນາກ່ຽວກັບການພົວພັນທາງການທູດລະຫວ່າງ 2 ປະເທດ. ຜ່ານລາຍການ, ຂ້າພະເຈົ້າຢາກຊອກຮູ້ເນື້ອໃນຕົ້ນຕໍຂອງການໂອ້ລົມສົນທະນາດັ່ງກ່າວ.

        ເພື່ອນ ມາລີ ວົງສາ ທີ່ຮັກແພງ, ວັນທີ 07 ທັນວາ ຜ່ານມາ, ຢູ່ສະຖາບັນການຕ່າງປະເທດ ໄດ້ດຳເນີນການໂອ້ລົມສົນທະນາດ້ວຍຫົວຂໍ້ວ່າ “70 ປີແຫ່ງການພົວພັນຕ່າງປະເທດລາວ ແລະ 55 ປີແຫ່ງການພົວພັນທາງການທູດລາວ - ຫວຽດນາມ”. ການໂອ້ລົມສົນທະນາຖືກດຳເນີນໃນຂອບເຂດການປຶກສາຫາລືດ້ານການເມືອງປະຈຳປີຂັ້ນລັດຖະມົນຕີການຕ່າງປະເທດຫວຽດນາມ - ລາວ ຄັ້ງທີ 4. ທີ່ການໂອ້ລົມສົນທະນາ, ທ່ານລັດຖະມົນຕີການຕ່າງປະເທດລາວ ສະເຫຼີມໄຊ ກົມມະສິດ ໄດ້ແບ່ງປັນກ່ຽວກັບພື້ນຖານການພົວພັນກັບຕ່າງປະເທດຂອງລາວ ແລະ ສາຍພົວພັນອັນສະໜິດແໜ້ນລະຫວ່າງຫວຽດນາມ - ລາວ ແລະ ຢືນຢັນວ່າ, ການພົວພັນແບບພິເສດລະຫວ່າງຫວຽດນາມ - ລາວ ຄວນໄດ້ຮັບການຍົກສູງຂຶ້ນສູ່ລະດັບສູງໃໝ່, ໃນນັ້ນ, ໄວໜຸ່ມສວມບົດບາດສຳຄັນ. ທີ່ການໂອ້ລົມສົນທະນາ, ມີນັກສຶກສາໜຸ່ມຫຼາຍຄົນເຂົ້າຮ່ວມ ແລະ ຍົກອອກຫຼາຍຄຳຖາມກ່ຽວກັບການພົວພັນລະຫວ່າງ 2 ປະເທດ, ສິ່ງດັ່ງກ່າວສະແດງໃຫ້ເຫັນຄວາມສົນໃຈຂອງໄວໜຸ່ມກ່ຽວກັບການພົວພັນລະຫວ່າງ 2 ປະເທດ. ຍ້ອນເຫດນັ້ນ, ທ່ານລັດຖະມົນຕີ ສະເຫຼີມໄຊ ກົມມະສິດ ຫວັງວ່າ, ລຸ່ນໜຸ່ມຂອງ 2 ປະເທດ ຈະສືບຕໍ່ຮັກສາ ແລະ ເພີ່ມທະວີການພັດທະນາ, ຮັດແໜ້ນການພົວພັນຫວຽດນາມ - ລາວ. ກໍ່ທີ່ການໂອ້ລົມສົນທະນາ, ຫົວໜ້າສະຖາບັນພົວພັນຕ່າງປະເທດ ຫງວຽນຫວູຕຸ່ງ ໃຫ້ຮູ້ວ່າ, ບັນດາຄຳແບ່ງປັນຂອງທ່ານລັດຖະມົນຕີລາວ ໄດ້ຊ່ວຍໃຫ້ພະນັກງານໜຸ່ມ ແລະ ບັນດານັກສຶກສາຂອງສະຖາບັນພົວພັນຕ່າງປະເທດ ມີຄວາມເຂົ້າໃຈທີ່ມີຄວາມໝາຍຕື່ມອີກກ່ຽວກັບການພົວພັນຫວຽດນາມ - ລາວ, ກ່ຽວກັບບັນດາຄຸນຄ່າອັນສູງສົ່ງຂອງສາຍພົວພັນສາມັກຄີແບບພິເສດລະຫວ່າງ 2 ຊາດ. ທ່ານ ຫງວຽນຫວູຕຸ່ງ ເຊື່ອໝັ້ນວ່າ, ຜ່ານການໂອ້ລົມສົນທະນາ, ບັນດາພະນັກງານໜຸ່ມ, ບັນດານັກສຶກສາຂອງສະຖາບັນພົວພັນກັບຕ່າງປະເທດ ຈະສືບຕໍ່ຊອກຮູ້, ຄົ້ນຄວ້າ ເພື່ອມີຄວາມເຂົ້າໃຈຢ່າງເລິກເຊິ່ງກ່ຽວກັບປະເທດລາວ ແລະ ການພົວພັນຫວຽດນາມ - ລາວ ຕື່ມອີກ, ຈາກນັ້ນມີບັນດາການປະກອບສ່ວນຢ່າງແທດຈິງໃຫ້ແກ່ການພົວພັນລະຫວ່າງ 2 ປະເທດ ແລະ 2 ຊາດ.

