ຂໍຄັດສະເໜີເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ
Minh Duc -
(vovworld) - ໃນອາທິດຜ່ານມາ, ລະບົບກະຈາຍສຽງພາກພາສາຕ່າງປະເທດແຫ່ງຊາດ, ວິທະຍຸກະຈາຍສຽງຫວຽດນາມ ໄດ້ຮັບຈົດໝາຍ, ອີແມວ ໂທລະສັບ 181 ສະບັບຈາກຜູ້ຝັງຢູ່ຫຼາຍປະເທດໃນໂລກ. ໃນນັ້ນລາຍການກະຈາຍສຽງພາກພາສາລາວ ໄດ້ຮັບອີແມວ, ໂທລະສັບ 4 ສະບັບຈາກທ່ານຜູ້ຟັງລາວ. ໃນລາຍການໂອ້ລົມກັບເພື່ອນລາວ ມື້ນີ້, ພວກເຮົາຂໍຄັດສະເໜີເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ.
ໃນອາທິດຜ່ານມາ, ມີຜູ້ຟັງລາວ ບາງທ່ານໄດ້ໂທລະສັບ, ສົ່ງອີແມວ ແລະ ຂໍ້ຄວາມເຖິງລາຍການ ອວຍພວນຜົນສຳເລັດຂອງກອງປະຊຸມສະໄໝສາມັນຄັ້ງປະຖົມມະເລີກ, ສະພາແຫ່ງຊາດຫວຽດນາມ ຊຸດທີ 14, ດ້ວຍການເລືອກຕັ້ງ ແລະ ໃຫ້ສັດຕະຍາບັນ ບັນດາການນຳຂັ້ນສູງ, ກໍ່ຄືຍົກອອກບັນດາມາດຕະການປະຕິບັດແຜນການພັດທະນາເສດຖະກິດສັງຄົມ ແລະ ງົບປະມານແຫ່ງລັດໃນ 6 ເດືອນທ້າຍປີ 2016. ພ້ອມທັງສະແດງຄວາມເຊື່ອໝັ້ນວ່າ, ນີ້ຈະແມ່ນກອງປະຊຸມເລີ່ມຕົ້ນອາຍຸການຂອງສະພາແຫ່ງຊາດຊຸດທີ 14 ດ້ວຍຄວາມສະດວກ, ການປ່ຽນໃໝ່ ແລະ ການກະທຳ.
ເພື່ອນວຽງຄຳ, ແຂວງຊຽງຂວາງ ໄດ້ສົ່ງຂໍ້ຄວາມເຖິງລາຍການໂດຍໃຫ້ຮູ້ວ່າ: ຂ້າພະເຈົ້າໄດ້ຮັບຂ່າວວ່າ, ໃນເດືອນ 07 ຜ່ານມາ, ພະຍຸເລກ 1 ໄດ້ພັດເຂົ້າບັນດາແຂວງທາງພາກເໜືອຂອງຫວຽດນາມ ກໍ່ຄວາມເສຍຫາຍນັກໜ່ວງທາງດ້ານມະນຸດ ແລະ ສັບສິນຢູ່ທ້ອງຖິ່ນຕ່າງ. ຂ້າພະເຈົ້າຂໍແບ່ງເບົ່າຄວາມເສົ້າສະຫຼົດໃຈຕໍ່ຄວາມເສຍຫາຍດັ່ງກ່າວເຖິງບັນດາຄອບຄົວປະສົບເຄາະຮ້າຍຈາກພະຍຸລູກນີ້.
ເພື່ອນ ວຽງຄຳ ທີ່ຮັກແພງ, ໃນຄ່ຳຄືນວັນທີ 27 - ຮຸ່ງເຊົ້າວັນທີ 28/07, ພະຍຸດເລກ 1 ໄດ້ພັດເຂົ້າບັນດາແຂວງທາງພາກເໜືອ ກໍ່ຄວາມເສຍຫາຍຢ່າງໜັກໜ່ວງ. ໃນນັ້ນແຂວງ ນາມດິ້ງ, ຮ່າໂນ້ຍ, ທ້າຍບິ່ງ ແມ່ນແຂວງຖືກເສຍຫາຍຫຼາຍທີ່ສຸດຍ້ອນພະຍຸລູກນີ້. ໂດຍຕາງໜ້າໃຫ້ປະຊາຊົນບັນດາແຂວງປະສົບຜົນເສຍຫາຍຈາກພະຍຸເລກ 1 ນີ້, ພວກຂ້າພະເຈົ້າຂໍຂອບໃຈເພື່ອນ ວຽງຄຳ ທີ່ໄດ້ເອົາໃຈໃສ່ ແລະ ແບ່ງເບົ່າຄວາມເສຍຫາຍເຖິງບັນດາຄອບຄົວຊາວຫວຽດນາມ.
