ໃນອາທິດຜ່ານມາ, ພະແນກກະຈາຍສຽງບັນດາລາຍການພາກພາສາຕ່າງປະເທດ, ວິທະຍຸກະຈາຍສຽງຫວຽດນາມ ໄດ້ຮັບຈົດໝາຍ, ອີແມວ 440 ສະບັບ ແລະ ໂທລະສັບຫຼາຍສາຍ ຈາກທ່ານຜູ້ຟັງທີ່ມາຈາກ 35 ປະເທດ ແລະ ເຂດແຄ້ວນ.

+ ໃນອາທິດຜ່ານມາ, ລາຍການກະຈາຍສຽງພາກພາສາລາວ, VOV ສືບຕໍ່ໄດ້ຮັບອີແມວ, ຂໍ້ຄວາມຜ່ານທາງ Facebook ມາຫາລາຍການສະແດງຄຳອວຍພອນວັນສ້າງຕັ້ງ VOV ຄົບຮອບ 75 ປີ (07 ກັນຍາ 1945 – 07 ກັນຍາ 2020). ໃນນັ້ນ, ເພື່ອນ ຄຳເພັດ, ພວມດຳລົງຊີວິດຢູ່ແຂວງ ຊຽງຂວາງ ໄດ້ແບ່ງປັນວ່າ: “ຂ້າພະເຈົ້າມີຄວາມປິຕິຊົມຊື່ນ ແລະ ຂໍອວຍພອນໃຫ້ VOV ທີ່ມີອາຍຸຄົບຮອບ 75 ປີ. ອາດເວົ້າໄດ້ວ່າ, VOV ແມ່ນຂົວເຊື່ອມຕໍ່ສົ່ງບັນດາຄຸນຄ່າທາງດ້ານຈິດໃຈ, ວັດທະນະທຳຂອງຊາວຫວຽດນາມ ອອກສູ່ໂລກ ແລະ ເພື່ອນມິດສາກົນກັບຫວຽດນາມ. ຂ້າພະເຈົ້າໄດ້ຕິດຕາມຂ່າວທາງ VOV ເປັນປະຈຳ, ຍ້ອນນີ້ແມ່ນອົງການສື່ມວນຊົນທີ່ອອກຂ່າວກ່ຽວກັບບັນດາບັນຫາດ້ານການເມືອງ, ເສດຖະກິດ, ສັງຄົມ, ການຕ່າງປະເທດຢ່າງຮອບດ້ານ, ຊັດເຈນ ແລະ ທັນການ, ເປັນການຢັ້ງຢືນບົດບາດຂອງອົງການສື່ມວນຊົນແຖວໜ້າຂອງປະເທດຊາດ”.

ເນື່ອງໃນໂອກາດນີ້, ບັນດາເພື່ອນຜູ້ຟັງອື່ນກໍ່ໄດ້ແບ່ງປັນຄວາມມັກຮັກທີ່ສະຫງວນໃຫ້ແກ່ VOV5. ໃນນັ້ນ, ເພື່ອນ Shivendu Paul, ດຳລົງຊີວິດຢູ່ອິນເດຍ ໄດ້ສົ່ງອີແມວ ມາຫາລາຍການໂດຍໃຫ້ຮູ້ວ່າ: ສະພາບໂລກລະບາດໂຄວິດ-19 ມີການຜັນແປຢ່າງສັບສົນຢູ່ຫຼາຍປະເທດ, ໃນນັ້ນວິທະຍຸຂອງຫຼາຍປະເທດໄດ້ຫຼຸດຜ່ອນເວລາອອກອາກາດ ຫຼື ຢຸດຕິການອອກອາກາດລາຍການພາກພາສາຕ່າງປະເທດໃນໄລຍະຊົ່ວຄາວ, ແຕ່ VOV5 ຍັງໄດ້ກະຈາຍສຽງຄົບທັງ 13 ພາສາ. ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນສ້າງຕັ້ງ VOV, ເພື່ອນປາດຖະໜາວ່າ VOV ຈະສືບຕໍ່ປ່ຽນແປງໃໝ່ເພື່ອບັນລຸຜົນສຳເລັດຫຼາຍກວ່າອີກ ແລະ ຍາມໃດກໍ່ເປັນເພື່ອນຜູ້ໜຶ່ງທີ່ໃກ້ຊິດສະໜິດສະໜົມ ແລະ ມີຄວາມໄວ້ເນື້ອເຊື່ອໃຈຂອງປະຊາຄົມສາກົນ.