        ເພື່ອນ ດາລາວັນ ສີຫາລາດ ຢູ່ແຂວງ ຫົວພັນ, ໄດ້ສົ່ງຂໍ້ຄວາມຜ່ານທາງ Facebook ໂດຍໃຫ້ຮູ້ວ່າ: ໃນເດືອນ ກັນຍາ ຜ່ານມາ ຢູ່ດ່ານັ້ງ, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ແລະ ຄະນະກຳມະການຕິດຕໍ່ພົບພັນກັບຊາວລາວ ຢູ່ຕ່າງແດນ, ໄດ້ມີການແລກປ່ຽນບົດຮຽນໃນວຽກງານຊາວຕ່າງດາວປີ 2018. ແລະ ໃນເດືອນທັນວາ ນີ້, 2 ຝ່າຍສືບຕໍ່ເຮັດວຽກກ່ຽວກັບວຽກງານຊາວລາວ ຢູ່ຕ່າງແດນ ປີ 2018. ຜ່ານລາຍການ, ຂ້າພະເຈົ້າຢາກຮູ້ວ່າການແລກປ່ຽນຄັ້ງທີ 2 ນີ້ໄດ້ແລກປ່ຽນກ່ຽວກັບບັນຫາໃດແດ່?

        ເພື່ອນ ດາລາວັນ ສີຫາລາດ ທີ່ຮັກແພງ, ຕອນເຊົ້າວັນທີ 06 ທັນວາ, ຢູ່ສຳນັກງານຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ທ່ານ ໂງທິ້ງຮ່າ, ຫົວໜ້າກົມຄົ້ນຄວ້າສັງລວມ ພ້ອມກັບຜູ້ຕາງໜ້າບັນດາຫົວໜ່ວຍທີ່ກ່ຽວຂ້ອງຂອງຄະນະກຳມະການໄດ້ມີການຕ້ອນຮັບ, ແລກປ່ຽນກັບທ່ານ ສຸວັນນາ ພູດຍາວົງ, ຫົວໜ້າກົມພົວພັນຕິດຕໍ່ກັບຊາວລາວຕ່າງດາວແດນ ກ່ຽວກັບການສ້າງແຜນການຮ່ວມມື, ແລກປ່ຽນກ່ຽວກັບຊາວລາວ ຢູ່ຕ່າງແດນປີ 2018. ທີ່ການເຮັດວຽກ, 2 ຄະນະກຳມະການ ສືບຕໍ່ແລກປ່ຽນ, ສ້າງບັນດາແຜນການຢ່າງລະອຽດກ່ຽວກັບລາຍການຮ່ວມມື, ແລກປ່ຽນວຽກງານ ຊາວລາວ ຢູ່ຕ່າງແດນປີ 2018 ຄື ການສ້າງແຜນການແລກປ່ຽນຄະນະປະຕິບັດງານລະຫວ່າງ 2 ຄະນະກຳມະການ, ຈັດຕັ້ງບັນດາການແລກປ່ຽນ, ບຳລຸງສ້າງວິຊາສະເພາະໃຫ້ແກ່ພະນັກງານ 2 ຝ່າຍ… ທ່ານ ໂງທິ້ງຮ່າ ໄດ້ຕາງໜ້າການນຳຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ເຊີນຜູ້ຕາງໜ້າຄະນະກຳມະການຕິດພົວພັນກັບ ຊາວລາວ ຢູ່ຕ່າງແດນ ເຂົ້າຮ່ວມລາຍການ “ລະດູບານໃໝ່ແຫ່ງບ້ານເກີດເມືອງນອນ” ໂດຍຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດຈະຈັດຕັ້ງໃນໄລຍະຈະມາເຖິງ.

        ສ່ວນທ່ານ ສູວັນນາ ພູຍາວົງ, ເຊື່ອໝັ້ນວ່າ, ບັນດາເນື້ອໃນແລກປ່ຽນຮ່ວມມືລະຫວ່າງ 2 ຝ່າຍໃນປີ 2018 ຈະບັນລຸບັນດາຜົນງານຢ່າງດີງາມ ແລະ ຈະລາຍງານຕໍ່ການນຳ ຄະນະກຳມະການພົວພັນກັບຊາວລາວ ຢູ່ຕ່າງແດນຈັດສົ່ງຜູ້ຕາງໜ້າເຂົ້າຮ່ວມລາຍການ ລະດູບານໃໝ່ແຫ່ງບ້ານເກີດເມືອງນອນ.

ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນຂອງທ່ານຜູ້ຟັງທີ່ຝາກມາລາຍການໃນອາທິດຜ່ານມາ, ຫວັງວ່າ ທ່ານຜູ້ຟັງຈະສືບຕໍ່ຝາກຈົດໝາຍ, ອີແມວ ຫຼື ໂທລະສັບມາຫາລາຍການ ເພື່ອປະກອບຄຳເຫັນຊ່ວຍລາຍການຂອງພວກເຮົາໃຫ້ນັບມື້ນັບດີກວ່າເກົ່າ.