(ເວທີປາໄສພາກພື້ນອາຊຽນ (ARF) ຄັ້ງທີ 23)
ເພື່ອນດວງມາລາ, ຢູ່ແຂວງ ຫົວພັນ ໄດ້ໂທລະສັບຫາລາຍການໂດຍແບ່ງປັນວ່າ: ຂ້າພະເຈົ້າບໍ່ມີເວລາເພື່ອຕິດຕາມບັນດາການເຄື່ອນໄຫວຂອງກອງປະຊຸມອາຊຽນ ທີ່ດຳເນີນຢູ່ລາວ ໃນເດືອນ 07 ຜ່ານມາ. ໃນນັ້ນມີເວທີປາໄສພາກພື້ນອາຊຽນ (ARF) ຄັ້ງທີ 23. ຂ້າພະເຈົ້າຫວັງວ່າລາຍການທົບທວນຄືນບັນດາເນື້ອໃນຕົ້ນຕໍ່ຂອງເວທີປາໄສນີ້ໄດ້ບໍ່?
ເພື່ອນດວງມາລາ ທີ່ຮັກແພງ, ໃນເດືອນ 07 ຜ່ານມາ, ຢູ່ລາວ ໄດ້ດຳເນີນເວທີປາໄສພາກພື້ນອາຊຽນ (ARF) ຄັ້ງທີ 23, ໂດຍນອນໃນຂອບເຂດ AMM 49. ທີ່ເວທີປາໄສ, ບັນດາລັດຖະມົນຕີເນັ້ນໜັກເຖິງຄວາມສຳຄັນຂອງ ARF ແມ່ນເວທີປາໄສຄູ່ເຈລະຈາກ່ຽວກັບບັນດາບັນຫາດ້ານການເມືອງ - ຄວາມໝັ້ນຄົງທີ່ຂຶ້ນກັບຄວາມສົນໃຈ ແລະ ຜົນປະໂຫຍດລວມຢູ່ ອາຊີ ແລະ ປາຊີຟິກ, ຊຸກຍູ້ການສ້າງຄວາມໄວ້ເນື້ອເຊື່ອໃຈ, ການຮ່ວມມືເພື່ອສັນຕິພາບ, ສະຖຽນລະພາບຢູ່ພາກພື້ນ. ບັນດາລັດຖະມົນຕີຮັບຮູ້ບັນດາໝາກຜົນແຫ່ງການຜັນຂະຫຍາຍແຜນການດຳເນີນງານ ປະຕິບັດຖະແຫຼງການວິໄສທັດ ARF ໄດ້ຊ່ວຍຍົກສູງປະສິດທິຜົນແຫ່ງການແກ້ໄຂບັນດາສິ່ງທ້າທາຍທີ່ນັບມື້ນັບສັບສົນຢູ່ພາກພື້ນ, ເນັ້ນໜັກເຖິງຄວາມຈຳເປັນຕ້ອງຜັນຂະຫຍາຍບັນດາການເຄື່ອນໄຫວຢ່າງຮອບດ້ານ ເພື່ອຊຸກຍູ້ວິວັດການ ARF. ກອງປະຊຸມໄດ້ກວດກາຄືນການປະຕິບັດບັນດາມາດຕະການສ້າງຄວາມໄວ້ເນື້ອເຊື່ອໃຈ ແລະ ການທູດໃນການສະກັດກັ້ນໄລຍະ 2015-2016, ກອງປະຊຸມໄດ້ຕີລາຄາສູງການເຄື່ອນໄຫວຕ່າງໆຂອງບັນດາກຸ່ມໜູນຊ່ວຍກາງສະໄໝ ARF. ກ່ຽວກັບການຫຼຸດຜ່ອນໄພທຳມະຊາດ, ການຕ້ານກໍ່ການຮ້າຍ, ອາດສະຍະກຳຂ້າມຊາດ, ຄວາມປອດໄພໃນການເດີນທະເລ, ບໍ່ເຜີຍແຜ່ ແລະ ລົບລ້າງອາວຸດນິວຄະເລຍ. ເນື່ອງໃນໂອກາດນີ້, ກອງປະຊຸມໄດ້ຮັບຮອງເອົາບັນຊີລາຍຊື່ບັນດາການເຄື່ອນໄຫວໃຫ້ປີກາງສະໄໝ 