ມີທ່ານຜູ້ຟັງລາວບາງທ່ານໄດ້ສົ່ງຂໍ້ຄວາມຜ່ານທາງ Facebook ມາຫາລາຍການໂດຍຢາກຊອກຮູ້ກ່ຽວກັບບົດບາດ ແລະ ການປະກອບສ່ວນຂອງຫວຽດນາມ ໃນການຈັດຕັ້ງ AIPA 41 ກວ່າອີກ.

ໃນປີດຳລົງຕຳແໜ່ງປະທານກອງປະຊຸມສະມັດຊາໃຫຍ່ ລັດຖະສະພາລະຫວ່າງຊາດອາຊຽນ ຄັ້ງທີ 41 (AIPA 41) ຂອງຫວຽດນາມ, ໜ້າທີ່ສຳຄັນຂອງສະພາແຫ່ງຊາດປະເທດເຈົ້າພາບຫວຽດນາມ ແມ່ນຈັດຕັ້ງກອງປະຊຸມສະມັດຊາໃຫຍ່ AIPA 41 ໃຫ້ປະສົບຜົນສຳເລັດ. ນີ້ແມ່ນຈຸດພົ້ນເດັ່ນໃນວຽກງານການຕ່າງປະເທດຂອງສະພາແຫ່ງຊາດຫວຽດນາມ ໃນອາຍຸການຊຸດທີ 14, ປະກອບສ່ວນພົ້ນເດັ່ນເຂົ້າໃນຜົນງານການຕ່າງປະເທດຂອງລັດ ແລະ ການທູດລັດຖະສະພາຂອງຫວຽດນາມ. ຫົວຂໍ້ຕົ້ນຕໍຂອງກອງປະຊຸມສະມັດຊາໃຫຍ່ປີນີ້ແມ່ນ “ການທູດລັດຖະສະພາເພື່ອປະຊາຄົມອາຊຽນ ສະໜິດຕິດພັນ ແລະ ເປັນເຈົ້າການຮັບມື”. ເນື່ອງໃນໂອກາດນີ້, ທ່ານເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງສປປ.ລາວ ປະຈຳຫວຽດນາມ ແສງເພັດ ຮຸ່ງບຸນຍວງ ໄດ້ຕອບສຳພາດຕໍ່ນັກຂ່າວກ່ຽວກັບບົດບາດ ແລະ ການປະກອບສ່ວນຂອງຫວຽດນາມ ໃນການຈັດຕັ້ງ AIPA 41.

+ ນັກຂ່າວ: ຂໍຂອບໃຈທ່ານ ແສງເພັດ ຮຸ່ງບຸນຍວງ, ເອກອັກຄະທູດສປປ.ລາວ ປະຈຳຫວຽດນາມ ແສງເພດ ຮຸ່ງບຸນຍວງ ທີ່ໄດ້ສະຫຼະເວລາຕອບສຳພາດຕໍ່ນັກຂ່າວ. ຂໍຮຽນທ່ານ, ທ່ານຕີລາຄາຄືແນວໃດຕໍ່ບົດບາດຂອງ AIPA ໃນການຊຸກຍູ້ການຮ່ວມມືລະຫວ່າງບັນດາລັດຖະສະພາ ກໍ່ຄືລະຫວ່າງບັນດາປະເທດຢູ່ພາກພື້ນໃນຂົງເຂດນີ້?

(ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ)

+ ນັກຂ່າວ: ທ່ານເອກອັກຄະທູດຕີລາຄາຄືແນວໃດຕໍ່ບົດບາດ ແລະ ການປະກອບສ່ວນຂອງສະພາແຫ່ງຊາດຫວຽດນາມຕໍ່ AIPA ?

(ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ)

ຂໍຂອບໃຈທ່ານເອກອັກຄະທູດ.