2016 – 2017, ໃນນັ້ນ ຫວຽດນາມ ຈະເປັນປະທານຮ່ວມກຸ່ມໜູນຊ່ວຍກາງສະໄໝ ARF ກ່ຽວກັບຄວາມໝັ້ນຄົງ ໃນການເດີນທະເລກັບ ອົດສະຕາລີ ແລະ ສະຫະພາບ ເອີລົບ ໃນອາຍຸການ 2017 – 2020. ກ່ຽວກັບກຳນົດທິດໃນອະນາຄົດ, ບັນດາລັດຖະມົນຕີຢືນຢັນຄຳໝັ້ນສັນຍາຄືນໃໝ່ວ່າ: ຈະສືບຕໍ່ຊຸກຍູ້ບັນດາມາດຕະການສ້າງຄວາມໄວ້ເນື້ອເຊື່ອໃຈ, ພ້ອມທັງພັດທະນາບັນດາມາດຕະການ ການທູດສະກັດກັ້ນທີ່ເໝາະສົມກັບບັນດາຄວາມຮຽກຮ້ອງຕ້ອງການຂອງພາກພື້ນ; ເນັ້ນໜັກເຖິງຄວາມສຳຄັນຂອງຖະແຫຼງການ ຮ່າໂນ້ຍ ປະຕິບັດຖະແຫຼງການວິໄສທັດ ARF ເພື່ອກຳນົດທິດ ARF ແມ່ນເວທີປາໄສຢ່າງແທ້ຈິງ ແລະ ມີລັກສະນະການກະທຳ, ເພີ່ມທະວີການສົມທົບກັນຢ່າງຄົບຊຸດ ແລະ ລັກສະນະໜູນຊ່ວຍກັນລະຫວ່າງ ARF ກັບບັນດາອົງການອື່ນໆ ໂດຍ ອາຊຽນ ຊີ້ນຳນຳພາ. ກອງປະຊຸມໄດ້ຮັບຮອງເອົາບາງຖະແຫຼງການບັນດາລັດຖະມົນຕີ ARF, ໃນນັ້ນເປັນໜ້າສົນໃຈທີ່ສຸດແມ່ນຖະແຫຼງການກ່ຽວກັບການຊຸກຍູ້ການຮ່ວມມືລະຫວ່າງບັນດາອົງການປະຕິບັດກົດໝາຍບົນທະເລ ຕາມຂໍ້ສະເໜີຂອງຫວຽດນາມ.
ດັ່ງທີ່ກ່າວມາຂ້າງເຖິງແມ່ນເນື້ອໃນຄຳເຫັນຂອງທ່ານຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ, ຫວັງວ່າ ທ່ານຜູ້ຝັງຈະສືບຕໍ່ຝາກຈົດໝາຍ, ອີແມວ ຫຼື ໂທລະສັບມາຫາລາຍການເພື່ອປະກອບຄຳເຫັນຊ່ວຍລາຍການຂອງພວກເຮົາໃຫ້ນັບມື້ນັບດີກວ່າເກົ່າ. ພວກເພື່ອນສາມາດຝາກຈົດໝາຍມາຍັງລາຍການໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ laovov5@gmail.com. ທ່ານຜູ້ຟັງກໍສາມາດເຂົ້າເວັບໄຊ vovworld.vn ຫຼື vov5.vn ເພື່ອແລກປ່ຽນຄຳເຫັນ ແລະ ຈຳວິຈານຂອງຕົນຜ່ານບັນດາລາຍການທີ່ໄດ້ລົງໃນເວັບໄຊດັ່ງກ່າວ.
Minh Duc